2 Corintios 1:24 - Xochapa Mixteco

²⁴ Ta ya ñaa ta köo kúni kachi ya, xáꞌnda ni nde nuu ndo xaꞌa kuꞌva ya ndáa ini ndo xíni ndo Ndioxi, chi ndóꞌo̱ ta xa ndee ni va ndáa ini ndo xíni ndo ra, ta ndisaa ya kúni ndeꞌe kua, iin káchi xaa chiñu nde xiꞌin ndo nuu chindee taꞌan nde xiꞌin va ndo ya ná kusini ni ndo.

2 Corintios 1:24 ပူးပေါင်းရင်းမြစ်များ

San Mateo 24:49

Ñaa xa̱á ra xaa nduvaꞌa ra xiꞌin na taꞌan ra, na xáa chiñu nuu xitoꞌo ra, saa xa̱á ra kuxi ra tin koꞌo ra xiꞌin na xíꞌi.

ROMANOS 1:12

Ta saa ndóꞌo̱ xiꞌin yeꞌe, chindee taꞌan yo xiꞌin na taꞌan yo, saa chi ndinuꞌu ni ini yo kándixa yo Jesucristo.

ROMANOS 11:20

Saa ndixa íyo ya, vaꞌa kundaa ini ndo. Chi ya ndi̱taꞌnda ndaꞌa itun olivo tàtà ikán, ta xaꞌa ya köo ndi̱xiin na kandixa na Cristo kua. Yakan vaꞌa ndi̱kundikun ndóꞌo̱ íin tá íyo itun olivo ikú. Yakan kütai ni ini ndo, vaꞌa ni ka ná ku íꞌvi ndo kuni ndo Ndioxi.

ROMANOS 5:2

Saa tu xaꞌa ya kándixa yo Jesucristo kua ndi̱niꞌi uun yo nuu ndi̱kiꞌvi yo ndi̱kitaꞌan vaꞌa ni yo xiꞌin Ndioxi, ta ni küxika ka yo nuu ra. Saa kúsini ni yo chi kúndaa teꞌe ini yo ya koo yo xiꞌin ra nuu kuni yo ya chee ni kúu mií Ndioxi.

1 Corintios 15:1

Ñani yo tin kuꞌva yo, kúni i ná ndikaꞌán ini ndo xaꞌa tuꞌun vaꞌa xaꞌa Tata yo Jesucristo ya xa ndi̱kaꞌan ndoso i xiꞌin ndo. Ta ya yóꞌó ku ya xa ku̱ndaa ini ndo xaꞌa ta nda vitin tuun ni kándixa ndo ya.

1 Corintios 3:5

Ndikani vaꞌa ini ndo, ¿án chee ni yeꞌe, Pablo, túvi ndo? ¿Án ra Apolos ku ra chee ni túvi ndo? Süvi saa íyo ya. Moso va ku nde xáa chiñu nde nuu Ndioxi, ta chíndee nde ndóꞌo̱ ya ná kandixa ni ndo Ndioxi va. Íkan iin iin nde chiñu ya ta̱xi Ndioxi ndaꞌa va nde.

2 Corintios 11:20

Chi ndóꞌo̱ ta xáꞌa ndee ni ini ndo xiꞌin naꞌa, na xáa nduxa xiꞌin ndo xáa chiñu ndo, ta táva na xuꞌun ndaꞌa ndo. Ta saa vaꞌa ni kúni ndo xíni ndo na ya xáꞌnda na chiñu nuu ndo. Vaꞌa ni kúni ndo xíni ndo naꞌa, na vaꞌa ni ka náꞌa nuu mií ndo, nda káni na xaꞌnda nuu ndo, ta köo káꞌan ndo.

2 Corintios 4:5

Tá káꞌan ndoso nde tuꞌun vaꞌa xaꞌa Jesucristo xiꞌin naꞌa, ta süvi xaꞌa mií nde kua káꞌan nde xiꞌin na, chi xaꞌa mií Jesucristo kua káꞌan nde xiꞌin na, ya kúu ra Tata yo. Ta ndeꞌe, tá íin moso ndo, na xáa chiñu nuu ndo, saa íin nde. Ta xaꞌa Tata yo Jesucristo kua íkan nde saa.

2 Corintios 5:7

Ta vitin táku yo ta ndáa ni ini yo xíni yo ra, ta süvi xaꞌa ya xa xi̱ni xiꞌin nuu yo ra kua ndáa ini yo xíni yo ra.

1 Pedro 5:3

Ta käꞌnda chiñu ndo nuu na, ya nduu ndo tá íyo xitoꞌo na, na ndee ni íyo ichí ndaꞌa ya kaꞌnda chiñu ndo nuu na. Ya ndee ni vaꞌa ikan ndo xiꞌin na kua sinaꞌa ndo na ná ikan na tá kuꞌva vií ni íkan mií ndo.