2 Corintios 13:1 - Xochapa Mixteco

¹ Xa yati ni tindaa kivi ya xaa i koto i ndóꞌo̱, ta ichí uni kua xaa i nuu ndo. Yakan ndikaꞌán ini ndo tá kuꞌva káꞌan tuꞌun Ndioxi: “Ná koo uvi án uni naꞌa, na ndíkuiin xaꞌa kuachi ndóꞌo ndo, ta saa kua vaꞌa kuchiñu kunani kuachi xiꞌin ndo”.

2 Corintios 13:1 ပူးပေါင်းရင်းမြစ်များ

San Mateo 18:16

Sundi tá tu köo xíin ra kuni soꞌo ra ya káꞌan un xiꞌin ra, vaꞌa kaꞌan un xiꞌin iin án uvi ka nda ñani un ya kuꞌun nda xiꞌin un kaꞌan un xiꞌin ra, ya ná koo nda testigo ndikuiin nda xaꞌa ndo.

2 Corintios 12:14

Ta vitin ta xa íyo ndúvi tuku i xaa i koto i ndóꞌo̱ ichí uni. Ta köo kúni i sindiꞌi i ini ndo ya chindee taꞌan ndo xiꞌin i. Chi yeꞌe, ta köo ndúku i ñaꞌa ya kúu mií ndo nuu ndo, mií va ndo ku ndo ndíꞌi ini i xaꞌa. Chi na iva siꞌí va ku na xíniñuꞌu nduku xuꞌun ya kuniñuꞌu na vali seꞌe na, ta süvi seꞌe vali na ku na xíniñuꞌu nduku xuꞌun xaꞌa iva siꞌí na.