2 Corintios 13:14 - Xochapa Mixteco

¹⁴ Ta saa ná niꞌi ni ndo ya vaꞌa nuu Tata yo Jesucristo xiꞌin ya kúꞌvi ni ini Iva yo Ndioxi xíni ra ndóꞌo̱. Saa ná koo Tachi I̱í Ndioxi xiꞌin ndiꞌi ndo ndiꞌi saa ichí. Saa ná koo.

2 Corintios 13:14 ပူးပေါင်းရင်းမြစ်များ

San Mateo 6:13

Täxi un ndikava nde ndaꞌa ya väꞌa, chindee un ndeꞌe nuu ya väꞌa. Chi yóꞌo̱ ku ra xáꞌnda chiñu, yóꞌo̱ ku ra kúu mií ndee ta ndiꞌi naꞌa xáa kaꞌnu yóꞌo̱ ndiꞌi saa kivi ya vaxi. Saa ná koo ya”. Soꞌva kachi ndo xiꞌin Ndioxi ―káchi Jesús xiꞌin na.

San Juan 4:10

Saa ndi̱kuiin Jesús káꞌan ra: ―Tá tu xíni un unku ya vaꞌa kúni Ndioxi taxi ra ndaꞌa un ta kundaa ini un unku yeꞌe, ndíkuu. Ta saa nduku un tikuii nuu i, ta taxi i rá ndaꞌa un, ta tikuii rá taxi i ndaꞌa un kúu mií rá ndee taxi rá kutaku na ivi ―káchi ra xiꞌin yá.

San Juan 4:14

Sundi na koꞌo tikuii nduta táxi i ndaꞌa na ta nda iin kivi ïchi ka na. Saa chi tikuii rá táxi i koꞌo na ta nduu rá tá káa iin ita chee ini na, ta nda iin kivi ïchi rá ini na. Ta na koꞌo tikuii rá taxi i ta küvi na, chi kúu mií rá ndee ya taxi rá kutaku na, ta nda iin kivi ya vaxi ndïꞌi xaꞌa na ―káchi Jesús xiꞌin yá.

San Juan 7:38

Na kándixa yeꞌe, tá káa nuu kána tikuii xínu rá kuaꞌan rá, saa koo rá ini na, tá kuꞌva káꞌan tuꞌun Ndioxi ―káchi Jesús xiꞌin na.

Los Hechos 15:11

Ta xa xíni yo süvi ya ikán kua ndi̱sikaku yoo, chi xaꞌa ya kándixa yo Tata yo Jesús va kua síkaku uun ra yoo ta saa síkaku tu ra na ikán va ―káchi ra Pedro xiꞌin na.

ROMANOS 1:7

Táa i tutu yóꞌó xaa ya ndaꞌa ndóꞌo̱, ñani yo, xiꞌin ndóꞌo̱ kuꞌva yo ndóo ñuu Roma, chi ndóꞌo̱ ku naꞌa, na kúꞌvi ni ini Ndioxi xíni ra. Saa ka̱na ra ndóꞌo̱ ya kuu ndo naꞌa, na i̱í nuu ra, koo vaꞌa ni ini ndo, ná taxi ni ra ya vaꞌa ndaꞌa ndo ya ndi̱niꞌi uun ndo nuu Iva yo Ndioxi xiꞌin Tata yo Jesucristo.

ROMANOS 16:20

Ta Iva yo Ndioxi, ra táxi íyo ya vaꞌa ini yo, kama ni sindiꞌi xaꞌa ra kiti nǎꞌa náni Satanás, kuaxin xaꞌa ra ri, saa chi̱nduꞌu ra ri tixin xaꞌa ndo. Ta ná chikaa ni Tata yo Jesucristo ya vaꞌa ndóꞌo̱.

ROMANOS 16:23

Saa tíꞌvi tu ra ñani yo, ra Gayo, tuꞌun mani xaa nuu ndo. Veꞌe ra Gayo yóꞌó ku nuu íyo yeꞌe Pablo vitin. Ta táxi ra veꞌe ra nuu ndíkitaꞌan ndiꞌi nde veꞌe ñuꞌu. Saa tíꞌvi tu ra Erasto, ñani yo, tuꞌun mani xaa nuu ndo. Ra ikán ku tesorero, ra ndíso chiñu xiꞌin xuꞌun ñuu. Ta tíꞌvi tu ra ñani yo ra Cuarto va, tuꞌun mani xaa nuu ndo, ya káꞌan ndioxi ra xiꞌin ndo.

ROMANOS 16:27

Iindaa mituꞌun ku Ndioxi, ta iin mií ra ku ra ndíchi ni. Saa ná kunuu vaꞌa ni ya toꞌo ra ndiꞌi saa kivi ya vaxi, xaꞌa ya i̱kan Jesucristo. Saa ná koo.

ROMANOS 5:5

Ta ni süvi ya mani uun ku ya ndáa ini yo ya sixinu Ndioxi ya ndi̱kaꞌan ra xiꞌin yo, chi ndee ni si̱niꞌi ra Tachi I̱í ra nuu yo, nda tá kuꞌva chútu ndaa tikuii ini iin vaso, ndakua xíta ndaa rá yuꞌu ya, kuꞌva saa íkan Tachi I̱í Ndioxi xiꞌin yo, iin síkutu ndaa ya mií yo xiꞌin ya kúꞌvi ni ini ra xíni ra yoo.

ROMANOS 8:39

ni ndee ya íyo sukun ni, ni ndee ya íyo nuu kúnu ni, ni nda iin ñaꞌa ya ndi̱kuaꞌa, küchiñu ya xaa xika ya yoo nuu ya kúꞌvi ni ini Ndioxi xíni ra yoo, xaꞌa ya i̱kan Tata yo Jesucristo xiꞌin yo.

ROMANOS 8:9

Ta ndóꞌo̱, köo ndíkun ndo ichí ya kúni mií ndo. Chi tá kuꞌva kúni mií Tachi I̱í Ndioxi saa íkan ndo, saa chi íyo Tachi I̱í ra xiꞌin ndo. Ta naꞌa na köo kúu mií Tachi Jesucristo, ta süvi seꞌe ra ku na.

1 Corintios 12:13

Saa chi tixin iin mií Tachi I̱í ra kua chi̱chi ndiꞌi yo yakan iin ndu̱u ndiꞌi yo xiꞌin ra. Án yo judío ku yo, án süvi yo judío ku yo, án yo sa̱ta na xáa chiñu xiꞌin ya nduxa ku yo, án yo íyo ndika ku yo, ta iin káchi ndi̱kuiso ra ndiꞌi yo. Ta tá íin nduta xíꞌi yo saa káa Tachi ra ya ndi̱niꞌi yo nuu ra, íyo ya xiꞌin yo.

1 Corintios 14:16

Saa chi tá tu xáa kaꞌnu ndo Ndioxi xiꞌin tuꞌun ya köo kúndaa ini yo xiꞌin ya ke̱e nuu ndivi, ta saa ná xaa inka naꞌa, na köo xíka veꞌe ñuꞌu xiꞌin ndo, ta unkua ikan na kundaa ini na taxi na tixaꞌvi ndaꞌa Ndioxi, ta ni köo kúndaa ini na xiꞌin tuꞌun ya káꞌan ndo.

1 Corintios 16:23

Ta mií Tata yo Jesucristo ná chikaa ni ya vaꞌa ndóꞌo̱.

1 Corintios 3:16

Ta saa ndóꞌo̱, ¿án köo kúndaa ini ndo ya íin ndo tá káa veꞌe ñuꞌu Ndioxi, ta íyo tu Tachi I̱í ra xiꞌin va ndo?

1 Corintios 6:19

¿Án köo xíni ndo ya kúu ikin kuñu ndo veꞌe ñuꞌu Tachi I̱í Ndioxi, ya ta̱xi ra ndaꞌa ndo íyo ya xiꞌin ndo? ta mií ra ku ra xáꞌnda chiñu nuu ndo.

2 Corintios 8:9

Chi xa xíni mií ndo ya kúꞌvi ni ini mií Tata yo Jesucristo xíni ra yoo kua nda̱sa ndaꞌvi ra mií ra, vani kuika ni ndi̱xiyo ra ta saa nda̱sa ndaꞌvi ra mií ra xaꞌa ndóꞌo̱, ya ná ndukuika ndo.

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

Efesios 2:18

Ta vitin xaꞌa ya i̱kan Jesucristo xaꞌa yo kua vaꞌa kuchiñu ndiꞌi ndaa yo kuyati yo nuu Iva yo Ndioxi tixin ndee Tachi I̱í ra.

Efesios 2:22

Ta ndixaꞌvi ni mií ra chi ndóꞌo̱ xiꞌin na judío ta tá káa veꞌe ñuꞌu nuu íyo Ndioxi, saa íin ndo, chi íyo Tachi I̱í ra ini ndo.

Efesios 5:9

Ta xaꞌa ya íyo Tachi I̱í Ndioxi xiꞌin ndo kua ndu̱u ndo naꞌa, na vaꞌa ni, na köo ka kuachi kúu mií nuu ra, na ndee ni íyo ya ndaa ini.

Efesios 6:23

Ñani yo, mií Ndioxi ná taxi ni ya koo vaꞌa ini ndo, ta ná kundaa ni ini ndo kuni ndo ra xiꞌin ya kúꞌvi ni ini ra xíni ra ndóꞌo̱, ta saa ná koo Tata yo Jesucristo xiꞌin ndo ndiꞌi saa ichí.

Filipenses 2:1

Na taꞌan yo, xa ta̱xi Cristo ndee ndaꞌa yo ya xaꞌa yo tindee ini xiꞌin taꞌan yo, saa ta̱xi ra ndee ndaꞌa yo sindiko yo ini taꞌan yo, ta íyo Tachi Ndioxi xiꞌin yo táku ya ini yo, saa kúꞌvi ni ini yo xíni taꞌan yo xaꞌa ra, ta xaꞌa ra kua kúndaꞌvi ini yo xíni taꞌan yo.

1 Juan 1:3

Ya xi̱ni nde xiꞌin ya xi̱ni soꞌo nde ndi̱kaꞌan ra, ya yóꞌó kua káꞌan nde xiꞌin ndo ya ná ndikitaꞌan ndo xiꞌin nde ya koo ndiꞌi yo iin yuꞌu. Ta saa ndixa iin yuꞌu ná koo ndiꞌi yo xiꞌin taꞌan yo. Chi ndeꞌe ta ndixa iin yuꞌu íyo nde xiꞌin Iva yo Ndioxi tin Jesucristo ra kúu Seꞌe ra.

1 Juan 3:16

Jesucristo si̱naꞌa ra yoo ndá kuꞌva kúꞌvi ini ra xíni ra yoo chi ta̱xi ra mií ra xaꞌa yo, ndi̱xiꞌi ra xaꞌa yo. Ta saa tu yoo va xíniñuꞌu yo taxi yo mií yo xaꞌa na ñani taꞌan yo.

1 Juan 3:24

Ta ndiꞌi na xáa súvi ya xáꞌnda chiñu ra, ta ítaꞌan na xiꞌin ra, saa ítaꞌan ra xiꞌin na. Xíni yo íyo ra xiꞌin yo chi ta̱xi ra Tachi ra íyo ya xiꞌin yo.

Judas 1:21

Ta sïndoo ndo ya ndíkun ndo ichí Ndioxi, ra kúꞌvi ni ini xíni ndóꞌo̱, ta saa niꞌi ndo koo ndo xiꞌin ra ndiꞌi saa ichí xaꞌa ya kúndaꞌvi ni ini ra xíni ra ndóꞌo̱.