1 Tesalonicenses 2:9 - Xochapa Mixteco9 Xa ñúꞌu vaꞌa ini mií ndo ndá kuꞌva xa̱a chiñu ni nde tá ndi̱xiyo nde xiꞌin ndo, nduvi niuu xa̱a chiñu ni nde ya ka̱na xuꞌun kuniñuꞌu nde sata nde ñaꞌa kuxi nde. Ta köo ndi̱sindiꞌi nde ini nda iin ndo ya chindee ndo ndeꞌe xaꞌa ya káꞌan ndoso nde tuꞌun vaꞌa xaꞌa Iva yo Ndioxi xiꞌin ndo. အခန်းကိုကြည့်ပါ။ |
Ta nda iin ñaꞌa küvi kasi nuu i xaꞌa chiñu ya íkan i, ni köo ndíꞌi ini i, tá tu kuvi i xaꞌa ra, ta vaꞌa kuvi va i xaꞌa ra. Chi ya ndee ni ndíꞌi ini i xaꞌa kua sixinu i chiñu nuu ra ya ta̱xi ra ndaꞌa i xaa súvi i nuu ra ya ndikuiin i kaꞌan ndoso i tuꞌun vaꞌa xaꞌa ra xiꞌin naꞌa ya ná kundaa ini na ndá kuꞌva kúꞌvi ni ini Ndioxi xíni ra na.
Chiñu kúu mií i kua xáa chiñu i nuu Jesucristo. Tá káa iin sutu káa i káꞌan ndoso i tuꞌun vaꞌa xaꞌa ra xiꞌin naꞌa, na köo kúu judío, ya kuchiñu na kuyati na nuu ra. Ta saa nduu na tá íin ñaꞌa ya sóko i nuu Ndioxi, ta vaꞌa ni ndikuiso ra na, saa chi xa ndi̱kaxin mií Tachi I̱í Ndioxi na, ta xaꞌa mií ra kua ndi̱kaxin ya na.
Ndixaꞌvi ni mií Ndioxi xaꞌa Tachi I̱í ra, saa chi chíndee ya yeꞌe íkan i yatuꞌun nuu na xiꞌin ya vaꞌa ni, ta soꞌva kua síxinu i tuꞌun vaꞌa xaꞌa Jesucristo. Nda ñuu Jerusalén kua xa̱á i káꞌan ndoso i tuꞌun vaꞌa xaꞌa ra, iin saa ndi̱xaa i nda ñuu Ilírico, ndi̱xika ndiꞌi i ndi̱kaꞌan i xiꞌin na xaꞌa tuꞌun vaꞌa ya síkaku mií na.
Ta yeꞌe, ta nda iin kivi köo ndítaxi i ya chaꞌvi ndo yeꞌe xaꞌa ya xáa chiñu i nuu Tata yo Jesucristo. Ya táa i soꞌva nuu ndo káꞌan i xiꞌin ndo ta süvi ya kúni i taxi ndo ñaꞌa ndaꞌa i kua. ¡Vaꞌa ka ná kuvi i ta kïꞌin i xuꞌun ndaꞌa ndo, xaꞌa ya káꞌan ndoso i tuꞌun Ndioxi xiꞌin ndo, chi yeꞌe, ta vaꞌa ni kúni i ya íkan i chiñu yóꞌó!
Ta yaꞌvi i ya ndíkiꞌin i kua yóꞌó, chi yeꞌe ta kúsini ni i ya káꞌan ndoso i tuꞌun vaꞌa xaꞌa ra xiꞌin ndo, ta köo kíꞌin i xuꞌun ndaꞌa ndo ya íkan i saa. Vani íyo ichí i ya chaꞌvi ndo yeꞌe xaꞌa ya káꞌan ndoso i tuꞌun vaꞌa xaꞌa Tata yo Jesucristo xiꞌin ndo ya kaku ndo, ta köo káꞌan i xiꞌin ndo chaꞌvi ndo yeꞌe xaꞌa chiñu íkan i.
Tá ndi̱xiyo i xiꞌin ndo ñuu Corinto, ni kumani va ñaꞌa ya xíniñuꞌu i nuu i, ta köo ndi̱sindiꞌi i ini nda iin ndo ya nduku i ñaꞌa nuu ndo. Tá ndi̱xaa nda ñani yo nda ndóo chí estado Macedonia nuu i, ta nda ikán ku nda chi̱ndee taꞌan xiꞌin i xaꞌa ñaꞌa ya xi̱niñuꞌu i. Ta kuꞌva saa ikan i nda vitin, sïndiꞌi i ini ndo ya chindee taꞌan ndo xiꞌin i xaꞌa ñaꞌa ya xíniñuꞌu i.
Ta táxi ni nde tixaꞌvi ndaꞌa Iva yo Ndioxi xaꞌa kuꞌva ya kándixa ni ndo ra, saa kúꞌvi ni ini ndo xíni ndo ra, ta ya ñaa kua xáꞌa ni ndee xiꞌin ndo ya ndee ni vaꞌa xáa chiñu ndo nuu ra, chi kúndaa teꞌe ini ndo ya xaa súvi ra ya ndi̱kaꞌan ra xiꞌin ndo, ta ya ñaa kua chíndee ni ndóꞌo̱ ndee ni tuun ndíkun ndo Tata yo Jesucristo.
Saa chi xíni mií ndo tá täꞌan xaa nde ñuu ndo ta xiꞌna ñuu Filipos ndi̱yaꞌa nde, ta ikán ka̱ni ni na ndeꞌe, xa̱a ndu̱vaꞌa ni na xiꞌin nde. Saa tá ndi̱xaa nde ñuu ndo ta ndee ni sáa ini na ñuu ndo xíni na ndeꞌe, ta köo ndi̱ndiꞌvi nde nuu na, chi ndinuꞌu ni va ini nde ndi̱kaꞌan nde xiꞌin ndo xaꞌa tuꞌun vaꞌa ya ta̱xi Iva yo Ndioxi ndaꞌa nde.