2 Corintios 12:7 - Xochapa Mixteco

⁷ Ta ya ná chïnuu vaꞌa ni i tuꞌun i, xiꞌin ya xi̱ni i tá nda̱a i nuu ndivi, xaꞌa ya ikán kua ta̱xi Ndioxi ichí ndaꞌa tachi nduvaꞌa ya sítixuꞌvi ni ya yeꞌe, ta ndee ni kúꞌvi kuñu i, tá káa iñu saa káa ya kuakiꞌvi ikin kuñu i, saa ndóꞌo i ya ná chïnuu vaꞌa ni i tuꞌun mií i.

2 Corintios 12:7 ပူးပေါင်းရင်းမြစ်များ

San Mateo 26:67

Saa ko̱ꞌni ndaa nda sii nuu ra, ta ka̱ni ni ñaꞌa nda xiꞌin ikin ndaꞌa nda, ta saa káni ni nda xaꞌnda nuu ra.

San Mateo 4:10

Saa ndi̱kuiin Jesús, ndi̱kaꞌan ra xiꞌin ri, káchi ra saa: ―¡Kuataꞌa, keta kuáꞌan, kiti nǎꞌa! saa chi tuꞌun Ndioxi káchi ya saa: “Ndisaa Ndioxi xaa toꞌo naꞌa, ta ndisaa mií ra kandixa na”, káchi tuꞌun ra ―káchi Jesús xiꞌin kiti nǎꞌa.

San Lucas 13:16

Ta saa íkan i xiꞌin yá yóꞌó, chi seꞌe sikua ra Abraham ku yá ta xa ndi̱xinu xaꞌun uni kuiya kúu mií yá tachi nduvaꞌa. ¿Án chïndee yo yá ndaxin yá kivi ndíkundee yo? ―káchi ra xiꞌin nda.

1 Corintios 4:11

Ta nda kivi vitin ta ndee ni káꞌun ini nde kúni kuxi nde ta íchi tu nde tikuii va, ni köo tu toto kundixi va nde, saa xáa nduvaꞌa naꞌa xiꞌin nde, ta ni köo tu veꞌe va nde.

1 Corintios 5:5

Ta ñaa nditaxi ndo ra ndaꞌa kiti nǎꞌa ya ná ndiꞌi xaꞌa ikin kuñu ra xaꞌa ya väꞌa íkan ra, ta saa kuchiñu kaku ya vaꞌa ra kivi tá ná ndiko koo Tata yo Jesucristo kixi ra.

2 Corintios 10:10

Chi sava ndo káꞌan: “Tutu ya táa ra Pablo ñaa, ta ndee ni kueꞌe káꞌan ra xiꞌin ya, ndaku ni káꞌan ra, sundi mií ra ta ni köo ndee káꞌan vi ra, vita ni va ini ra, ta ni köo ndáa yaꞌvi tuꞌun káꞌan ra nuu naꞌa, káchi ndo xaꞌa i”.

2 Corintios 10:5

Ta suvi xiꞌin ndee Ndioxi kua kuchiñu nde sindiꞌi xaꞌa nde ndiꞌi tuꞌun väꞌa ya kánaꞌa naꞌa xaꞌa nde. Ta kuꞌva soꞌva kua kúchiñu nde síndiꞌi xaꞌa nde ndiꞌi ñaꞌa ya ndee ni xáa tai ini naꞌa, chi köo táxi ya kundaa ini na xaꞌa Ndioxi. Ta saa sínaꞌa nde na ya ná nditaxi ndiꞌi na ya ndíchi ndíkani ini na ndaꞌa Jesucristo, saa kua kuchiñu na xaa súvi na ya kúni mií ra.

2 Corintios 11:20

Chi ndóꞌo̱ ta xáꞌa ndee ni ini ndo xiꞌin naꞌa, na xáa nduxa xiꞌin ndo xáa chiñu ndo, ta táva na xuꞌun ndaꞌa ndo. Ta saa vaꞌa ni kúni ndo xíni ndo na ya xáꞌnda na chiñu nuu ndo. Vaꞌa ni kúni ndo xíni ndo naꞌa, na vaꞌa ni ka náꞌa nuu mií ndo, nda káni na xaꞌnda nuu ndo, ta köo káꞌan ndo.

2 Corintios 12:1

Ta ya ndaa kua nda iin ñaꞌa köo níꞌi naꞌa, na chínuu vaꞌa ni mií tuꞌun. Ta saa ni xíniñuꞌu i ndituꞌun i xiꞌin ndo xaꞌa ñaꞌa ya ta̱xi Ndioxi ndaꞌa i, chi mií ra ku ra si̱tuvi ya nuu i.

Gálatas 4:13

Xa xíni mií ndo tá kivi ndi̱xaꞌan i nuu ndo tá núnu̱ú ta ndee ni ndee ndóꞌo i kúꞌvi i, yakan ndi̱xaa i ñuu ndo ta saa kua ndi̱tuꞌun i xiꞌin ndo tuꞌun vaꞌa xaꞌa Tata yo Jesucristo, nuu kaku ndo.

1 Timoteo 3:6

Nda ñani yo, nda kúni kuu mií taꞌan chiñu yóꞌó, ta köo xíniñuꞌu koo nda, nda sikan xa̱á xíni tuꞌun Ndioxi, saa chi ìyo ni ndutái ini nda ta koyo nda nuu ya väꞌa, tá ndo̱ꞌo mií kiti nǎꞌa.