2 Corintios 13:7 - Xochapa Mixteco

⁷ Nina saa káꞌan ni nde xaꞌa ndo xiꞌin Ndioxi ya ná ïkan ndo ndá ka ñaꞌa väꞌa, ya káꞌan nde saa xiꞌin ndo, ta süvi xaꞌa ya kúni nde ya ná kuni naꞌa ya ndi̱yaꞌa vaꞌa nde nuu ya xi̱to ndoso nde mií nde kua. Káꞌan nde saa xiꞌin ndo ya ná ikan ndo ñaꞌa vaꞌa nuu Ndioxi, vani sava ndo ndíkani ini xaꞌa nde ya köo ndi̱yaꞌa nde nuu ya xi̱to ndoso nde mií nde, kaꞌán ndo.

2 Corintios 13:7 ပူးပေါင်းရင်းမြစ်များ

San Mateo 6:13

Täxi un ndikava nde ndaꞌa ya väꞌa, chindee un ndeꞌe nuu ya väꞌa. Chi yóꞌo̱ ku ra xáꞌnda chiñu, yóꞌo̱ ku ra kúu mií ndee ta ndiꞌi naꞌa xáa kaꞌnu yóꞌo̱ ndiꞌi saa kivi ya vaxi. Saa ná koo ya”. Soꞌva kachi ndo xiꞌin Ndioxi ―káchi Jesús xiꞌin na.

San Juan 17:15

Ta köo xíkan i ya mani nuu un, ya tava un na kee na tañu na ñuu ivi yóꞌó, ya xikan i nuu un kua, kundaa ni un na nuu ya väꞌa.

ROMANOS 1:28

Xaꞌa ya ndi̱ndoso ini na xaꞌa Ndioxi, ta ni köo ndi̱xiin na kundaa ini na xaꞌa ra, yakan sa̱ña ndaꞌa ra na, xa̱á na íkan na ya väꞌa, ya ndíkani xiní mií na.

ROMANOS 12:17

Tá väꞌa íkan naꞌa xiꞌin ndo, ta ïkan ndo tá íkan na. Kundiꞌi ni ka ini ndo ikan ndo ya vaꞌa nuu ndiꞌi naꞌa.

ROMANOS 13:13

Vívií ná koo yo, tá kuꞌva íin naꞌa, na xíka nduvi teꞌe, saa ná koo yo. Ta ná küꞌun yo nuu viko nuu xíxi náꞌna naꞌa, ta xíꞌi ni na, ni nuu kini ni káa, nuu ñúꞌu taa xiꞌin ná síꞌi. Nda iin ñaꞌñu yóꞌó köo xíniñuꞌu yo kuꞌun yo. Ná käni taꞌan yo xiꞌin nda iin naꞌa, ni ná küu uni ini yo kuni yo inka naꞌa.

ROMANOS 16:10

Kaꞌan ndioxi ni tu ndo xiꞌin ra Apeles, chi ra ñaa ta ndee ni ndee xi̱ndikaa ra nuu tindoꞌo xi̱to ndoso ya ra xaꞌa Jesucristo. Saa kaꞌan ndioxi ni tu ndo xiꞌin na veꞌe ra Aristóbulo va.

1 Corintios 11:19

Ta ¿án xaꞌa ya íkan ndo saa kua kúni ndo sinaꞌa ndo mií ndo unku ndo ndixa ndaa ni ndíkun Tata yo Jesucristo, túvi ndo? ¡Ta süvi saa íyo ya!

2 Corintios 10:10

Chi sava ndo káꞌan: “Tutu ya táa ra Pablo ñaa, ta ndee ni kueꞌe káꞌan ra xiꞌin ya, ndaku ni káꞌan ra, sundi mií ra ta ni köo ndee káꞌan vi ra, vita ni va ini ra, ta ni köo ndáa yaꞌvi tuꞌun káꞌan ra nuu naꞌa, káchi ndo xaꞌa i”.

2 Corintios 10:18

Saa chi naꞌa, na ndee ni ndáa yaꞌvi nuu Ndioxi ku naꞌa, na chínuu vaꞌa ni mií ra tuꞌun xaꞌa. Ta köo ndáa yaꞌvi ya káꞌan vaꞌa ni na xaꞌa mií na nuu ra.

2 Corintios 13:6

Chi ndeꞌe, ta kúni nde ná kundaa ini ndo xaꞌa nde ya ka̱na vaꞌa nde nuu ya xi̱to ndoso nde mií nde, ta kúu nde taa nda ndixa kándixa Jesucristo, ta íyo ra xiꞌin nde.

2 Corintios 13:8

Chi ndeꞌe, ta küvi ikan nde ndá ka ñaꞌa ya köo íyo yuꞌu xiꞌin ya ndaa, nina ya vaꞌa, ya íyo yuꞌu xiꞌin ya ndaa kua xíniñuꞌu nde ikan nde.

2 Corintios 13:9

Yakan kúsini ni va nde tá vita ni ini nde, chi ndeꞌe, ta kúni nde ya ná nduu ndee ni ndóꞌo̱. Saa káꞌan ni nde xaꞌa ndo xiꞌin Ndioxi ya ná nduu xa̱á ka ndo, saa xinu ndo nduu ndo naꞌa, na vaꞌa ni.

2 Corintios 6:4

Nda vaꞌa ka va íkan nde, chi ndiꞌi ya íkan nde nuu na ta káꞌan ya xaꞌa nde ya xáa chiñu nde nuu Ndioxi. Xáꞌa ndee ini nde xiꞌin ndiꞌi tindoꞌo ya vaxi nuu nde, saa tu tindiꞌi ini ya vaxi nuu nde, xiꞌin ya kúmani ñaꞌa xíniñuꞌu nde, saa kúndee ini nde xiꞌin ndiꞌi ya suchi ini vaxi nuu nde.

2 Corintios 8:21

Ta vívií ni va xáa súvi nde chiñu yóꞌó nuu Tata yo, ta süvi ndisaa nuu mií ra íkan nde saa, chi saa vívií íkan tu nde nuu naꞌa va.

Filipenses 4:8

Ta vitin kúni i kaꞌan i xiꞌin ndo unkua xíniñuꞌu ndo ndikani ini ndo xaꞌa: Nina ya ndaa, nina ya íyo ya toꞌo xaꞌa, nina ya ndǎku, nina ya vaꞌa, nina ya luvi, nina ya ínuu vaꞌa tuꞌun xaꞌa ndikani ini ndo. Ta saa ndikani ni tu ini ndo xaꞌa ya ndee ni ndáa yaꞌvi xiꞌin ndiꞌi ya ndee ni xáa kaꞌnu Ndioxi.

1 Tesalonicenses 5:23

Ta mií Ndioxi, ra táxi koo vaꞌa ni ini yo ná xaa i̱í ni ra ndiꞌi ni kúu ya vaꞌa ndo xiꞌin ya xínituni ndo xiꞌin ikin kuñu ndo. Saa ná chivaꞌa ra ndóꞌo̱, nda iin kuachi ná küu mií ndo tá kivi ná ndiko koo tuku Tata yo Jesucristo kixi ra ñuu ivi yóꞌó.

1 Timoteo 2:2

Saa kaꞌan ni ndo xiꞌin ra xaꞌa ndiꞌi ni kúu na chiñu naꞌnu xiꞌin na chiñu vali ya ná kuchiñu koo vaꞌa ni ini yo xiꞌin taꞌan yo, ta ná kandixa ni yo Ndioxi. Saa ná koo vaꞌa ndiꞌi yo xiꞌin taꞌan yo, ná xaa toꞌo taꞌan yo.

2 Timoteo 2:15

Ta xaꞌa ni un ndee ya koo un iin taa ra vaꞌa ni íyo nuu Ndioxi, ta saa köo ya kukaꞌan nuu un kuni un ra xaꞌa ya vaꞌa ni xáa chiñu un, ta ndaa ni sínaꞌa un tuꞌun ra nuu naꞌa, saa xáa súvi un ya ndaa sínaꞌa un.

2 Timoteo 4:18

Ta mií Iva yo ku ra sikaku yeꞌe nuu ndiꞌi ñaꞌa väꞌa, saa kuniꞌi ra yeꞌe kuꞌun i xiꞌin ra nuu ndivi nuu xáꞌnda chiñu ra. ¡Saa ná kunuu sukun ni ya toꞌo ra, ndiꞌi saa kivi ya vaxi! Saa ná koo.

Santiago 1:12

Vaꞌa ni kée naꞌa, na kúndee ini xiꞌin tindoꞌo vaxi nuu na, saa chi Ndioxi ta taxi ra kutaku na xiꞌin ra ndiꞌi saa kúu kivi. Tá íyo ya ndi̱kaꞌan ra xiꞌin naꞌa, na kúꞌvi ni ini ra xíni ra, saa koo ya ikan ra xiꞌin na, niꞌi na ichí kutaku na xiꞌin ra.

1 Pedro 2:12

Vívií koo ndo tañu naꞌa, na köo xíni Ndioxi, chi án sana kaꞌan na xaꞌa ndo ya köo vaꞌa íkan ndo, kachi na. Ta saa tá ná kuni na ya vaꞌa ní íyo ndo ta saa xaa kaꞌnu na Ndioxi tá kivi ná kixi ra xaa nani ra kuachi xiꞌin na ñuu ivi.