Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Tesalonicenses 2:3 - Xochapa Mixteco

3 Saa chi süvi ya sána ini nde ku ya ndi̱kaꞌan ndoso nde xiꞌin ndo, ta ni köo ndi̱xika kiꞌvi ini nde xiꞌin ndo, ni köo ndi̱sindaꞌvi nde nda iin ndo.

အခန်းကိုကြည့်ပါ။ ကော်ပီ




1 Tesalonicenses 2:3
18 ပူးပေါင်းရင်းမြစ်များ  

Ta ikán ndóo nda tá ka̱ꞌvi na ley Ndioxi ya ta̱a ra Moisés xiꞌin ya ta̱a nda ndi̱kaꞌan ndoso tuꞌun yuꞌu Ndioxi. Tá ndi̱ꞌi ka̱ꞌvi na ya ikán, saa ti̱ꞌvi nda naꞌnu veꞌe ñuꞌu sinagoga ikán tuꞌun kuaꞌan nuu ra Pablo xiꞌin nda taꞌan ra, káchi nda saa: ―Ñani yo, tá tu íyo tuꞌun ndikani ndo nuu na ndóo yóꞌó nuu taxi ndo ndee ndaꞌa na, ta vaꞌa kaꞌan ndo xiꞌin na, che ―káchi nda xiꞌin ra Pablo.


Saa i̱kan tu iin ra kúu seꞌe sikua ra Leví, ra náni José va. Ta ra José ikán ke̱e ra ñuꞌu íchi ya ndikaa maꞌñu nduta ñûꞌu, ya náni Chipre. José náni ra ñuu ra, sundi nda apóstol ta chi̱nuu nda kivi ra náni ra Bernabé chi tuꞌun Bernabé kúni kachi ya taa ra síndiko ini naꞌa.


Chi nda vata va ku nda apóstol ikán, ta ndása nda mií nda apóstol, ta süvi ya ndixa kua xáa chiñu nda nuu Cristo, nda síndaꞌvi naꞌa va ku nda.


Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.


Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.


Tá káꞌan ndoso nde tuꞌun vaꞌa xaꞌa Jesucristo xiꞌin naꞌa, ta süvi xaꞌa mií nde kua káꞌan nde xiꞌin na, chi xaꞌa mií Jesucristo kua káꞌan nde xiꞌin na, ya kúu ra Tata yo. Ta ndeꞌe, tá íin moso ndo, na xáa chiñu nuu ndo, saa íin nde. Ta xaꞌa Tata yo Jesucristo kua íkan nde saa.


Sava ichí xáa toꞌo na ndeꞌe, ta inka ichí kúndasi nuu na xíni na ndeꞌe, ta sava tu ichí káꞌan vaꞌa ni na xaꞌa nde ta sava tu ichí kánaꞌa ni va na xiꞌin nde, sava na káꞌan ndeꞌe vata ku nde, káchi na xaꞌa nde, ta süvi ya ndaa kua káꞌan na xaꞌa nde, chi ndeꞌe, ta nina ya ndaa ndítuꞌun nde.


Xíkan ni nde ya mani nuu ndo ya ná kuna ndo nima ndo nuu nde, ya ndikiꞌin mani ndo ndeꞌe. Saa chi nda iin ya väꞌa köo ndíkan nde xiꞌin ndo, ta saa ni nda iin ndo köo ndi̱xaa ndikuu nde xiꞌin, ni nda iin tu ndo köo ndi̱sindaꞌvi va nde.


Tá íkan iin taa, ra vaꞌa ni ini xiꞌin seꞌe ra, saa i̱kan nde xiꞌin ndo, chi ndi̱kaꞌan ni nde xiꞌin ndo ya koo vií ndo xiꞌin taꞌan ndo, ta saa si̱ndiko nde ini ndo.


Saa chi Ndioxi ta ka̱na ra yoo ya kuu yo naꞌa, na i̱í nuu ra, ta köo ndi̱kana ra yoo kundikun yo ra ya ikan yo ya väꞌa nuu ra.


Xaꞌa ya ikán kua taxi Ndioxi ndee vata ndaꞌa na ya sindaꞌvi ya na, ta kandixa ni na ndee ikán.


Ta xa ndi̱tuꞌun nde xiꞌin ndo, si̱naꞌa nde ndóꞌo̱ xaꞌa ndee ya kúu mií Tata yo Jesucristo xiꞌin ya ndiko koo ra kixi tuku ra ñuu ivi yóꞌó, ta ya ndaa ni kua ndi̱kaꞌan nde xiꞌin ndo, süvi kuento vata kua ndi̱tuꞌun nde xiꞌin ndo. Chi ndeꞌe ta xi̱ni xiꞌin nuu mií nde ndee chee ni kúu mií ra.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ