2 Corintios 3:10 - Xochapa Mixteco

¹⁰ Tá ndi̱kiꞌin ra Moisés ley ikán ta ndee ni luvi ndi̱yeꞌe nuu ra, sundi tuꞌun Ndioxi ya xa̱á, ya luvi ni ki̱ndoo ra ta̱xi ra ndaꞌa yo, ta yáꞌa ni ka va luvi ya ikán nuu ley Ndioxi ya ndi̱xiyo xinaꞌa.

2 Corintios 3:10 ပူးပေါင်းရင်းမြစ်များ

Los Hechos 26:13

Tá xíka i kuaꞌan i ñuu ikán ta saa ka̱ꞌñu va, Tata Rey. Ñaa xi̱ni i iin ñu̱ꞌu̱ ke̱ta ya nuu ndivi, ndakua yéꞌe̱ taxan ya, ndee ka yéꞌe̱ ya ikán nuu ñu̱ꞌù. Ta iin ndi̱kava nduu ndiꞌi ya sata i xiꞌin nda kuaꞌan xiꞌin i.

2 Corintios 3:11

Tá luvi ni va ndi̱xiyo mií ley Ndioxi ikán, vani köo ndïkundee ya koo ya ndiꞌi saa tiempo, ta kachi ka vi ya xa̱á, ya luvi ni ka ki̱ndoo Ndioxi xiꞌin yo vitin, ta nda iin ichí ndïꞌi xaꞌa ya.

2 Corintios 3:9

Tá tu ndee ni ndi̱yeꞌe ya luvi ni ku̱u mií ley Ndioxi ndi̱kiꞌin ra Moisés, vani káꞌan ya xaꞌa naꞌa ya ndiꞌi xaꞌa na xaꞌa kuachi na, ta yáꞌa ni ka va kaꞌnu ya vaꞌa, ya luvi ni, ya xa̱á, ya káꞌan ndá kuꞌva kua ndíkuiso vaꞌa Ndioxi yo nuu ra, ndúu yo tá íin naꞌa, na köo ka kuachi kúu mií nuu ra.

2 Pedro 1:17

Tá ndi̱kaꞌan Iva yo Ndioxi xiꞌin ra, saa kua ta̱xi ra ya chee ni xiꞌin ya toꞌo ni ndaꞌa ra, ke̱e ya nuu luvi ni káa nuu mií Iva yo Ndioxi, káchi ra saa: “Ra yóꞌó ku Seꞌe mani mií i, ra kúꞌvi ni ini i xíni i, kúsini ni i xiꞌin ra”, káchi Ndioxi.

El Apocalipsis 22:5

Ta nda iin ichí ndüu ñǔu ka ñuu i̱í ikán, ni küniñuꞌu ka na ñu̱ꞌu̱ ya sindiyeꞌe ya nuu na, ni ñu̱ꞌù sïndiyeꞌe ka ya nuu na, saa chi mií Ndioxi ku ra sindiyeꞌe nuu na, saa kaꞌnda chiñu na xiꞌin ra ndiꞌi saa ichí.