2 Corintios 11:1 - Xochapa Mixteco

¹ Ndúku ni i ya mani nuu ndo ya xaꞌa ndee ini ndo xiꞌin i ya kuni soꞌo ndo ya káꞌan i xiꞌin ndo, án sana tá káa ya káꞌan iin ra sána va saa káa ya káꞌan ni i xiꞌin ndo xaꞌa i, ta xaꞌa ndee ni ini ndo xiꞌin va i.

2 Corintios 11:1 ပူးပေါင်းရင်းမြစ်များ

San Mateo 17:17

Saa ndi̱kuiin Jesús ndi̱kaꞌan ra: ―¡Ndachu tuun ni ini ndo, köo xíin ndo kandixa ndo Ndioxi! ¿Án ndiꞌi saa vi kivi koo i xiꞌin ndo, kaꞌán ndo? ¡Ni kündee ka ini i xiꞌin ndo! ¡Vaꞌa! ¡Taxi ndo ra loꞌo ñaa ná kixi ra nuu i! ―káchi ra xiꞌin nda.

Los Hechos 18:14

Ñaa xa̱á kúni kaꞌan ra Pablo, ta kama ka ndi̱kuiin mií ra gobernador Galión ikán káꞌan ra xiꞌin na judío, káchi ra saa: ―Tá tu ndìì xa̱ꞌni ra án inka ka ya ndee i̱kan ra, ta kuni soꞌo i ya káꞌan ndo, saa xaa nani i kuachi xiꞌin ndo, ndikuu.

Los Hechos 26:29

―¡Án siloꞌo án kuaꞌa sixinu i ini un, Ndioxi ná kachi ta ndikundikun un ichí ra saa tu ndiꞌi na ndóo xíni soꞌo ya káꞌan i, ta ná nduu na tá kuꞌva íyo yeꞌe, sundi süvi tá kuꞌva núꞌni i xiꞌin cadena yóꞌó! ―káchi ra Pablo xiꞌin na.

1 Corintios 1:21

Xaꞌa ya ndíchi ni xi̱ní mií na ñuu ivi yóꞌó túvi na, yakan kua köo ndi̱xiin na kandixa na Ndioxi. Xaꞌa ya ikán kua vaꞌa ka si̱kaku Ndioxi naꞌa, na kándixa tuꞌun ya ndi̱tuꞌun nde xaꞌa Jesucristo xiꞌin na. Vani kuaꞌa ni naꞌa ndíkani ini xaꞌa tuꞌun ya ndi̱kaꞌan nde xiꞌin na, tuꞌun kíꞌvi va kua túvi na.

1 Corintios 3:18

Sïndaꞌvi ndo mií ndo. Tá ndá ndóꞌo̱ ndíkani ini ya ndíchi ni ndo, chi xíni ni ndo xiꞌin ya ndíchi íyo ñuu ivi yóꞌó túvi ndo, ta vaꞌa xíniñuꞌu ndo ndasa ndo mií ndo tá kuꞌva íin naꞌa, na köo xíni, ta saa kua ndixa nduu ndo naꞌa, na ndee ni ndíchi.

1 Corintios 4:10

Xaꞌa ya ndíkun nde Jesucristo, ta ni köo ndáa yaꞌvi nde nuu naꞌa, tá íin nde kíꞌvi va, saa íin nde nuu na. Ta ndóꞌo̱, ta xaꞌa ya ndíkun ndo Jesucristo ta tá íin naꞌa, na ndíchi ni va saa ndu̱u ndo. Ta ndeꞌe, ta vita ni va kúni nde ta mií ka va ndo ku ndo ndu̱ndee ni ka nuu nde, túvi ndo. Vaꞌa ni va káꞌan naꞌa xaꞌa ndo, xáa toꞌo ni na ndóꞌo̱, ta ndeꞌe, ta kúndasi nuu va na xíni na ndeꞌe.

1 Corintios 4:8

Saa ndóꞌo̱ ndíkani ini ndo, xaa kúu mií ndo ndiꞌi ñaꞌa ya xíniñuꞌu ndo, ta xa ndu̱kuika ni ndo yakan ni köo xíniñuꞌu ka ndo ndeꞌe, túvi ndo. Ta vaꞌa ni va, tá tu xa ndu̱u ndo rey na xáꞌnda chiñu, ta nda ndeꞌe niꞌi loꞌo kaꞌnda chiñu nde xiꞌin va tu ndo.

2 Corintios 11:19

Chi ndóꞌo̱, ta ndee ni ndíchi ndo, ta saa ni vaꞌa ni kúni ndo xíni ndo na kíꞌvi ikán, yakan vitin ta tá íkan na ikán, saa íkan tu yeꞌe va ya ná kuni soꞌo ndo ya káꞌan i xiꞌin ndo.

2 Corintios 11:21

Kúkaꞌán ni nuu i káꞌan i saa xiꞌin ndo, chi ndeꞌe, ta nda loꞌo köo ndíxaa nduvaꞌa nde xiꞌin ndo, tá kuꞌva íkan nda ñaa xiꞌin ndo. Xaꞌa ya ñaa kua vita ni va ndi̱xiyo ini nde xiꞌin ndo, túvi ndo. Tá ndá naꞌa kútoo kaꞌan vaꞌa xaꞌa mií, ta saa tu yeꞌe va, káꞌan vaꞌa i xaꞌa i, vani tá káa iin ra yáꞌa loꞌo ini va saa káa i, ya káꞌan i kuꞌva saa xiꞌin ndo.

2 Corintios 11:4

Chi ndóꞌo̱ ta ya vaꞌa ndíkuiso ndo ku ndiꞌi va tuꞌun ya ndíkani inka nda taa nuu ndo, ni xa síin kua káꞌan nda xiꞌin ndo, sínaꞌa nda ndóꞌo̱. Ta saa vaꞌa ni ndíkuiso ndo inka nuu tachi, ta süvi taꞌan Tachi I̱í Ndioxi ya xa ndi̱kiꞌin ndo ku ya káꞌan nda xaꞌa xiꞌin ndo, ta saa vaꞌa ni xíni soꞌo ndo ya káꞌan nda xiꞌin ndo xaꞌa tuꞌun vaꞌa xaꞌa Jesucristo. Ta süvi taꞌan kuꞌva si̱naꞌa nde ndóꞌo̱ kua káꞌan nda xiꞌin ndo, chi xa síin va kua káꞌan nda xiꞌin ndo.

2 Corintios 12:11

Tá kuꞌva káꞌan iin ra kiꞌvi va saa káꞌan i, chi mií ndo ku ndo i̱kan saa xiꞌin i, ya káꞌan i saa xiꞌin ndo. Chi ndóꞌo̱ ku ndo xíniñuꞌu kaꞌan vaꞌa xaꞌa i, ndikuu. Sundi ndóꞌo̱, ta ni köo ndáa yaꞌvi vi i nuu ndo. Ta saa ni köo ni̱nu̱ kúni vi i nuu nda chínuu vaꞌa ni tuꞌun ñaa, ya ndee ni naꞌnu ka nda ñaa nuu yeꞌe, túvi ndo.

2 Corintios 5:13

Chi tá tu tá íin nde kíꞌvi saa íin nde túvi ndo, ta nuu Ndioxi kua xáa chiñu nde, án sana köo íyo tu nde tá íyo na kíꞌvi túvi ndo, tá tu saa ta nuu mií va ndo xáa chiñu nde.

HEBREOS 5:2

Ta xaꞌa ya kúu sutu ikán ra ivi, ra vita ni ini taꞌan mií yo ivi yóꞌó, yakan vaꞌa kúndaꞌvi ini ra xíni ra naꞌa, na nda̱ñuꞌu, na köo kúndaa vaꞌa ini xaꞌa tuꞌun Ndioxi.