2 Corintios 12:16 - Xochapa Mixteco

¹⁶ Ndóꞌo̱, ta xa kúndaa vaꞌa va ini ndo ya köo ndi̱nduku i xuꞌun nuu ndo, ta saa ni káꞌan sava ndo xaꞌa i ya maña ni i, ta síndaꞌvi i sava ndo, káchi ndo xaꞌa i.

2 Corintios 12:16 ပူးပေါင်းရင်းမြစ်များ

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

2 Corintios 11:20

Chi ndóꞌo̱ ta xáꞌa ndee ni ini ndo xiꞌin naꞌa, na xáa nduxa xiꞌin ndo xáa chiñu ndo, ta táva na xuꞌun ndaꞌa ndo. Ta saa vaꞌa ni kúni ndo xíni ndo na ya xáꞌnda na chiñu nuu ndo. Vaꞌa ni kúni ndo xíni ndo naꞌa, na vaꞌa ni ka náꞌa nuu mií ndo, nda káni na xaꞌnda nuu ndo, ta köo káꞌan ndo.

2 Corintios 12:13

Ta ¿án ndá ya i̱kan i xiꞌin ndo? Chi iin kachi va xa̱a súvi i xiꞌin ndo tá kuꞌva i̱kan i xiꞌin inka na veꞌe ñuꞌu, túvi i. Iindaa kua köo ndi̱kaꞌan i xiꞌin ndo ya chindee ndo yeꞌe xiꞌin xuꞌun tá kuꞌva chi̱ndee inka na veꞌe ñuꞌu yeꞌe xiꞌin xuꞌun. ¡Xaa kaꞌnu ni ini ndo chi köo ndi̱chindee ndo yeꞌe!

2 Corintios 4:2

Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.

2 Corintios 6:8

Sava ichí xáa toꞌo na ndeꞌe, ta inka ichí kúndasi nuu na xíni na ndeꞌe, ta sava tu ichí káꞌan vaꞌa ni na xaꞌa nde ta sava tu ichí kánaꞌa ni va na xiꞌin nde, sava na káꞌan ndeꞌe vata ku nde, káchi na xaꞌa nde, ta süvi ya ndaa kua káꞌan na xaꞌa nde, chi ndeꞌe, ta nina ya ndaa ndítuꞌun nde.

2 Corintios 7:2

Xíkan ni nde ya mani nuu ndo ya ná kuna ndo nima ndo nuu nde, ya ndikiꞌin mani ndo ndeꞌe. Saa chi nda iin ya väꞌa köo ndíkan nde xiꞌin ndo, ta saa ni nda iin ndo köo ndi̱xaa ndikuu nde xiꞌin, ni nda iin tu ndo köo ndi̱sindaꞌvi va nde.

1 Tesalonicenses 2:3

Saa chi süvi ya sána ini nde ku ya ndi̱kaꞌan ndoso nde xiꞌin ndo, ta ni köo ndi̱xika kiꞌvi ini nde xiꞌin ndo, ni köo ndi̱sindaꞌvi nde nda iin ndo.

1 Tesalonicenses 2:5

Xa xíni mií ndo nda iin ichí köo ndi̱kaꞌan vata nde xiꞌin ndo ya sixinu nde ini ndo, ni köo ndi̱sindaꞌvi nde ndóꞌo̱ ya taxi ndo xuꞌun ndaꞌa nde. Mií Ndioxi ku ra ndíkuiin xaꞌa ya káꞌan nde xiꞌin ndo.

1 Pedro 2:3

Chi xa ku̱ndaa ini ndo ya ndee ni vaꞌa taa ku Tata yo Jesucristo.