2 Corintios 2:12 - Xochapa Mixteco

¹² Tá ndi̱xaꞌan i ñuu Troas ya ndituꞌun i tuꞌun vaꞌa xaꞌa Jesucristo xiꞌin naꞌa, ta ndee ni vaꞌa xu̱na Tata yo ichí nuu i ya xaa chiñu i ikán.

2 Corintios 2:12 ပူးပေါင်းရင်းမြစ်များ

Los Hechos 14:27

Tá ndi̱xaa nda saa si̱kitaꞌan ndiꞌi nda na kándixa Jesús. Iin ndi̱kitaꞌan ndiꞌi na, ta saa ndi̱tuꞌun ndiꞌi nda xaꞌa ya vaꞌa ni i̱kan Ndioxi xiꞌin nda, ta ndi̱kaꞌan nda xiꞌin na ndá kuꞌva xu̱na Ndioxi ichí nuu na köo kúu judío ya kandixa na Jesús.

Los Hechos 16:11

Saa ke̱e nde ñuu Troas ta ndi̱kiꞌin nde kuaꞌan ndaku nde xiꞌin barco nda maꞌñu nduta ñûꞌu nuu ñuꞌú íchi ndíkaa ñuu Samotracia, ta inka kivi ndi̱xaa nde ñuu Neápolis.

Los Hechos 16:8

Yakan ndi̱yaꞌa ndaku nda estado Misia, ta ndi̱kiꞌin nda kuaꞌan nda ñuu Troas ya ndíkaa yuꞌu nduta ñûꞌu.

Los Hechos 20:8

Ndi̱kitaꞌan nde ndóo nde piso ni̱nù ta yáꞌa ni kuaꞌa ñu̱ꞌu̱ túun ikán.

ROMANOS 1:1

Ndioxi ná koo xiꞌin ndo, na taꞌan yo, na ndóo ñuu Roma. Yeꞌe ku ra Pablo, ra xáa chiñu nuu Jesucristo, ra ka̱na Ndioxi ku i, ta ta̱xi ra chiñu ndaꞌa i ya kúu i apóstol, saa ti̱ꞌvi ra yeꞌe ya kaꞌan ndoso i tuꞌun vaꞌa xaꞌa Jesucristo xiꞌin naꞌa. Táa i tutu yóꞌó xaa ya ndaꞌa ndo.

1 Corintios 16:9

Saa chi vaꞌa ni va ndi̱xuna yeꞌe nuu i, ya kaꞌan ndoso i tuꞌun vaꞌa xaꞌa Jesucristo xiꞌin naꞌa ya kuchiñu na kaku na, vani íyo kuaꞌa ni naꞌa, na sáa ni ini xíni yeꞌe.

1 Corintios 9:12

Chi ndóꞌo̱ ta vaꞌa va chíndee taꞌan ndo xiꞌin sava nda xáa chiñu nuu Tata yo Jesucristo. Tá tu saa íkan ndo xiꞌin nda ikán, ta ndeꞌe ka va ku nde kúu ni mií ichí ya chindee taꞌan ndo xiꞌin nde, xaꞌa ñaꞌa ya xíniñuꞌu nde, ndikuu. Ta köo ndi̱kan nde saa xiꞌin ndo, ndi̱xaꞌa ndee ndiꞌi va ini nde, chi köo kúni nde kasi nde nuu ya káꞌan ndoso nde tuꞌun vaꞌa xaꞌa Tata yo Jesucristo.

1 Corintios 9:14

Ta iin kuꞌva saa xáꞌnda chiñu Tata yo Jesucristo nuu naꞌa, na ndíso chiñu xiꞌin naꞌa, na káꞌan ndoso tuꞌun vaꞌa xaꞌa ra, na ikán kúu mií na ichí niꞌi na ñaꞌa kuxi na xaꞌa chiñu íkan na.

1 Corintios 9:16

Ta saa ni ya káꞌan ndoso i tuꞌun vaꞌa xaꞌa Tata yo Jesucristo, ta süvi xaꞌa ya xaa kaꞌnu xiꞌin mií i ku ya. Saa chi iin chiñu ya xa ndi̱taꞌnda nuu i xaa súvi va i ku ya. Ndaꞌvi ni mií va i tá tu köo xáa súvi i chiñu yóꞌó.

2 Corintios 10:14

Ta ndeꞌe ku nde xiꞌna ndi̱xaa nuu ndo ndi̱tuꞌun nde tuꞌun vaꞌa xaꞌa Jesucristo xiꞌin ndo, ta xiꞌin chiñu ya xa̱a súvi nde nuu ndo, ta i̱kan nde ya tá kuꞌva kúni mií Ndioxi ta nda loꞌo köo ndi̱yaꞌa ndoso nde chiñu ya ta̱xi ra ndaꞌa nde.

2 Corintios 11:4

Chi ndóꞌo̱ ta ya vaꞌa ndíkuiso ndo ku ndiꞌi va tuꞌun ya ndíkani inka nda taa nuu ndo, ni xa síin kua káꞌan nda xiꞌin ndo, sínaꞌa nda ndóꞌo̱. Ta saa vaꞌa ni ndíkuiso ndo inka nuu tachi, ta süvi taꞌan Tachi I̱í Ndioxi ya xa ndi̱kiꞌin ndo ku ya káꞌan nda xaꞌa xiꞌin ndo, ta saa vaꞌa ni xíni soꞌo ndo ya káꞌan nda xiꞌin ndo xaꞌa tuꞌun vaꞌa xaꞌa Jesucristo. Ta süvi taꞌan kuꞌva si̱naꞌa nde ndóꞌo̱ kua káꞌan nda xiꞌin ndo, chi xa síin va kua káꞌan nda xiꞌin ndo.

2 Corintios 11:7

Ta ¿án väꞌa ndi̱kan i xaꞌa ya köo ndi̱kiꞌin i nda iin peso loꞌo ndaꞌa ndo? Chi yeꞌe, ta nda̱sa ni̱nu̱ i mií nuu ndo ya ná kuaꞌnu ka ndo xiꞌin tuꞌun ra tá ndi̱tuꞌun i tuꞌun vaꞌa xaꞌa Jesucristo xiꞌin ndo? Ta ¿án ya uun kuiti va ku tuꞌun ya ndi̱kaꞌan i xiꞌin ndo?

2 Corintios 4:3

Ta sava naꞌa köo kúndaa ini na xiꞌin tuꞌun Ndioxi ya káꞌan ndoso nde nuu na, chi íyo ñaꞌa ndási ini na, ta na ikán ku naꞌa, na ndíkun kuaꞌan ichí nuu ndiꞌi xaꞌa na.

2 Corintios 4:4

Saa ndóꞌo na chi kiti nǎꞌa kúu ndioxi ñuu ivi yóꞌó ku ri ndi̱kasi ya xínituni na ya ná kändixa na tuꞌun vaꞌa xaꞌa Jesucristo ya káꞌan nde xiꞌin na, ta na ikán, tá íin na kuáa̱ saa íin na. Chi köo táxi ri kuni na ya yéꞌe̱ luvi ni kúu mií tuꞌun vaꞌa xaꞌa Jesucristo. Chi mií Jesucristo, tá káa níí mií Ndioxi saa káa ra.

2 Corintios 8:18

Ta saa tíꞌvi nde iin ra ñani yo xaa ra xiꞌin ra, ta ra ñani yo yóꞌó ku ra ndee ni vaꞌa ínuu tuꞌun nuu ndiꞌi na veꞌe ñuꞌu xaꞌa ya ndee ni vaꞌa xáa chiñu ra xaꞌa tuꞌun Ndioxi.

2 Corintios 9:13

Ndúkuaꞌa naꞌa taxi tixaꞌvi ndaꞌa Ndioxi, chi kíꞌin na kuenta ya xáa súvi ndo tuꞌun vaꞌa xaꞌa Tata yo Jesucristo ya káꞌan ndoso ndo. Ta saa ndúkuaꞌa ni naꞌa táxi tixaꞌvi ndaꞌa ra xaꞌa ya ndee ni vaꞌa chíndee ndo na taꞌan ndo, ta saa chíndee tu ndo ndiꞌi va naꞌa.

Colosenses 4:3

Ta kaꞌan ni ndo xiꞌin ra ya ná kuna ra yeꞌe nuu nde ya ndituꞌun ka nde tuꞌun vaꞌa xaꞌa ra xiꞌin naꞌa ya ná kuchiñu ndituꞌun nde xaꞌa ñaꞌa ya ndi̱xiyo sěꞌe yachi, chi vitin ta xa si̱tuvi ra ya tixin Tata yo Jesucristo nuu na, ta xaꞌa ya ndítuꞌun i xaꞌa ra kua ndíkaa i veꞌe kàà yóꞌó.

1 Tesalonicenses 3:2

ta ti̱ꞌvi nde ra Timoteo, ñani yo, xaa ra nuu ndo koto ra ndóꞌo̱. Ta ra ñaa iin káchi vaꞌa ni xáa chiñu ra nuu Ndioxi xiꞌin nde, káꞌan ndoso ra tuꞌun vaꞌa xaꞌa Tata yo Jesucristo. Ta ti̱ꞌvi nde ra xaa ra nuu ndo koto ra ndóꞌo̱, ya chindee ra ndóꞌo̱ kandixa ni ka ndo tuꞌun xaꞌa Tata yo Jesucristo, saa xaꞌa ni ra ndee xiꞌin ndo,