2 Corintios 11:7 - Xochapa Mixteco

⁷ Ta ¿án väꞌa ndi̱kan i xaꞌa ya köo ndi̱kiꞌin i nda iin peso loꞌo ndaꞌa ndo? Chi yeꞌe, ta nda̱sa ni̱nu̱ i mií nuu ndo ya ná kuaꞌnu ka ndo xiꞌin tuꞌun ra tá ndi̱tuꞌun i tuꞌun vaꞌa xaꞌa Jesucristo xiꞌin ndo? Ta ¿án ya uun kuiti va ku tuꞌun ya ndi̱kaꞌan i xiꞌin ndo?

2 Corintios 11:7 ပူးပေါင်းရင်းမြစ်များ

Los Hechos 20:33

Tá ndi̱xiyo i xiꞌin ndo ta köo xuꞌun ni toto köo ndi̱nduku i nuu, nda iin ñaꞌa ndo köo ndi̱kutoo i.

Los Hechos 20:34

Xi̱ni mií ndo, ndi̱nuni xa̱a chiñu i xiꞌin ndaꞌa i, saa ndi̱niꞌi i ya xi̱taku i xiꞌin nda taꞌan i.

ROMANOS 1:1

Ndioxi ná koo xiꞌin ndo, na taꞌan yo, na ndóo ñuu Roma. Yeꞌe ku ra Pablo, ra xáa chiñu nuu Jesucristo, ra ka̱na Ndioxi ku i, ta ta̱xi ra chiñu ndaꞌa i ya kúu i apóstol, saa ti̱ꞌvi ra yeꞌe ya kaꞌan ndoso i tuꞌun vaꞌa xaꞌa Jesucristo xiꞌin naꞌa. Táa i tutu yóꞌó xaa ya ndaꞌa ndo.

1 Corintios 9:12

Chi ndóꞌo̱ ta vaꞌa va chíndee taꞌan ndo xiꞌin sava nda xáa chiñu nuu Tata yo Jesucristo. Tá tu saa íkan ndo xiꞌin nda ikán, ta ndeꞌe ka va ku nde kúu ni mií ichí ya chindee taꞌan ndo xiꞌin nde, xaꞌa ñaꞌa ya xíniñuꞌu nde, ndikuu. Ta köo ndi̱kan nde saa xiꞌin ndo, ndi̱xaꞌa ndee ndiꞌi va ini nde, chi köo kúni nde kasi nde nuu ya káꞌan ndoso nde tuꞌun vaꞌa xaꞌa Tata yo Jesucristo.

1 Corintios 9:6

¿Án iindaa ra Bernabé xiꞌin yeꞌe vi ku nde xíniñuꞌu koo inka chiñu ikan nde, saa vi kuxi nde? Ta ¿án köo ta ichí nde ya taxi loꞌo ndo ñaꞌa kuxi nde?

2 Corintios 10:1

Ta yeꞌe Pablo, ku ra káꞌan xiꞌin ndo xáku ndaꞌvi i nuu ndo xiꞌin ya vaꞌa, ya mani ta̱xi Cristo ndaꞌa i. Saa chi sava ndo káꞌan xaꞌa i ya ndee ni vita ini i tá íyo i xiꞌin ndo, sundi tá íyo xíka i nuu ndo ta ndee ni ndaku ini i, káchi ndo xaꞌa i.

2 Corintios 10:16

Saa kua vaꞌa kuꞌun ka nde inka ka ñuu ya núꞌu xíka ni nuu ndóo ndóꞌo̱ yóꞌó. Kuꞌun nde ndituꞌun nde tuꞌun vaꞌa xaꞌa Jesucristo xiꞌin naꞌa ya kaku na, ta küꞌun nde nuu xa xa̱á xá chiñu inka naꞌa ya chinuu vaꞌa ni nde mií nde xiꞌin chiñu ya xa íkan inka na.

2 Corintios 12:13

Ta ¿án ndá ya i̱kan i xiꞌin ndo? Chi iin kachi va xa̱a súvi i xiꞌin ndo tá kuꞌva i̱kan i xiꞌin inka na veꞌe ñuꞌu, túvi i. Iindaa kua köo ndi̱kaꞌan i xiꞌin ndo ya chindee ndo yeꞌe xiꞌin xuꞌun tá kuꞌva chi̱ndee inka na veꞌe ñuꞌu yeꞌe xiꞌin xuꞌun. ¡Xaa kaꞌnu ni ini ndo chi köo ndi̱chindee ndo yeꞌe!

2 Corintios 2:12

Tá ndi̱xaꞌan i ñuu Troas ya ndituꞌun i tuꞌun vaꞌa xaꞌa Jesucristo xiꞌin naꞌa, ta ndee ni vaꞌa xu̱na Tata yo ichí nuu i ya xaa chiñu i ikán.

1 Tesalonicenses 2:9

Xa ñúꞌu vaꞌa ini mií ndo ndá kuꞌva xa̱a chiñu ni nde tá ndi̱xiyo nde xiꞌin ndo, nduvi niuu xa̱a chiñu ni nde ya ka̱na xuꞌun kuniñuꞌu nde sata nde ñaꞌa kuxi nde. Ta köo ndi̱sindiꞌi nde ini nda iin ndo ya chindee ndo ndeꞌe xaꞌa ya káꞌan ndoso nde tuꞌun vaꞌa xaꞌa Iva yo Ndioxi xiꞌin ndo.

2 Tesalonicenses 3:8

Ni köo ñaꞌa nda iin ndo ndi̱xixi uun nde, ndiꞌi saa ichí xa̱a chiñu ni nde. Nduvi niuun xa̱a chiñu ni nde saa xi̱taku nde, ta nda loꞌo köo ndi̱sindiꞌi nde ini ndo ya nduku nde ñaꞌa nuu ndo kuxi nde án ya xíniñuꞌu nde.