2 Corintios 11:14 - Xochapa Mixteco

¹⁴ Ta vaꞌa ná ndïkanda ini yo xaꞌa ya íkan nda saa, chi saa íkan tu mií va kiti nǎꞌa, kiti Satanás: vaꞌa ndása ri mií ri, ndúu ri tá íyo na tatun Ndioxi, na yéꞌe̱.

2 Corintios 11:14 ပူးပေါင်းရင်းမြစ်များ

2 Corintios 11:3

Chi yeꞌe, ta ndíꞌi ni va ini i xiꞌin ndo, ìyo ni ndoꞌo ndo tá kuꞌva ndo̱ꞌo yá Eva, xiꞌin ya vata si̱ndaꞌvi kiti ko̱ó yá. Xaꞌa ya ñaa kua ndíꞌi ni ini i xíni i ndóꞌo̱. Koto ka saka naꞌa, na vata xi̱ní ndo, ta sindoo ndo ya ndee ni vaꞌa ndinuꞌu ini ndo ndíkun ndo ichí vaꞌa xaꞌa Jesucristo.

2 Corintios 2:11

Ta vaꞌa ná ndikiꞌin mani yo ra, ya ná täxi yo sindaꞌvi kiti nǎꞌa yo, saa chi xa ndiꞌi yo xíni ndá kuꞌva kua xáa chiñu ri.

Gálatas 1:8

Ta xaꞌa ya ñaa kua káꞌan i xiꞌin ndo, kuenta ni koo ndo. Ni ndeꞌe ku nde, án ndá ka naꞌa ku na, án iin tatun Ndioxi ke̱e nuu ndivi ku na ndítuꞌun inka nuu tuꞌun vaꞌa xaꞌa Jesucristo xiꞌin ndo, ta ¡vaꞌa ná kuiso na ñaa chiꞌña, xaꞌa ya íkan na saa!

Efesios 6:12

Ta süvi xiꞌin na taꞌan mií yo kua kánitaꞌan yo, chi xiꞌin tachi nduvaꞌa ya ndee ni naꞌnu tin ndiꞌi ni kúu ya kúu mií chiñu xáꞌnda chiñu ndiꞌi ñaꞌñu xiꞌin ka inka nuu ndiꞌi ndee kiti nǎꞌa ya íyo nuu naá ñuu ivi yóꞌó tin xiꞌin ya íyo nìnu nuu sukun ni ñuu ivi yóꞌó kua kánitaꞌan yo.

Colosenses 1:12

Saa taxi ndo tixaꞌvi ndaꞌa Iva yo Ndioxi xiꞌin ya kúsini ni ndo, chi táxi ra ndiꞌi ñaꞌa ya xíniñuꞌu yo ndaꞌa yo ya kuchiñu yo ndikiꞌin yo ñaꞌa ya ndi̱kaꞌan ra nditaꞌvi ra xiꞌin ndiꞌi yo ñuu ra, yo i̱í, yo xíka nuu yéꞌe̱.

Colosenses 1:13

Ndioxi ku ra sa̱ña ndika yoo nuu ndee ya xáꞌnda chiñu nuu naá. Ta si̱yaꞌa ra yoo ndi̱kiꞌvi yo ndikundoo yo xiꞌin ra nuu xáꞌnda chiñu Seꞌe ra, ra kúꞌvi ni ini ra xíni ra.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.