2 Corintios 11:9 - Xochapa Mixteco

⁹ Tá ndi̱xiyo i xiꞌin ndo ñuu Corinto, ni kumani va ñaꞌa ya xíniñuꞌu i nuu i, ta köo ndi̱sindiꞌi i ini nda iin ndo ya nduku i ñaꞌa nuu ndo. Tá ndi̱xaa nda ñani yo nda ndóo chí estado Macedonia nuu i, ta nda ikán ku nda chi̱ndee taꞌan xiꞌin i xaꞌa ñaꞌa ya xi̱niñuꞌu i. Ta kuꞌva saa ikan i nda vitin, sïndiꞌi i ini ndo ya chindee taꞌan ndo xiꞌin i xaꞌa ñaꞌa ya xíniñuꞌu i.

2 Corintios 11:9 ပူးပေါင်းရင်းမြစ်များ

Los Hechos 18:3

Ñaa ndi̱ndoo ra ndi̱xiyo ra xiꞌin na chi iin kachi xáa chiñu na xiꞌin taꞌan na chi taꞌan chiñu íkan ra kua íkan tu mií va na, síkuaꞌa na veꞌe mantiado.

Los Hechos 18:5

Saa tá ndi̱xaa ra Silas xiꞌin ra Timoteo ñuu macedonia ta chiñu nuu ra Pablo kua xíka ra káꞌan ndoso ra tuꞌun Ndioxi. Vitin taan káꞌan ra xiꞌin na judío xaꞌa Jesús ya kúu ra Cristo.

Los Hechos 20:33

Tá ndi̱xiyo i xiꞌin ndo ta köo xuꞌun ni toto köo ndi̱nduku i nuu, nda iin ñaꞌa ndo köo ndi̱kutoo i.

ROMANOS 15:26

Saa chi na taꞌan yo, na veꞌe ñuꞌu na ndóo chí ñuu Macedonia xiꞌin na ndóo chí ñuu Acaya, ndi̱kani ini na ndi̱kaya na loꞌo xuꞌun ya tiꞌvi na kuꞌun ndaꞌa na taꞌan yo, na ndaꞌvi, ndóo ñuu Jerusalén.

1 Corintios 16:17

Ta kúsini ni i xa̱a ra ñani yo, ra Estéfanas xiꞌin ra Fortunato tin ra Acaico, xa̱a nda koto nda yeꞌe. Tá íin ndóꞌo̱, saa íin nda yóꞌó xa̱a nda nuu i. Ta ndóꞌo̱ vani kúni ndo kixi ndo koto ndo yeꞌe, ta köo kúchiñu ndo kixi ndo.

2 Corintios 6:4

Nda vaꞌa ka va íkan nde, chi ndiꞌi ya íkan nde nuu na ta káꞌan ya xaꞌa nde ya xáa chiñu nde nuu Ndioxi. Xáꞌa ndee ini nde xiꞌin ndiꞌi tindoꞌo ya vaxi nuu nde, saa tu tindiꞌi ini ya vaxi nuu nde, xiꞌin ya kúmani ñaꞌa xíniñuꞌu nde, saa kúndee ini nde xiꞌin ndiꞌi ya suchi ini vaxi nuu nde.

2 Corintios 9:12

Chi ya táxi ndo ndíso nde kuaꞌan ndaꞌa na, ta süvi ndisaa ya tíꞌvi ndo kuaꞌan ndaꞌa na kua ndíso nde, chi xaꞌa ya chíndee ni ndo na ta ndúkuaꞌa vaꞌa ka naꞌa, na táxi ni tixaꞌvi ndaꞌa Ndioxi.

Filipenses 2:25

Ta xíka tu ini i ya xíniñuꞌu i sindiko koo i ra ñani yo, ra Epafrodito xaa ra nuu ndo. Ndee ni xa̱a chiñu ra xiꞌin i, nda tá kuꞌva íkan nda lapa ndee ni xáa chiñu nda, kuꞌva saa xa̱a chiñu ra xiꞌin i. Ta ndi̱xaꞌvi ni ndo ya ti̱ꞌvi ndo ra ki̱xi ra nuu i chi̱ndee taꞌan ra xiꞌin i, ta̱xi ra ñaꞌa ya xíniñuꞌu i ndaꞌa i.

1 Tesalonicenses 2:6

Chi nda iin ichí köo ndi̱xaá naꞌnu nde mií nde nuu nda iin naꞌa, ni nuu ndóꞌo̱, ni nuu ndá ka inka naꞌa. Vani kúu mií nde ichí ya ikan ndo saa xiꞌin nde xaꞌa ya kúu nde nda xáa chiñu nuu Tata yo Jesucristo, ta köo ndi̱kan nde saa xiꞌin ndo.

1 Tesalonicenses 2:9

Xa ñúꞌu vaꞌa ini mií ndo ndá kuꞌva xa̱a chiñu ni nde tá ndi̱xiyo nde xiꞌin ndo, nduvi niuu xa̱a chiñu ni nde ya ka̱na xuꞌun kuniñuꞌu nde sata nde ñaꞌa kuxi nde. Ta köo ndi̱sindiꞌi nde ini nda iin ndo ya chindee ndo ndeꞌe xaꞌa ya káꞌan ndoso nde tuꞌun vaꞌa xaꞌa Iva yo Ndioxi xiꞌin ndo.

HEBREOS 11:37

Ta sava na xa̱ꞌni ñaꞌa na xiꞌin yu̱ú. Sava na xa̱ꞌnda sava ñaꞌa na xiꞌin kàà ya xáꞌnda itun. Sava na xa̱ꞌni ñaꞌa na xiꞌin i̱chi. Ta sava na xi̱ndixi ñii levo xiꞌin ñii tixuꞌu, köo toto na ndi̱xiyo, ni veꞌe na köo ndi̱xiyo. Ndaꞌvi ni ndi̱xiyo na, ku̱chiꞌña ni ini na ta ndo̱ꞌo ni na ndaꞌa inka naꞌa, na köo xíni Ndioxi.