’Ta̱xi ra iin bolsa chee nuu ñúꞌu uꞌun xuꞌun talento ndaꞌa iin ra, saa ta̱xi ra inka bolsa nuu ñúꞌu uvi xuꞌun talento ndaꞌa inka ra ikán, ta inka bolsa ta̱xi ra ndaꞌa inka ra nuu ndíkaa iin xuꞌun talento ini ya. Saa chi xíni vaꞌa ra nda, ta tá kuꞌva kúchiñu nda xáa chiñu nda, kuꞌva saa xuꞌun ta̱xi ra ndaꞌac iin iin nda ikán. Ta ndi̱kiꞌin ra kuaꞌan xíka ra.
2 Corintios 10:13 - Xochapa Mixteco13 Saa chi ndeꞌe ta küvi kutai ni ini nde xiꞌin chiñu ya íkan inka na, chi mií Ndioxi ku ra si̱naꞌa nuu nde nda mií kua xinu koo nde xaa chiñu nde nuu ra. Ta nda xaꞌa ndóꞌo̱ kua ta̱xi ra ichí ndaꞌa nde ndi̱xaa nde nuu ndo ya xaa chiñu nde xiꞌin ndo ñuu Corinto ñaa. အခန်းကိုကြည့်ပါ။ |
2 Corintios 10:13
12 ပူးပေါင်းရင်းမြစ်များ
Sundi yeꞌe, ndákan tuꞌun i mií i, káchi i, ¿án sana köo ndi̱xini soꞌo na Israel tuꞌun Ndioxi? káchi i. ¡Ta süvi saa íyo ya! Chi xa xi̱ni soꞌo va na ya. Saa chi iin ñaꞌñu nuu tuꞌun Ndioxi ya ta̱a na xinaꞌa, káchi ya saa: Xa ndi̱xita niꞌnu ndiꞌi tuꞌun Ndioxi nuu na ñuu ivi, xa ndi̱xaa tuꞌun ra ndiꞌi ni kúu xaꞌa ñuu ivi, káchi ya.
Xaꞌa ya vaꞌa ni Ndioxi ta si̱niꞌi uun ra nuu i káꞌan i xiꞌin ndo, yakan xíkan ni i ya mani nuu ndo ndïkani ini ndo ya vaꞌa ni ka mií ndo nuu inka naꞌa. Vaꞌa ka kiꞌin ni ndo kuenta ndá kuꞌva ndíkani ini ndo xaꞌa mií ndo. Ta ndáꞌvi, ndáꞌvi ndikani ini ndo, ikan ndo tá kuꞌva íyo ya vaꞌa ta̱xi Ndioxi ndaꞌa iin iin ndo ya kándixa ndo ra.
Ta xaꞌa ya kúꞌvi ni ini Ndioxi xíni ra yoo, ta xa síin xa síin si̱niꞌi taꞌvi ra iin iin yo, ta̱xi ra ya vaꞌa xínituni yo, ya ke̱e nuu ndivi ndaꞌa yo. Tá tu ndi̱niꞌi sava yo ya kaꞌan ndoso yo ndá ka tuꞌun ya vaxi nuu Ndioxi xiꞌin naꞌa, ta vaꞌa saa ná koo ya kaꞌan yo xiꞌin na, tá kuꞌva ndáa ni ini yo Ndioxi.
ကြော်ငြာတွေ