2 Corintios 1:20 - Xochapa Mixteco

²⁰ Saa chi mií ra ku ra síxinu ndiꞌi ya ndi̱kaꞌan Ndioxi taxi ra ndaꞌa yo. Xaꞌa ya ñaa kua tá xáa kaꞌnu yo Ndioxi ta káꞌan yo soꞌva: “Saa ná koo”, káchi yo, chi tixin mií Jesucristo kua káꞌan yo saa.

2 Corintios 1:20 ပူးပေါင်းရင်းမြစ်များ

San Mateo 6:13

Täxi un ndikava nde ndaꞌa ya väꞌa, chindee un ndeꞌe nuu ya väꞌa. Chi yóꞌo̱ ku ra xáꞌnda chiñu, yóꞌo̱ ku ra kúu mií ndee ta ndiꞌi naꞌa xáa kaꞌnu yóꞌo̱ ndiꞌi saa kivi ya vaxi. Saa ná koo ya”. Soꞌva kachi ndo xiꞌin Ndioxi ―káchi Jesús xiꞌin na.

San Lucas 2:14

¡Ná kunuu ka ya toꞌo Ndioxi, ra íyo nuu ndivi! 2 Ta ná koo vaꞌa ni ini na ñuu ivi na íkan ra ya vaꞌa xiꞌin ―káchi na tatun ikán.

San Juan 1:17

Ta ley Ndioxi ta ndaꞌa xii sikua yo ra Moisés ta̱xi Ndioxi ya xa̱ꞌnda chiñu ya nuu yo. Sundi ya ndaa xiꞌin ya kúꞌvi ni ini Ndioxi xíni ra yoo ta tixin Jesucristo kua xa̱a ya nuu yo.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 3:5

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin un, ndiꞌi na täꞌan kaku xiꞌin tikuii ni xiꞌin Tachi I̱í Ndioxi ta küchiñu na kiꞌvi na koo na nuu xáꞌnda chiñu Ndioxi.

ROMANOS 11:36

Mií Ndioxi ku ra si̱kuaꞌa ndiꞌi ni kúu ñaꞌa ya íyo, xaꞌa mií ra si̱kuaꞌa ra ndiꞌi ya, ta ndiꞌi ya ndi̱kuaꞌa íyo ya xaa súvi ya kúni mií ra. ¡Yakan kua ná kunuu vaꞌa ni ya toꞌo ra ndiꞌi saa tiempo! Saa ná koo.

ROMANOS 6:23

Saa chi naꞌa, na íkan kuachi ta yaꞌvi na ya cháꞌvi kuachi na nuu na kua ndiꞌi xaꞌa na, kuvi na nuu Ndioxi. Sundi yoo ta si̱niꞌi Ndioxi ya vaꞌa nuu yo ya kutaku yo xiꞌin ra ndiꞌi saa kivi, ta nda iin ichí ndïꞌi xaꞌa yo, xaꞌa ya xa iin ndu̱u yo xiꞌin Tata yo Cristo Jesús.

1 Corintios 14:16

Saa chi tá tu xáa kaꞌnu ndo Ndioxi xiꞌin tuꞌun ya köo kúndaa ini yo xiꞌin ya ke̱e nuu ndivi, ta saa ná xaa inka naꞌa, na köo xíka veꞌe ñuꞌu xiꞌin ndo, ta unkua ikan na kundaa ini na taxi na tixaꞌvi ndaꞌa Ndioxi, ta ni köo kúndaa ini na xiꞌin tuꞌun ya káꞌan ndo.

2 Corintios 4:15

Ta ndiꞌi ya yóꞌó kua ndóꞌo nde ya ná nduu kuaꞌa ni naꞌa niꞌi ya vaꞌa nuu Ndioxi. Ta xaꞌa ya kuaꞌa ni na xi̱ni soꞌo tuꞌun Ndioxi ya ndi̱kaꞌan ndoso nde xiꞌin na yakan ndu̱u kuaꞌa ni na taxi tixaꞌvi ndaꞌa ra, saa xaa kaꞌnu ni na ra.

2 Corintios 4:6

Saa chi suvi mií Ndioxi ku ra xa̱ꞌnda chiñu ya ndi̱yeꞌe ñu̱ꞌu̱ yéꞌe̱ nuu naá. Ta suvi mií ra ku ra si̱ndiyeꞌe ya nima yo ya ku̱chiñu yo ndi̱xuna ya xínituni yo, saa kua kuni yo ya luvi ni ndi̱yeꞌe ya kúu mií Ndioxi, ya ndi̱yeꞌe ya nuu Jesucristo.

Gálatas 3:22

Chi tuꞌun Ndioxi ta káꞌan ya xaꞌa yo ya íin yo tá íin naꞌa, na núꞌni ndaꞌa kuachi na, saa íin ndiꞌi ni kúu yo ndaꞌa kuachi ya xáꞌnda chiñu nuu yo. Ta ndisaa naꞌa, na kándixa Jesucristo ku na kúchiñu ndíkiꞌin ya vaꞌa, ya ndi̱kaꞌan Ndioxi niꞌi yo nuu ra.

Efesios 1:6

Ta i̱kán ra saa xiꞌin yo, ya ná xaa kaꞌnu ni yo ra. Xaꞌa ya kúꞌvi ni ini ra xíni ra yoo kua ndi̱niꞌi uun yo nuu ra, ya i̱kan ra saa xiꞌin yo. Ndi̱kuiso ra yoo tixin Seꞌe ra, ra ndee ni kúꞌvi ini ra xíni ra.

Efesios 2:7

I̱kan Ndioxi saa xiꞌin yo chi kúni ni ra ya kundaa ini yo xaꞌa ra kivi vaxi ya ndee ni vaꞌa ini ra xiꞌin yo, ta saa kúꞌvi ni ini ra xíni ra yoo tixin seꞌe ra Jesucristo.

Colosenses 1:27

Ta saa kua i̱kan Iva yo Ndioxi, saa chi ku̱ni ra ya ná kundaa ini na kúu kuenta mií ra xaꞌa ñaꞌa ya ndi̱xiyo sěꞌe xinaꞌa. Ta tuꞌun ra ya ndaa, ya chee ni, ya luvi ni, ta ya kuni soꞌo ndiꞌi ni kúu naꞌa kua. Ta ya káꞌan tuꞌun Iva yo xaꞌa ya ndixiyo sěꞌe yóꞌó kua: íyo Tata yo Jesucristo nima ndóꞌo̱ köo kúu judío vitin, ta kúndaa teꞌe ini ndo ya koo ndo xiꞌin ra nuu ndivi.

2 Tesalonicenses 1:10

Ta ya yóꞌó kua kuu tá kivi ná ndiko koo Tata yo Jesucristo. Sundi mií ndóꞌo̱, na ñuu ra, na i̱í ku ndo xaa kaꞌnu ni ñaꞌa. Saa ndikanda ni ini ndo kuni ndo ra. Ta kivi ikán kua koo vaꞌa ni ini ndo, chi ndi̱kiꞌin vaꞌa ndo tuꞌun ra ya ndi̱kaꞌan nde xiꞌin ndo, saa ka̱ndixa ni ndo ya.

HEBREOS 11:13

Ta ndiꞌi na káꞌan yo xaꞌa yóꞌó ta xi̱ndaa ni ini na xi̱ni na Ndioxi, saa ndi̱xiꞌi ndiꞌi na, ta köo ndi̱kiꞌin na ñuꞌú ya ndi̱kaꞌan Ndioxi taxi ra ndaꞌa na. Sundi xaꞌa ya xi̱ndaa ni ini na xi̱ni na ya ndi̱kaꞌan Ndioxi taxi ra ya ndaꞌa na, vani xi̱ni xika na ya, ta saa ku̱sini ni na ndikiꞌin na ya. Saa ndi̱kani ini na süvi ñuu na ku ñuu ivi yóꞌó, na xi̱ndoo tóo va ku na nuu ya, ta saa yáꞌa na kuaꞌan va na.

HEBREOS 13:8

Chi Jesucristo, ta köo ndísama ra, tá ndi̱xiyo ra xinaꞌa saa íyo ra vitin, ta saa koo ra ndiꞌi saa kivi ya vaxi.

HEBREOS 7:6

Sundi ra Melquisedec, vani süvi sutu ra kúu seꞌe sikua ra Leví ku ra, ta ndi̱kuiso ra iin iin ñaꞌa tixin ya uxi ki̱ndaa ra Abraham ndaꞌa nda nuu ndi̱xaꞌan ra kuachi, saa chi̱kaa ra Melquisedec ya vaꞌa ra Abraham, ra ki̱ndoo Ndioxi xiꞌin taxi ra ñaꞌa ndaꞌa ra.

1 Pedro 1:12

Ta ya ta̱xi Ndioxi ku̱ndaa ini nda ndi̱kaꞌan tuꞌun yuꞌu ra xaꞌa, ta süvi xaꞌa mií nda kua ndi̱kaꞌan ya, xaꞌa yoo kua ndi̱kaꞌan ya. Ta taꞌan ya ikán ku tuꞌun vaꞌa xaꞌa Tata yo Jesucristo ya ndi̱kaꞌan ndoso inka nda xiꞌin ndo tixin Tachi I̱í Ndioxi ya ke̱e nuu ndivi. Ta nda mií na tatun Ndioxi ta kútoo ni na kuni na ya vaꞌa ikan Ndioxi xiꞌin yo.

1 Juan 5:11

Ta ya ndíkuiin ini yo kua yóꞌó, ta̱xi Ndioxi ichí táku yo xiꞌin ra ndiꞌi saa tiempo. Chi Jesucristo Seꞌe ra ku ra táxi táku yo xiꞌin ra.

El Apocalipsis 3:14

Saa ndi̱kaꞌan tuku ra xiꞌin i, káchi ra saa: ―Taa un tutu yóꞌó kuꞌun ya ndaꞌa tatun Ndioxi ya ndáa naꞌa, na kándixa yeꞌe nuu ndíkitaꞌan na xáa kaꞌnu na yeꞌe ñuu Laodicea: “Ya yóꞌó kua káꞌan yeꞌe, ra kúu Amén. Ndee ni ndíkuiin i xaꞌa ya i̱kan Ndioxi, ra ndaa ni. Ta yeꞌe ku ra ndi̱xiyo núnu̱ú tá sikan xa̱á xi̱koo xaꞌa ñuu ivi ya si̱kuaꞌa Ndioxi.

El Apocalipsis 7:12

Ta ndi̱kaꞌan na xiꞌin Ndioxi, káchi na saa: ―¡Saa ná koo ya! ¡Ndikiꞌin ndiꞌi un ya xáa kaꞌnu nde yóꞌo̱ Iva yo Ndioxi! Ná kaꞌan vaꞌa ni naꞌa xaꞌa un ¡Chi mií un ku ra ndixa ni ndíchi! ¡Ta ndixaꞌvi ni un, Iva yo Ndioxi! ¡Ná kunuu sukun ni ya toꞌo un! ¡Chi ndee ni ndee kúu mií un! ¡Ta ndakú ni un! ¡Saa ná koo ya ndiꞌi saa kúu kivi! ―káchi na tatun Ndioxi.