2 Corintios 1:14 - Xochapa Mixteco

¹⁴ ta ya ndixa kua xa ku̱ndaa loꞌo ini ndo xiꞌin ya xa ndi̱kaꞌan nde xiꞌin ndo. Saa tá ná ndiko koo Tata yo Jesucristo ta kusini ni ndo xiꞌin nde, saa tu ndeꞌe va kusini ni nde xiꞌin ndo.

2 Corintios 1:14 ပူးပေါင်းရင်းမြစ်များ

ROMANOS 11:25

Ñani yo xiꞌin kuꞌva yo, ndóꞌo̱ köo kúu judío, kúni i kaꞌan i xiꞌin ndo ya ná kundaa ini ndo xaꞌa chiñu ya íyo sěꞌe ikan Ndioxi. Yakan kua xäa xíni ni ndo mií ndo, saa chi sava mií na Israel ta ndee ni ndu̱tuun ini na, köo xíin na kandixa na Jesucristo, ta saa ikan na nda ná xinu naꞌa, na köo kúu judío, na ndi̱kaxin Ndioxi sikaku ra.

1 Corintios 1:8

Chi suvi mií Ndioxi ku ra xáꞌa ni ndee xiꞌin ndo, nda kivi tá ná ndiko koo Tata yo Jesucristo, ta nditaꞌan ra ndóꞌo̱ ya köo nda iin kuachi kúu mií ndo.

1 Corintios 11:18

Saa chi xi̱ni soꞌo i xaꞌa ndo, tá ndíkitaꞌan ndo xáa kaꞌnu ndo Ndioxi veꞌe ñuꞌu, ta ndóꞌo̱ ndítaꞌvi taꞌan va ku ndo, káchi na xaꞌa ndo. Ta ndíkani ini i va saa ndixa va kua íkan ndo, túvi i.

1 Corintios 15:31

Ta ya ndixa kua káꞌan i xiꞌin ndo ñani yo, kuꞌva yo, iin iin kivi táku i xíka i, ta ìyo ka vi kuvi i xíka i. Ta ya ndaa ni va ku ya káꞌan i xiꞌin ndo, saa kútai ni ini i xíni i ndóꞌo̱ xaꞌa ya kándixa ndo Tata yo Jesucristo.

2 Corintios 2:5

Ta ya káꞌan i xiꞌin ndo xaꞌa taa ra xa̱a chiꞌña ini i, ta köo yáꞌa ni yuꞌu i káꞌan i xiꞌin ndo, chi ya ndaa kua, taa ra xa̱a chiꞌña ini i, ta köo ndi̱xaa chiꞌña ra ini i tá kuꞌva ndee ni xa̱a chiꞌña ra ini ndóꞌo̱.

2 Corintios 5:12

Ta ya káꞌan nde saa xiꞌin ndo ta köo kúni kachi ya kúni nde chinuu vaꞌa nde tuꞌun mií nde. Káꞌan nde saa xiꞌin ndo ya ná koo vaꞌa ini ndo xiꞌin nde, ta saa kuchiñu ndo ndikuiin ndo kaꞌan ndo xaꞌa nde xiꞌin naꞌa, na ndee ni kútai ini xiꞌin mií. Saa chi íyo sava na ta ndee ni kútai ini na ya vaꞌa ni íkan na túvi na. Ndíꞌi ni ini na xaꞌa ya káꞌan vaꞌa inka naꞌa xaꞌa na, ta köo kíꞌin na kuenta xaꞌa ya ndixa íyo nima na.

2 Corintios 9:2

Chi xa xíni i ini ndo ya ndee ni vaꞌa kúni ndo chindee ndo na, kuꞌva saa kua vaꞌa ni ndi̱tuꞌun i xaꞌa ndo xiꞌin ndiꞌi na veꞌe ñuꞌu, na ndóo estado Macedonia. Ndi̱kaꞌan i xiꞌin na xaꞌa ndóꞌo̱ ndóo estado Acaya, ya ndee ni vaꞌa íyo ndúvi ndo chindee ndo na taꞌan yo, na ndaꞌvi. Ta nda kuiya ya ndi̱yaꞌa xa̱á ndo íkan ndo saa, ta xaꞌa ya vaꞌa ni íkan ndo, ta saa ndiꞌi na taꞌan yo, na ndóo Macedonia yóꞌó kúni tu na yóꞌó va chindee taꞌan na xiꞌin na taꞌan yo.

Filipenses 1:10

Ta saa kuchiñu ndo ndikaxin ndo ikan ndo nina ya vaꞌa, ya ndee ni ndáa yaꞌvi nuu Ndioxi, ta kivi ná ndiko koo Jesucristo ta nditaꞌan ra ndóꞌo̱ ya íyo vií ni ndo nuu ra, ta köo kuachi kúu mií ndo.

Filipenses 1:26

Tá ná xaa tuku i koto i ndóꞌo̱, ta kusini ni ndo, chi kuni soꞌo ndo ya vaꞌa i̱kan Tata yo Jesucristo xiꞌin i, ta saa xaa kaꞌnu ni ndo ra.

Filipenses 1:6

Ta yeꞌe, ta xa kúndaa teꞌe ini i xaꞌa ndo, chi Ndioxi ku ra xa̱á xáa chiñu xiꞌin nima ndo, ta saa xaa chiñu ka ra xiꞌin ndo ndakua ná xinu ndo nduu ndo tá kuꞌva kúni mií ra, nda kivi tá ná ndiko koo Tata yo Jesucristo ñuu ivi yóꞌó.

Filipenses 2:16

Chi tuun ni ndíkun ndo tuꞌun ra ya táxi táku ndo xiꞌin Ndioxi. Tá íkan ndo ya yóꞌó, ni yeꞌe, ta vaꞌa ni kúni i xiꞌin ndo. Chi kivi tá ná ndiko koo Cristo ñuu ivi yóꞌó ta kuni ra ya ndixa kua xa̱a chiñu i xiꞌin ndo, ta köo ndi̱xaa chiñu uun i xiꞌin ndo.

Filipenses 4:1

Xaꞌa ya ñaa kua káꞌan ni i xiꞌin ndo ñani yo xiꞌin kuꞌva yo, tuun ni kundikun ndo Tata yo Jesucristo. Xa xíni mií ndo ndee ni kúꞌvi ini i xíni i ndóꞌo̱, ta kúni ni i kuni i ndóꞌo̱. Chi ndóꞌo̱ ku ndo xáa sií ni ini i, ta vaꞌa ni kée i xiꞌin ndo, kúsini ni i xiꞌin ndo, tá káa ñaꞌa ya níꞌi iin ra xínu, saa íyo ndo nuu i, ndáa yaꞌvi ni ndo.

1 Tesalonicenses 3:13

Ta káꞌan ni nde xiꞌin Ndioxi ya ná chindee ra ndóꞌo̱ koo tuun ni tuꞌun ra nima ndo, saa nduu ndo naꞌa, na i̱í ni, na köo nda iin kuachi kúu mií nuu Iva yo Ndioxi. Ta saa kua koo ndúvi ndo, tá ná ndiko koo tuku Tata yo Jesucristo kixi ra xiꞌin ndiꞌi na ñuu ra, na i̱í.

1 Tesalonicenses 5:23

Ta mií Ndioxi, ra táxi koo vaꞌa ni ini yo ná xaa i̱í ni ra ndiꞌi ni kúu ya vaꞌa ndo xiꞌin ya xínituni ndo xiꞌin ikin kuñu ndo. Saa ná chivaꞌa ra ndóꞌo̱, nda iin kuachi ná küu mií ndo tá kivi ná ndiko koo tuku Tata yo Jesucristo kixi ra ñuu ivi yóꞌó.