2 Corintios 2:14 - Xochapa Mixteco

¹⁴ Ta táxi ni i tixaꞌvi ndaꞌa Ndioxi xaꞌa Jesucristo chi ndiꞌi saa ichí chíndee taꞌan ra xiꞌin nde kúchiñu nde xáa kanaa nde nuu na sáa ini xíni ndeꞌe. Ta tixin ndeꞌe kua xíta niꞌnu ndiꞌi tuꞌun xaꞌa ra iníi kúu. Chi tá káa nduta támi ka vi xáꞌan, saa káa tuꞌun vaꞌa xaꞌa ra nuu naꞌa, na xíni soꞌo ya.

2 Corintios 2:14 ပူးပေါင်းရင်းမြစ်များ

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

ROMANOS 1:8

Xiꞌna kúni i kaꞌan i xiꞌin ndo tuꞌun yóꞌó: tixin ichí Jesucristo káꞌan i xiꞌin Ndioxi, táxi ni i tixaꞌvi ndaꞌa ra xaꞌa ndo. Saa chi ndee ni kándixa ndo Jesucristo yakan ndiꞌi ni kúu ñuu xíni soꞌo na tuꞌun vaꞌa xaꞌa ndo.

ROMANOS 15:19

Ndixaꞌvi ni mií Ndioxi xaꞌa Tachi I̱í ra, saa chi chíndee ya yeꞌe íkan i yatuꞌun nuu na xiꞌin ya vaꞌa ni, ta soꞌva kua síxinu i tuꞌun vaꞌa xaꞌa Jesucristo. Nda ñuu Jerusalén kua xa̱á i káꞌan ndoso i tuꞌun vaꞌa xaꞌa ra, iin saa ndi̱xaa i nda ñuu Ilírico, ndi̱xika ndiꞌi i ndi̱kaꞌan i xiꞌin na xaꞌa tuꞌun vaꞌa ya síkaku mií na.

ROMANOS 6:17

Ndixaꞌvi ni Ndioxi vani ndee ni ndee xi̱ndoꞌni ndo ndaꞌa kuachi, ta ndinuꞌu ni ini ndo ka̱ndixa ndo tuꞌun ya ndi̱kani na nuu ndo tá si̱naꞌa na ndóꞌo̱.

ROMANOS 8:37

Vani uꞌvi ni tíxuꞌvi yo, ta saa ni kúchiñu yo xáa taa yo nuu tindoꞌo. Chi Jesucristo ku ra kúꞌvi ni ini xíni yoo, ta táxi ra ndee ra ndaꞌa yo ya kuchiñu yo yaꞌa yo nuu tindoꞌo, ya uꞌvi ni vaxi nuu yo.

1 Corintios 12:8

Saa chi táxi Tachi I̱í Ndioxi ya vaꞌa ndaꞌa sava na, ya kúchiñu na kúndaa ini na xiꞌin tuꞌun ya ndee ni ndíchi, ta sava tuku na ndee ni íyo ya xínituni na, ndíchi ka vi íyo ya káꞌan na.

1 Corintios 15:37

Ta tàtà chíꞌi yo ta köo iin káchi íin ri xiꞌin mií itun trigo tá ndúta ya, chi täꞌan kuaꞌnu ya koo ya tá kuꞌva xíniñuꞌu ya koo ya. Tá ná kuaꞌnu ya, saa kua kúndaa ini yo xiꞌin ya ndá kuꞌva koo ya. Ndiꞌi nuu siꞌva, ta saa ndóꞌo ndiꞌi va ri.

1 Corintios 15:57

¡Sundi ndixaꞌvi ni Ndioxi chi ku̱chiñu yo nuu kuachi ya xáꞌni yoo xaꞌa ya i̱kan Tata yo Jesucristo!

2 Corintios 1:11

tá káꞌan ni ndo xiꞌin Ndioxi xaꞌa nde. Tá tu kuaꞌa ni naꞌa káꞌan xaꞌa nde xiꞌin Ndioxi, ta saa kuaꞌa ni na taxi tixaꞌvi ndaꞌa ra xaꞌa ya vaꞌa níꞌi ndeꞌe nuu ra.

2 Corintios 8:16

Táxi ni i tixaꞌvi ndaꞌa Ndioxi xaꞌa ra Tito, ñani yo, chi chi̱kaa Ndioxi ya vaꞌa ini ra, ya ndíkani ini ra tá kuꞌva ndíkani ini yeꞌe, ya chindee taꞌan nde xiꞌin ndo.

2 Corintios 9:15

Ta ndixaꞌvi ni Ndioxi xaꞌa ya kúꞌvi ni ini ra xíni ra yoo, ta ni köo níꞌi yo tuꞌun kaꞌan yo xiꞌin ra ya taxi yo tixaꞌvi ndaꞌa ra xaꞌa ya vaꞌa ni íkan ra xiꞌin yo.

Efesios 5:2

Tá kuꞌva íkan Cristo xiꞌin yo, kúꞌvi ni ini ra xíni ra yoo, ta saa xíniñuꞌu ndóꞌo̱ kuꞌvi ni ini ndo kuni taꞌan ndo. Chi xaꞌa ya kúꞌvi ni ini ra xíni ra yoo kua ndi̱soko ra mií ra xaꞌa yo. Tá kuꞌva íkan naꞌa, sóko na kiti levo loꞌo nuu Ndioxi ya xíxi ri nuu ra, saa kuandaa xiko ya támi ni xáꞌan nuu ra. Ta saa i̱kan Cristo xiꞌin yo tá ndi̱xiꞌi ra, ta nda̱a xiko tami ni xaꞌan nuu Ndioxi.

Efesios 5:20

Ndiꞌi saa ichí taxi ni ndo tixaꞌvi ndaꞌa Iva yo Ndioxi, xaꞌa ndiꞌi ni kúu ñaꞌa tixin Tata yo Jesucristo.

Filipenses 4:18

Ndixaꞌvi ni ndo xaꞌa ya ti̱ꞌvi ndo ndaꞌa i chi̱ndee ni ndo yeꞌe chi vitin ta xa íyo ndiꞌi ya xíniñuꞌu i, köo ka ya kúmani nuu i, nda ndóo ndoso ka ya nuu i, saa chi xa ndi̱kiꞌin i ya ti̱ꞌvi ndo vaxi xiꞌin ra Epafrodito, ñani yo. Ta tá káa ya luvi xáꞌan sóko ndo nuu Ndioxi saa káa ya, ta Ndioxi kúsini ni ra xiꞌin ndo.

Colosenses 1:23

Saa nduu ndo tá tu tuun ni kándixa ndo tuꞌun vaꞌa xaꞌa Tata yo Jesucristo tá tu ná sïndikoo ndo tuꞌun ra ya ndee ni teꞌe xi̱ni soꞌo ndo. Ta xa ndiꞌi ni kúu xaꞌa ñuu ivi xi̱ni soꞌo na xaꞌa tuꞌun ra, taꞌan ya ikán kua káꞌan ndoso yeꞌe Pablo.

Colosenses 1:6

Ta tuꞌun yóꞌó kua xa ndi̱xaa nuu ndo, ta xa kuaꞌa ni naꞌa kúndaa ini xaꞌa ya ndiꞌi ni kúu ñaꞌñu. Ta vaꞌa ni íkan ya xiꞌin na chi ndísama ya na, saa ndúkuaꞌa ka na kúndaa ini xaꞌa ya. Ta saa tu ndóꞌo̱ va, nda tá xi̱ni soꞌo ndo ya, saa ku̱ndaa ini ndo xaꞌa ya ndaa, ya ndee ni kúꞌvi ini Ndioxi xíni ra ndóꞌo̱.

Colosenses 2:15

Ta xaꞌa ya ndi̱xiꞌi Tata yo Jesucristo nuu cruzin kua ku̱chiñu ra si̱ndiꞌi xaꞌa ra ndiꞌi nuu ndee ya xáꞌnda chiñu ñuu ivi yóꞌó. Ta nuu ndiꞌi ni kúu naꞌa ki̱ndaa ra ndee ikán ndaꞌa ndiꞌi tachi nduvaꞌa. Tá ndóꞌo naꞌa tá kuaꞌan na veꞌe kàà, núꞌni na kuaꞌan na xiꞌin ya nduxa. Ta saa i̱kan ra xiꞌin ndiꞌi ndee ikán, si̱ndiꞌi xaꞌa ndiꞌi ra ya.

1 Tesalonicenses 1:8

Chi ndóꞌo̱ ku ndo ndítuꞌun tuꞌun vaꞌa xaꞌa Tata yo Jesucristo, ta süvi ndisaa estado Macedonia ñaa xiꞌin estado Acaya kua xíta niꞌnu ya, chi ndiꞌi ni kúu ñaꞌñu xíta niꞌnu tuꞌun ra. Ta kuaꞌa ni na xíni soꞌo xaꞌa ya ndee ni ndáa ini ndo xíni ndo ra. Yakan ndeꞌe ta nda iin ka ya köo xíniñuꞌu nde ndituꞌun nde xiꞌin na xaꞌa ndo.

1 Tesalonicenses 3:9

Ta ndixaꞌvi ni ndo ya íkan ndo saa, yáꞌa ni vi kúsini nde nuu Ndioxi xaꞌa ya xi̱ni soꞌo nde íkan ndo saa, ni köo níꞌi nde kuꞌva taxi nde tixaꞌvi ndaꞌa ra xaꞌa ndo.

1 Timoteo 2:8

Ta ya yóꞌó kua kúni i ná ikan ndiꞌi nda taa: Vaꞌa ná kaꞌan nda xiꞌin Ndioxi ndiꞌi ni kúu ñaꞌñu nuu ndíkitaꞌan ndo xáa kaꞌnu ndo ra. Ta vaꞌa ná ndaniꞌi ndaꞌa nda nuu ndivi kaꞌan nda xiꞌin ra, i̱í ná koo ini nda, ta ná säa ini nda kuni nda naꞌa, ni ná käni taꞌan nda xiꞌin nda iin naꞌa.

2 Timoteo 2:2

Taꞌan ya xi̱ni soꞌo un ndi̱kaꞌan i tá si̱naꞌa i kuaꞌa ni naꞌa, taꞌan ya ikán kua xíniñuꞌu un sinaꞌa un ñani yo nda ndinuꞌu ni ndíkun Tata yo Jesucristo ta saa ná koo ya sinaꞌa nda inka naꞌa.

El Apocalipsis 7:12

Ta ndi̱kaꞌan na xiꞌin Ndioxi, káchi na saa: ―¡Saa ná koo ya! ¡Ndikiꞌin ndiꞌi un ya xáa kaꞌnu nde yóꞌo̱ Iva yo Ndioxi! Ná kaꞌan vaꞌa ni naꞌa xaꞌa un ¡Chi mií un ku ra ndixa ni ndíchi! ¡Ta ndixaꞌvi ni un, Iva yo Ndioxi! ¡Ná kunuu sukun ni ya toꞌo un! ¡Chi ndee ni ndee kúu mií un! ¡Ta ndakú ni un! ¡Saa ná koo ya ndiꞌi saa kúu kivi! ―káchi na tatun Ndioxi.