1 Tesalonicenses 3:2 - Xochapa Mixteco

² ta ti̱ꞌvi nde ra Timoteo, ñani yo, xaa ra nuu ndo koto ra ndóꞌo̱. Ta ra ñaa iin káchi vaꞌa ni xáa chiñu ra nuu Ndioxi xiꞌin nde, káꞌan ndoso ra tuꞌun vaꞌa xaꞌa Tata yo Jesucristo. Ta ti̱ꞌvi nde ra xaa ra nuu ndo koto ra ndóꞌo̱, ya chindee ra ndóꞌo̱ kandixa ni ka ndo tuꞌun xaꞌa Tata yo Jesucristo, saa xaꞌa ni ra ndee xiꞌin ndo,

1 Tesalonicenses 3:2 ပူးပေါင်းရင်းမြစ်များ

Filipenses 1:25

Ta ya túvi yeꞌe kua taxi ka Ndioxi ichí ndaꞌa i ya koo i xiꞌin ndo ñuu ivi yóꞌó, ya kuchiñu chindee taꞌan i xiꞌin ndo, ta saa kusini ni ka ndo ya ndáa ni ini ndo xíni ndo Tata yo Jesucristo.

2 Corintios 8:23

Ta ndítuꞌun i xiꞌin ndo xaꞌa ra ñani yo, ra Tito, chi ra ñaa ta ra xáa chiñu xiꞌin i ku ra, ya chíndee taꞌan nde xiꞌin ndo. Ta inka nda ñani yo, ta na veꞌe ñuꞌu ku na tíꞌvi nda ñaa xaa nda, ta saa ni ndee ni káñuꞌu nda Tata yo Jesucristo.

2 Corintios 1:19

Saa chi ra ñani yo ra Silvano xiꞌin ra Timoteo tin yeꞌe, ta ndi̱kaꞌan ndoso nde xiꞌin ndo xaꞌa Tata yo Jesucristo, ra kúu Seꞌe Ndioxi. Ta köo uvi yuꞌu ra, nina ya ndaa káꞌan ra ndiꞌi saa kivi, ta ndixa síxinu ra tuꞌun káꞌan ra.

2 Corintios 1:1

Yeꞌe Pablo, xiꞌin ra ñani yo Timoteo ku nde táa tutu yóꞌó xaa ya nuu ndo. Chi saa chi̱tuni mií Iva yo Ndioxi ka̱na ra yeꞌe ya xíka i chiñu nuu Tata yo Jesucristo. Táa nde ya xaa ya nuu ndóꞌo̱, na veꞌe ñuꞌu, ndóo ñuu Corinto xiꞌin ndiꞌi ka ndóꞌo̱, na i̱í, ndóo ndiꞌi saa mií ñuu ya ñúꞌu mií estado Acaya ñaa.

ROMANOS 16:21

Ta saa káꞌan ndioxi ni tu ra ñani yo ra Timoteo, ra ítaꞌan xiꞌin i xáa chiñu nde nuu Tata yo Jesús va. Xiꞌin nda taꞌan i, ra ñani yo ra Lucio, tin ra Jasón, xiꞌin ra Sosípater, káꞌan ndioxi ni tu nda ikán va xiꞌin ndo.

Los Hechos 16:5

Ta ndúndee ka na veꞌe ñuꞌu ndáa ni ini na xíni na Jesús, saa ndúkuaꞌa ka na ndíkundikun ichí ra iin iin kivi.

Los Hechos 16:1

Ndi̱xaa ra Pablo xiꞌin ra Silas ñuu Derbe xiꞌin ñuu Listra. Ikán ndi̱taꞌan nda iin ra kándixa Jesús, náni ra Timoteo, seꞌe iin yá judío yá kándixa Jesús ku ra, ta iva ra ku ra griego.

1 Tesalonicenses 3:13

Ta káꞌan ni nde xiꞌin Ndioxi ya ná chindee ra ndóꞌo̱ koo tuun ni tuꞌun ra nima ndo, saa nduu ndo naꞌa, na i̱í ni, na köo nda iin kuachi kúu mií nuu Iva yo Ndioxi. Ta saa kua koo ndúvi ndo, tá ná ndiko koo tuku Tata yo Jesucristo kixi ra xiꞌin ndiꞌi na ñuu ra, na i̱í.

Colosenses 4:12

Saa tu ra Epafras, ra ñuu mií ndo, tíꞌvi ni ra tuꞌun mani xaa nuu ndo. Ta ndiꞌi saa ichí ndee ni káꞌan ra xaꞌa ndo xiꞌin Ndioxi ya ndee ni ná koo vaꞌa ndo, ta ná kuaꞌnu ni ka ndo xiꞌin tuꞌun Ndioxi ya kundaa vaꞌa ini ndo xiꞌin ya, saa xaa súvi ndo ya kúni mií Ndioxi.

Colosenses 4:9

Saa tíꞌvi i ra Tíquico ñani yo xaa ra xiꞌin ra Onésimo ñani yo, ra ñuu mií ndo, ra kúꞌvi ni ini i xíni i, ra ndee ni vaꞌa xáa chiñu xiꞌin i nuu Tata yo Jesucristo. Tíꞌvi i ra xaa ra xiꞌin ra, ta nda ñaa ku nda ndituꞌun xiꞌin ndo xaꞌa ndiꞌi ya ndóꞌo nde yóꞌó.

Colosenses 1:7

Ta ya yóꞌó kua xi̱ni soꞌo ndo si̱naꞌa ra ñani yo, ra Epafras, ra xáa chiñu xiꞌin nde nuu Tata yo Jesucristo. Ta ndinuꞌu ni ini ra xáa chiñu ra nuu Tata yo ya chindee ra ndóꞌo̱.

Colosenses 1:1

Yeꞌe Pablo, ra ndi̱kaxin Iva yo Ndioxi xaa chiñu i nuu Tata yo Jesucristo xiꞌin ra Timoteo, ñani yo, ku nde táa tutu yóꞌó,

2 Corintios 2:13

Sundi köo ndi̱kuvi xaa chiñu i, chi si̱ndiꞌi ni ya ini i xaꞌa ya köo ndi̱taꞌan i ra Tito ñani yo, yakan vaꞌa ka ndi̱kaꞌan ndioxi i xiꞌin na ñani yo ñuu Troas, ta ndi̱kiꞌin i kuaꞌan i chí estado Macedonia.

1 Corintios 4:17

Xaꞌa ya ñaa kua tíꞌvi i ra Timoteo ñani yo xaa ra nuu ndo, vaꞌa ni ítaꞌan ra xiꞌin i. Nda tá káa seꞌe i saa káa ra, kúꞌvi ni ini i xíni i ra xaꞌa ra ya ndíkun ra Tata yo Jesucristo. Ta ra ñaa ku ra ndituꞌun xiꞌin ndo, sindikaꞌán ra ini ndo ndá kuꞌva íyo i, ta kuꞌva saa sínaꞌa i naꞌa ndiꞌi ni kúu veꞌe ñuꞌu.

Los Hechos 18:5

Saa tá ndi̱xaa ra Silas xiꞌin ra Timoteo ñuu macedonia ta chiñu nuu ra Pablo kua xíka ra káꞌan ndoso ra tuꞌun Ndioxi. Vitin taan káꞌan ra xiꞌin na judío xaꞌa Jesús ya kúu ra Cristo.

1 Corintios 3:10

Ta yeꞌe, Ndioxi ku ra i̱kan ya mani xiꞌin i ta̱xi ra ichí ndaꞌa i ya koo i tá káa iin ra xíni, ra ndíso chiñu síkuaꞌa veꞌe, saa káa i, táva i yu̱ú xaꞌa ya, ta inka ku nda síkuaꞌa ya. Ta nda síkuaꞌa veꞌe nuu ta̱va i yu̱ú xaꞌa, ta ndee ni xíniñuꞌu nda kiꞌin vaꞌa nda kuenta ndá kuꞌva síkuaꞌa nda ya.

2 Corintios 2:12

Tá ndi̱xaꞌan i ñuu Troas ya ndituꞌun i tuꞌun vaꞌa xaꞌa Jesucristo xiꞌin naꞌa, ta ndee ni vaꞌa xu̱na Tata yo ichí nuu i ya xaa chiñu i ikán.

1 Tesalonicenses 3:5

Xaꞌa ya ñaa kua köo ndi̱kundee ka ini i kundatun i, chi kúni ni i kundaa ini i ndá kuꞌva kándixa ndo Tata yo Jesucristo, yakan vaꞌa ka ti̱ꞌvi i ra Timoteo ñani yo xaa ra nuu ndo koto ra ndóꞌo̱. Süvi ka vi ya sindaꞌvi kiti nǎꞌa ndóꞌo̱ ya ikan ndo ya väꞌa, chi tá tu ná ikan ndo saa ta ni köo ndáa yaꞌvi ya i̱kan nde xiꞌin ndo, ya uun kuiti va kua xa̱a chiñu nde xiꞌin ndo.

2 Tesalonicenses 2:17

Ta saa ná taxi ni ra ndee ndaꞌa ndo ya koo vaꞌa ni ini ndo ta ná kana vaꞌa ndiꞌi ya káꞌan ndo xiꞌin ya íkan ndo.