Saa ndi̱kaꞌan ka Jesús xiꞌin nda, káchi ra saa: ―Tá kúu sava nda sínaꞌa ley Ndioxi ya ta̱a ra Moisés, ndíkundikun nda ichí nuu xáꞌnda chiñu Ndioxi, ta nda tá káa iin taa xiꞌin veꞌe ra nuu chivaꞌa ra ñaꞌa yata ra xiꞌin ñaꞌa xa̱á ra, saa íyo nda. Saa chi nda ikán, ta kúchiñu nda táva nda ya kuika yata ya xa xíni nda xiꞌin ya kuika xa̱á ―káchi ra xiꞌin nda.
2 Corintios 3:6 - Xochapa Mixteco6 Iindaa mií Ndioxi ku ra ta̱xi ndee ndaꞌa nde ya kuchiñu nde xaa súvi nde tuꞌun ya xa̱á ki̱ndoo ra ikan ra xiꞌin na ñuu ra. Ta tuꞌun ya xa̱á ki̱ndoo ra xiꞌin yo, ta köo ndi̱kaꞌi ya nuu yu̱ú tá kuꞌva ndi̱xiyo ley Ndioxi ya ta̱xi ra ndaꞌa ra Moisés xinaꞌa, chi ley ikán ta ta̱xi ya kuachi xaꞌa naꞌa ndi̱xiꞌi na, sundi Tachi I̱í Ndioxi ta ya táxi kutaku yo ku ya. အခန်းကိုကြည့်ပါ။ |
2 Corintios 3:6
45 ပူးပေါင်းရင်းမြစ်များ
Ta soꞌva ndi̱kaꞌan Ndioxi xiꞌin ra Abraham nuu ya ta̱a na xinaꞌa, káchi ra saa: “Yeꞌe ku Ndioxi, ta taxi i ichí ndaꞌa un nduu un iva ndiꞌi ni kúu naꞌa, na ndóo ñuu ivi yóꞌó”, káchi Ndioxi xiꞌin ra. Saa ka̱ndixa ra Abraham tuꞌun ya ndi̱kaꞌan Ndioxi xiꞌin ra. Chi Ndioxi ta kúu mií ra ichí ya sitaku ra na ndíi, saa kúu mií ra ichí ya sikuaꞌa ra ñaꞌa ya täꞌan kuaꞌa.
Sundi vitin, tá íin naꞌa na xa ndi̱xiꞌi, saa íin yo nuu ley Ndioxi ya xa̱ꞌnda chiñu nuu ichí yata ya xi̱ndikun yo, ta vitin ki̱ndoo ndíka yo nuu ya. Köo ka ichí kúu mií ya kaꞌnda chiñu ya nuu yo. Chi vitin ta ya xáꞌnda chiñu nuu yo ku Tachi I̱í Ndioxi ya íyo ini yo, yakan ndíkun yo ichí xa̱á nuu xáa súvi yo ya kúni Tachi I̱í Ndioxi.
Saa tá ndi̱ꞌi xi̱xi xíní na, ñaa ti̱in Jesús copa nuu ñúꞌu nduta vino, saa ndi̱kaꞌan ra, káchi ra saa: “Nduta vino yóꞌó ku nií i, nduta kuita xaꞌa ndo, ta xiꞌin rá yóꞌó kua kíndoo Ndioxi ya xa̱á xiꞌin ndo. Ta ndiꞌi saa ichí tá xíꞌi ndo nduta yóꞌó kua ndíkaꞌán ndo yeꞌe”, ka̱chi Jesús xiꞌin nda xi̱taꞌan xiꞌin ra.
Ta xa xíni yo mií Ndioxi ku ra to̱so yo veꞌe ñuꞌu ya xaa chiñu yo. Chiñu núnu̱ú ta̱xi ra ndaꞌa sava yo ku ya kúu yo apóstol, ta sava yo ku profeta, nda káꞌan tuꞌun yuꞌu Ndioxi, sava tu yo ku yo sínaꞌa tuꞌun Ndioxi, sava tu yo ta̱xi ra ichí ndaꞌa yo ya ikan yo yatuꞌun Ndioxi, sava yo ta̱xi ra ichí ndaꞌa yo ya sindaꞌa yo na kúꞌvi, sava tuku yo ta̱xi ra ichí ndaꞌa yo ya chindee taꞌan yo xiꞌin naꞌa, sava tuku yo ta̱xi ra ichí ndaꞌa yo ya kaꞌnda chiñu yo nuu na veꞌe ñuꞌu, sava tuku yo ta̱xi ra ichí ndaꞌa yo ya kaꞌan yo inka nuu tuꞌun ya köo ndi̱sikuaꞌa yo.
Tá tu kútai ni ini nda chi nda xáa chiñu ni nuu Cristo ku nda túvi nda, ta yeꞌe, ta ndee vaꞌa ka va xáa chiñu i nuu ra. Nda tá káa iin ra kíꞌvi va saa káa i ya káꞌan i saa. Chi yeꞌe ta ndee ni ka chíkaa i ndee nuu nda ñaa, kuaꞌa ni ichí ku̱nduvaꞌa na xiꞌin i, ta kuaꞌa ni ichí chi̱kaa na yeꞌe veꞌe kàà nuu nda ñaa, ta ndi̱xaꞌa ndee ndiꞌi ini i ndo̱ꞌo i saa, ta kuaꞌa ni ichí ku̱ni kaꞌni na yeꞌe.
Saa chi ley Ndioxi ya ta̱a ra nuu yu̱ú ikán ta̱xi ra ndaꞌa ra Moisés, ta ndi̱kaꞌan Ndioxi nuu ley ikán xaꞌa naꞌa, na köo xáa súvi ndiꞌi ya káꞌan ya ta xíniñuꞌu na kuvi na, káchi ya xaꞌa na. Yakan tá ndi̱kiꞌin ra Moisés ley ikán ta luvi ka vi ndi̱yeꞌe nuu ra ni köo ndi̱kuchiñu na Israel koto na nuu ra xaꞌa ya ndee ni ndi̱yeꞌe nuu ra. Ni saa va ta köo ndi̱kuchiñu ley ikán koo ya ndiꞌi saa tiempo.
Ta ya ndítuꞌun i xaꞌa xiꞌin ndo, ta ¿án köo ndi̱xiyo yuꞌu ya xiꞌin ley ya ta̱a ra Moisés xaꞌa ya ki̱ndoo Ndioxi xiꞌin ra Abraham, túvi ndo? ¡Ta süvi saa íyo ya! Chi tá tu ya ndi̱kuchiñu ku ley ikán taxi ya kutaku yo ndiꞌi saa tiempo xiꞌin Ndioxi, xaꞌa ya xáa súvi ni yo ya, ta ndikuiso vaꞌa va ra yoo nduu yo naꞌa, na köo ka kuachi kúu mií nuu ra, ndikuu.
Ta mií Iva yo ku ra táxi koo vaꞌa ni ini yo, mií ra ku ra si̱taku Tata yo Jesucristo tañu na ndíi, ta mií ra ku ra ndáa ni ndóꞌo̱ tá kuꞌva íkan iin ra ndee ni vaꞌa ndáa levo sana ra, saa íkan ra xiꞌin ndo. Ta ki̱ndoo ra xiꞌin ndo ya ikan ra ya xa̱á xiꞌin ndo xaꞌa nií ra nduta ndi̱xita nuu cruzin. Ta nda iin ichí ndïsama ini ra xaꞌa ya ki̱ndoo ra xiꞌin ndo.
Saa chi saa kua ndo̱ꞌo tu mií va Tata yo Jesucristo xaꞌa yo, ndi̱xiꞌi ra xaꞌa kuachi yo, ta iindaa ichí ndo̱ꞌo ra ndi̱xiꞌi ra, ta küvi ka ra. Ra vaꞌa ni ndi̱xiyo ra, ta ndi̱xiꞌi ra xaꞌa ndiꞌi yo ivi kuachi ya kuchiñu kundaka ra yoo kuꞌun yo nuu Ndioxi. Tá ndi̱xiꞌi ra ta ndi̱ꞌi xaꞌa ikin kuñu ra, saa tá ndi̱taku ra xiꞌin ikin kuñu ra ya xa̱á küvi kuni yo.
ကြော်ငြာတွေ