2 Corintios 2:16 - Xochapa Mixteco

¹⁶ Ta nuu naꞌa, na kuaꞌan ichí nuu ndiꞌi xaꞌa na, tá íin xi̱ko̱ na ndíi va, saa íin xi̱ko̱ nde nuu na. Ta nuu naꞌa, na kuaꞌan ichí nuu kaku na, tá íin xi̱ko̱ na táku xáꞌan támi, saa íin xi̱ko̱ nde nuu na. Ta köo naꞌa kuchiñu xaa súvi vi chiñu yóꞌó tá tu süvi Ndioxi ku ra tíꞌvi na kuaꞌan na. Chi ndee ni va chiñu ku mií ya.

2 Corintios 2:16 ပူးပေါင်းရင်းမြစ်များ

San Lucas 2:34

Saa ndi̱kaꞌan ra tuꞌun yóꞌó xiꞌin na, káchi ra saa: ―Ndioxi ná chikaa ka ya vaꞌa ndóꞌo̱. Ta saa ndi̱kaꞌan ka ra xiꞌin yá María siꞌí ra loꞌo Jesús, káchi ra saa: ―Ndioxi ndi̱kaxin ra loꞌo seꞌe un yóꞌó ya ka̱ku ra, ta kuaꞌa ni na Israel sikaku ra. Ta inka na xïin ndikiꞌin vaꞌa ñaꞌa ndiꞌi xaꞌa na, saa chi ra yóꞌó kúu taa ra koo iin seña sinaꞌa Ndioxi nuu na ñuu ivi ta kuaꞌa ni na küaꞌa kandixa ñaꞌa,

San Juan 9:39

Saa ndi̱kaꞌan Jesús, káchi ra saa: ―Xa̱a i ñuu ivi yóꞌó ya ta ya situvi i ini naꞌa ndá kuꞌva íyo ini na kua xa̱a i. Tá kúu na íkan ya väꞌa, ta tá iyo na kuáa̱ saa íin na, ta na ikán ku na xúna i nuu. Ta ivi na vaꞌa ni túvi na, ta na ikán ku na ndúkuaa, saa chi xaꞌa ya vaꞌa ni na túvi na, ta köo táxi na kuna i nuu na ―káchi Jesús.

1 Corintios 15:10

Ta xaꞌa ya vaꞌa ni Ndioxi xiꞌin i kua kúu i apóstol tá kuꞌva íyo i vitin, saa ni xaꞌa ya vaꞌa ni ra xiꞌin i kua chíndee ra yeꞌe vaꞌa xáa súvi i chiñu nuu ra. Ta yeꞌe, ndee ni ka xáa chiñu i nuu tá kúu ndiꞌi nda taꞌan i, nda xáa chiñu nuu ra. Ta süvi xiꞌin ndee mií i kua xáa chiñu i, chi mií Ndioxi va ku ra chíndee taꞌan xiꞌin i xáa súvi i ya xaꞌa ya kúndaꞌvi ni ini ra xíni ra yeꞌe.

2 Corintios 12:11

Tá kuꞌva káꞌan iin ra kiꞌvi va saa káꞌan i, chi mií ndo ku ndo i̱kan saa xiꞌin i, ya káꞌan i saa xiꞌin ndo. Chi ndóꞌo̱ ku ndo xíniñuꞌu kaꞌan vaꞌa xaꞌa i, ndikuu. Sundi ndóꞌo̱, ta ni köo ndáa yaꞌvi vi i nuu ndo. Ta saa ni köo ni̱nu̱ kúni vi i nuu nda chínuu vaꞌa ni tuꞌun ñaa, ya ndee ni naꞌnu ka nda ñaa nuu yeꞌe, túvi ndo.