2 Corintios 12:6 - Xochapa Mixteco

⁶ Ta saa ni ná kaꞌan vaꞌa ni i xaꞌa mií i, ndikuu, ta süvi ra kíꞌvi ku i ya káꞌan i saa, chi ya ndaa ni va kua káꞌan i xiꞌin ndo. Sundi yeꞌe, ta köo kúni i xaa kaꞌnu xiꞌin mií i nuu ndo, chi köo kúni i ya ndikani ini ndo xaꞌa i ya ndee ni ndáa yaꞌvi i nuu ndo xaꞌa kuꞌva íyo i án xaꞌa ya káꞌan i xiꞌin ndo.

2 Corintios 12:6 ပူးပေါင်းရင်းမြစ်များ

ROMANOS 9:1

Ta vaꞌa ná kundaa ini ndo chi yeꞌe, ta yeꞌe kándixa Jesucristo ku i yakan ndaa ni káꞌan i, mií Tachi I̱í Ndioxi ku ya ndíkuiin xaꞌa i, chíndee ya yeꞌe káꞌan i saa xiꞌin ndo, chi ndinuꞌu ni ini i káꞌan i ya ndaa xiꞌin ndo, káchi i soꞌva:

1 Corintios 3:5

Ndikani vaꞌa ini ndo, ¿án chee ni yeꞌe, Pablo, túvi ndo? ¿Án ra Apolos ku ra chee ni túvi ndo? Süvi saa íyo ya. Moso va ku nde xáa chiñu nde nuu Ndioxi, ta chíndee nde ndóꞌo̱ ya ná kandixa ni ndo Ndioxi va. Íkan iin iin nde chiñu ya ta̱xi Ndioxi ndaꞌa va nde.

2 Corintios 1:18

Mií Ndioxi ku ra xíni xaꞌa ya káꞌan nde xiꞌin ndo ya ndaa ni kua káꞌan nde xiꞌin ndo, chi ndeꞌe tá káꞌan nde xiꞌin ndo ta köo iin káchi káꞌan nde: “Vaꞌa va”, án “Küvi vi”, káchi nde xiꞌin ndo.

2 Corintios 11:16

Saa káꞌan tuku i xiꞌin ndo ya ná ndïkani ini ndo xaꞌa i ya káꞌan i xiꞌin ndo ya tá káa iin ra kíꞌvi saa káa i, chi tá tu ndá ndóꞌo̱ ndíkani ini xaꞌa i ya kíꞌvi i, túvi ndo. Ta vaꞌa kuni soꞌo ndo ya káꞌan i xiꞌin ndo, saa kua kutai loꞌo tu ini yeꞌe va xiꞌin ndo.

2 Corintios 11:31

Chi mií Ndioxi Iva mií Tata yo Jesucristo ku ra xíniñuꞌu ni yo xaa kaꞌnu yo ndiꞌi saa ichí, ta mií ra ku ra xíni xaꞌa ya kaꞌan i ya ndaa xiꞌin ndo.

2 Corintios 12:11

Tá kuꞌva káꞌan iin ra kiꞌvi va saa káꞌan i, chi mií ndo ku ndo i̱kan saa xiꞌin i, ya káꞌan i saa xiꞌin ndo. Chi ndóꞌo̱ ku ndo xíniñuꞌu kaꞌan vaꞌa xaꞌa i, ndikuu. Sundi ndóꞌo̱, ta ni köo ndáa yaꞌvi vi i nuu ndo. Ta saa ni köo ni̱nu̱ kúni vi i nuu nda chínuu vaꞌa ni tuꞌun ñaa, ya ndee ni naꞌnu ka nda ñaa nuu yeꞌe, túvi ndo.

2 Corintios 12:7

Ta ya ná chïnuu vaꞌa ni i tuꞌun i, xiꞌin ya xi̱ni i tá nda̱a i nuu ndivi, xaꞌa ya ikán kua ta̱xi Ndioxi ichí ndaꞌa tachi nduvaꞌa ya sítixuꞌvi ni ya yeꞌe, ta ndee ni kúꞌvi kuñu i, tá káa iñu saa káa ya kuakiꞌvi ikin kuñu i, saa ndóꞌo i ya ná chïnuu vaꞌa ni i tuꞌun mií i.

2 Corintios 5:13

Chi tá tu tá íin nde kíꞌvi saa íin nde túvi ndo, ta nuu Ndioxi kua xáa chiñu nde, án sana köo íyo tu nde tá íyo na kíꞌvi túvi ndo, tá tu saa ta nuu mií va ndo xáa chiñu nde.

2 Corintios 7:14

Yeꞌe, ta ndi̱kaꞌan vaꞌa ni i xaꞌa ndo xiꞌin ra, ta vaꞌa chi köo ndi̱sikaꞌán ndo nuu i xiꞌin ra, tá kuꞌva íyo ya ndaa ndi̱tuꞌun nde xiꞌin ndo, ta saa íyo tu ya ndi̱kaꞌan nde xiꞌin ra Tito va: ya ndee ni kúsini nde xiꞌin ndo.