2 Corintios 11:12 - Xochapa Mixteco

¹² Ta nda vitin, ta täxi i ya chaꞌvi nda iin ndo yeꞌe xaꞌa ya ndítuꞌun i xiꞌin ndo xaꞌa Jesucristo, sïndiꞌi i ini nda iin ndo. Chi köo kúni i ya chinuu vaꞌa nda apóstol vata ikán tuꞌun nda, xaꞌa ya káꞌan nda ya iin káchi íin nda tá kuꞌva íin ndeꞌe, káchi nda, ta süvi ya ndaa kua.

2 Corintios 11:12 ပူးပေါင်းရင်းမြစ်များ

San Mateo 26:16

Nda kivi saa xa̱á ra Judas ndúku ra kuꞌva nditaxi ra Jesús ndaꞌa nda ikán.

1 Corintios 5:6

Ta kütai ni ini ndo xiꞌin ya väꞌa íkan ra ñaa. Xa xíni ndo unkua káꞌan tuꞌun ndíchi ya káꞌan soꞌva: “Loꞌo paꞌa tíin uxan iya kuakee xiꞌin uxan xita vaꞌa ta ndee ni sínañu ñaꞌa ya”, káchi ya.

1 Corintios 9:12

Chi ndóꞌo̱ ta vaꞌa va chíndee taꞌan ndo xiꞌin sava nda xáa chiñu nuu Tata yo Jesucristo. Tá tu saa íkan ndo xiꞌin nda ikán, ta ndeꞌe ka va ku nde kúu ni mií ichí ya chindee taꞌan ndo xiꞌin nde, xaꞌa ñaꞌa ya xíniñuꞌu nde, ndikuu. Ta köo ndi̱kan nde saa xiꞌin ndo, ndi̱xaꞌa ndee ndiꞌi va ini nde, chi köo kúni nde kasi nde nuu ya káꞌan ndoso nde tuꞌun vaꞌa xaꞌa Tata yo Jesucristo.

2 Corintios 1:17

Ta ¿án ndíkani ini ndo ya köo ndi̱kiꞌin vaꞌa i kuenta tá kivi ndi̱kani ini i xaa i koto i ndóꞌo̱, túvi ndo? ¿Án xíka ini ndo xaꞌa i ya uvi yuꞌu i, ta íkan i tá íkan na ñuu ivi yóꞌó, tá káꞌan na: “vaꞌa va”, káchi na, ta iin naꞌa loꞌo ta xa káꞌan tuku na “küvi vi”, káchi tuku na. Sundi yeꞌe, ta köo ndi̱kan i saa xiꞌin ndo.

2 Corintios 10:17

Chi saa káꞌan tuꞌun Ndioxi ya ta̱a na xinaꞌa, káchi ya saa: “Tá ndá naꞌa kúni chinuu vaꞌa ni tuꞌun xaꞌa ndá ka ñaꞌa íkan na, ta vaꞌa ka ná chinuu vaꞌa ni na tuꞌun xaꞌa ya íkan Ndioxi va”, káchi ya.

2 Corintios 11:18

Chi kuaꞌa ni na ndóo ñuu ívi yóꞌó xáa kaꞌnu ni na mií na, ta saa tu yeꞌe va, ná xáa kaꞌnu loꞌo i mií i.

2 Corintios 11:9

Tá ndi̱xiyo i xiꞌin ndo ñuu Corinto, ni kumani va ñaꞌa ya xíniñuꞌu i nuu i, ta köo ndi̱sindiꞌi i ini nda iin ndo ya nduku i ñaꞌa nuu ndo. Tá ndi̱xaa nda ñani yo nda ndóo chí estado Macedonia nuu i, ta nda ikán ku nda chi̱ndee taꞌan xiꞌin i xaꞌa ñaꞌa ya xi̱niñuꞌu i. Ta kuꞌva saa ikan i nda vitin, sïndiꞌi i ini ndo ya chindee taꞌan ndo xiꞌin i xaꞌa ñaꞌa ya xíniñuꞌu i.

2 Corintios 5:12

Ta ya káꞌan nde saa xiꞌin ndo ta köo kúni kachi ya kúni nde chinuu vaꞌa nde tuꞌun mií nde. Káꞌan nde saa xiꞌin ndo ya ná koo vaꞌa ini ndo xiꞌin nde, ta saa kuchiñu ndo ndikuiin ndo kaꞌan ndo xaꞌa nde xiꞌin naꞌa, na ndee ni kútai ini xiꞌin mií. Saa chi íyo sava na ta ndee ni kútai ini na ya vaꞌa ni íkan na túvi na. Ndíꞌi ni ini na xaꞌa ya káꞌan vaꞌa inka naꞌa xaꞌa na, ta köo kíꞌin na kuenta xaꞌa ya ndixa íyo nima na.

Gálatas 1:7

Ta ya ndixa kua káꞌan i xiꞌin ndo, köo ka inka tuꞌun vaꞌa xaꞌa Jesucristo, ya ndaa ni xaꞌa ra kua xa ndi̱tuꞌun i xiꞌin ndo. Chi íyo sava nda taa kúni saka xi̱ní ndo ya ná ndisaka ini ndo xaꞌa tuꞌun ra ya xa xi̱ni soꞌo ndo.

1 Timoteo 5:14

Xaꞌa ya ñaa kua vaꞌa ka ná tindaꞌa va ná kuâán vali ndi̱xiꞌi ndaa, káchi yeꞌe. Ta ná kaku seꞌe ná, saa ná kiꞌin ná kuenta xiꞌin na, ná kundaa ná na veꞌe ná, chi tá íkan ná saa ta köo ñaꞌa niꞌi naꞌa, na köo xíni tuꞌun Ndioxi, na sáa ini xíni yoo, köo ya niꞌi na kanaꞌa kini na xaꞌa yo.