2 Corintios 1:6 - Xochapa Mixteco

⁶ Ta ya ndóꞌo ni ini ndeꞌe, ta xaꞌa ya vaꞌa sindiko nde ini ndo kua xiꞌin ya kaku ndo kua ndóꞌo nde saa. Ta saa tu tá síndiko Ndioxi ini nde, saa tu ndeꞌe va, vaꞌa sindiko nde ini ndo. Saa kua kuchiñu ndo xaꞌa ndee ini ndo yaꞌa ndo nuu tindoꞌo, taꞌan tindoꞌo ya ndóꞌo ndeꞌe.

2 Corintios 1:6 ပူးပေါင်းရင်းမြစ်များ

Los Hechos 21:5

Tá ndi̱xinu uxa kivi, ta ka̱na koo nde kuaꞌan nde. Kuaꞌan nda ná síꞌi nda xiꞌin nda, ndáka ná seꞌe vali ná kuaꞌan xiꞌin ná. Tá ndi̱xaa nde nuu yoti yuꞌu nduta ñûꞌu ikán, saa si̱kusiti ndiꞌi nde káꞌan nde xiꞌin Ndioxi.

ROMANOS 8:28

Xíni mií yo, ndiꞌi tindoꞌo ya ndóꞌo yo, ta ya vaꞌa ni mií yo kua ndóꞌo yo saa. Saa chi saa íkan Ndioxi xiꞌin ndiꞌi naꞌa, na kúꞌvi ni ini ra xíni ra, ta kána ra na ndikundikun na ra, chi saa chi̱tuni mií ra ikan ra xiꞌin na.

2 Corintios 1:4

Chi mií ra ku ra síndiko ini yo xiꞌin ndiꞌi ni kúu tindoꞌo ya ndóꞌó yo, ta saa kuchiñu yo chindee taꞌan yo xiꞌin inka naꞌa, sindiko yo ini na, tá kuꞌva síndiko mií ra ini yo.

2 Corintios 12:15

Vaꞌa ni kúni i ya tíin ndiꞌi i xuꞌun ya kúu mií i xiꞌin ndo, ta nda mií i ta taxi i mií i xaꞌa ya chindee i ndóꞌo̱. Ndee ni va kúꞌvi ka ini i xíni i ndóꞌo̱, sundi ndóꞌo̱ ta loꞌo ni va kúꞌvi ini ndo xíni ndo yeꞌe.

2 Corintios 5:5

Ta mií Ndioxi ku ra i̱kan saa xiꞌin yo, nda̱sa vaꞌa ra yoo ya kuchiñu ndinama ra yoo kivi vaxi, ta xiꞌna Tachi I̱í ra kua ta̱xi ra ndaꞌa yo, ya ndíkuiin ya xaꞌa tuꞌun ra ya ndi̱kaꞌan ra sixinu ra ya ki̱ndoo ra taxi ra ndaꞌa yo.

Efesios 3:1

Ta xaꞌa ya vaꞌa ndiꞌi ndóꞌo̱ köo kúu judío kua ndíkaa yeꞌe, Pablo veꞌe kàà yóꞌó ya ndíkun i ichí Jesucristo.

Efesios 3:13

Xaꞌa ya ñaa kua xíkan ni i ya mani nuu ndo ya ná ndïko koo ini ndo xaꞌa tindoꞌo ya ndóꞌo i. Nda vaꞌa ka ná kuni ndo xaꞌa ya ndóꞌo i saa, ta ná koo vaꞌa ni ini ndo xaꞌa ya tíxuꞌvi ni i, chi ndóꞌo̱, ta níꞌi ka ndo ya toꞌo xaꞌa ya ndóꞌo i kuꞌva saa.

Filipenses 1:19

Saa chi xíni i xaꞌa ya káꞌan ndo xiꞌin Ndioxi xaꞌa i ya chíndee Tachi Jesucristo yeꞌe, ta kama keta i veꞌe kàà yóꞌó kuꞌun ndíka i.

2 Timoteo 2:10

Ta xaꞌa ya ikán kua xáꞌa ndee ndiꞌi ini i ndóꞌo̱ ni i xaꞌa naꞌa, na ndi̱kaxin Ndioxi ya ná niꞌi na ya vaꞌa kaku na tixin Tata yo Jesucristo, ta saa kuchiñu na koo na xiꞌin ra ndiꞌi saa kivi nuu luvi ni káa nuu ndee ni yéꞌe̱.