2 Corintios 11:22 - Xochapa Mixteco

²² Ta ¿án xaꞌa ya kúu nda, nda hebreo kua kútai ni ini nda? Chi saa tu yeꞌe va, ra hebreo ku tu yeꞌe va. Ta ¿án xaꞌa ya kúu nda, nda ñuu Israel kua íkan nda saa? Chi saa tu yeꞌe va, yeꞌe ñuu Israel ku tu yeꞌe va. Ta ¿án xaꞌa ya kúu nda seꞌe ñani sikua ra Abraham kua íkan nda saa? Chi saa tu yeꞌe va, seꞌe ñani sikua ra Abraham ku tu yeꞌe va.

2 Corintios 11:22 ပူးပေါင်းရင်းမြစ်များ

Filipenses 3:5

Chi tá ndi̱xinu una kivi ka̱ku i ta chi̱nuu na tuni Ndioxi yeꞌe, xaꞌa ya kúu i ra ñuu Israel. Ta seꞌe sikua ra Benjamín ku i, saa tu iva siꞌí i, na hebreo ku uvi saa na, yakan saa tu yeꞌe va, yeꞌe hebreo ku i. Ta xa̱a súvi ni i ley Ndioxi ya si̱ndoo ra Moisés chi ra fariseo ndi̱xiyo i.

ROMANOS 11:1

Xaꞌa ya ñaa kua ndákan tuꞌun tuku i mií i, káchi i: ¿Án sana xa ku̱ndasi nuu va Ndioxi na ñuu ra, na Israel? káꞌán i. Ta süvi ya ndaa ku ya, saa chi ni mií i ta ra Israel ku tu yeꞌe va. Chi yeꞌe ta ka̱ku i tixin seꞌe ñani sikua ra Abraham, ta na veꞌe ra Benjamin ku i.

ROMANOS 9:4

Yakan kúsuchi ni ini i xíni i na, chi seꞌe sikua ra Israel kuu na, ta Ndioxi ndi̱kaxin ra na yóꞌó ya kuu na seꞌe ra. Ta xa si̱naꞌa ra ya vaꞌa luvi ni yéꞌe̱ kúu mií ra nuu na. Ki̱ndoo ra ikan ni ra ya vaꞌa xiꞌin na, ta saa tu na seꞌe ñani sikua va ra. Ta ndaꞌa na ñuu i yóꞌó kua ta̱xi Ndioxi ley ra ya kundaa ini na ndá kuꞌva kutaku na nuu ra tin ndá kuꞌva kañuꞌu na ra ini veꞌe ñuꞌu, ta ndi̱kaꞌan Ndioxi xiꞌin na taxi ra ya ki̱ndoo ra xiꞌin na ndaꞌa na.

Los Hechos 22:3

―Yeꞌe taꞌan mií ndo judío ku i, ta ka̱ku i ñuu Tarso ya ndíkaa estado Cilicia, saa xa̱ꞌnu i ñuu Jerusalén yóꞌó. Ta si̱kuaꞌa i ndaꞌa ra maestro Gamaliel, si̱naꞌa ndiꞌi ra yeꞌe xaꞌa ichí ya ka̱ndixa ni xii sikua yo. Tá íkan ndóꞌo̱ kándixa ni ndo Ndioxi, saa íkan tu yeꞌe va. Ta ndiꞌi saa ichí kúni i xaa súvi i ley Ndioxi.

San Mateo 3:9

Ta ndïkani ini ndo sikaku Ndioxi ndóꞌo̱ xaꞌa ya kúu ndo seꞌe sikua ra Abraham, káꞌán ndo. Chi mií Ndioxi ta kúu mií ra ichí ndisama ra yu̱ú yóꞌó nduu ya seꞌe sikua ra Abraham.

Los Hechos 6:1

Saa ku̱u tiempo ikán xa̱á ndúkuaꞌa na ndíkun ichí Jesús. Ta na káꞌan tuꞌun griego xa̱á na káꞌan kuachi na xaꞌa na káꞌan tuꞌun hebreo. Káꞌan na ndiꞌi saa ichí tá ndítaꞌvi ñaꞌa xíxi na ta köo iin káchi kua táxi na ndaꞌa ná taꞌan na ná ndi̱ndoo ndaa, káchi na.

Gálatas 3:16

Ta kuꞌva saa íyo ya ki̱ndoo Ndioxi xiꞌin ra Abraham xiꞌin iin ra kúu seꞌe ñani sikua ra, köo káꞌan ya xaꞌa kuaꞌa ni na seꞌe ñani sikua ra, iindaa va ra káꞌan ya xaꞌa, ta ra ikán ku Jesucristo, xaꞌa ra ikán káꞌan ya.