1 Tesalonicenses 2:2 - Xochapa Mixteco

² Saa chi xíni mií ndo tá täꞌan xaa nde ñuu ndo ta xiꞌna ñuu Filipos ndi̱yaꞌa nde, ta ikán ka̱ni ni na ndeꞌe, xa̱a ndu̱vaꞌa ni na xiꞌin nde. Saa tá ndi̱xaa nde ñuu ndo ta ndee ni sáa ini na ñuu ndo xíni na ndeꞌe, ta köo ndi̱ndiꞌvi nde nuu na, chi ndinuꞌu ni va ini nde ndi̱kaꞌan nde xiꞌin ndo xaꞌa tuꞌun vaꞌa ya ta̱xi Iva yo Ndioxi ndaꞌa nde.

1 Tesalonicenses 2:2 ပူးပေါင်းရင်းမြစ်များ

Los Hechos 14:3

Xaꞌa ya ikán kua ndi̱ndoo naꞌá ka ra Pablo xiꞌin ra Bernabé xiꞌin na, ta ndi̱nuni loꞌo káꞌan ndoso nda tuꞌun Tata yo. Xaꞌa ya kúꞌvi ini ra xíni ra yoo, yakan ta̱xi ra ndee ra ndaꞌa nda íkan nda yatuꞌun ra.

Los Hechos 14:5

Ta saa chi̱taꞌan tuꞌun na judío xiꞌin na köo kúu judío, chi̱taꞌan tuꞌun na xiꞌin na chiñu ya kuꞌun na kani na yu̱ú sata nda, ndakua kaꞌni ñaꞌa nda káchi nda.

Los Hechos 16:12

Ta ikán nu̱u nde barco. Ñaa ke̱e nde kuaꞌan nde ñuu Filipos ya ndíkun ndaa Roma. Ta ñuu ndee ni ndee kua ikán yakan mani ni ya nuu na chiñu ñuu Roma, ta ndíkaa ya nuu ñuꞌú ñuu Macedonia, uvi ndaa kivi xi̱ndoo nde ikán.

Los Hechos 16:19

Saa tá xi̱ni xitoꞌo yá ya köo ndi̱ki̱chiñu ka yá tava yá xuꞌun nuu na, ñaa ndi̱saa na xiꞌin ra Pablo tin ra Silas. Saa ti̱in na nda kuaꞌan nda xiꞌin na veꞌe chiñu nuu ndóo na chiñu.

Los Hechos 16:37

Saa ndi̱kuiin ra Pablo káꞌan ra xiꞌin nda policía, káchi ra saa: ―Küvi ikan nde saa, chi köo ndi̱xaa ndaa na kuachi xiꞌin nde. Ndi̱yaꞌa na nuu ley ya káꞌan küvi sitixuꞌvi ndo na kúu mií tutu ñuu Roma tá tu täꞌan kuꞌun na nuu juez kunani kuachi na. Ta ndeꞌe, kúu mií nde tutu ñuu Roma. Ta ¿ndachu ka̱ni ni na ndeꞌe nuu chútu ndaa naꞌa, ta saa ta̱an na ndeꞌe veꞌe kàà? Ta vitin kúni na saña sěꞌe na ndeꞌe kuꞌun nde. Sundi ndeꞌe, ta küꞌun nde, ndakua ná kixi mií na tava na ndeꞌe, saa kana koo nde kuꞌun nde ―káchi ra Pablo xiꞌin nda policía ikán.

Los Hechos 17:1

Ñaa ndi̱yaꞌa nda ñuu Anfípolis tin ndi̱yaꞌa nda ñuu Apolonia, saa ndi̱xaa nda ñuu Tesalónica nuu íyo iin veꞌe ñuꞌu sinagoga na judío.

Los Hechos 17:17

Xaꞌa ya ikán kua káꞌan ni ra xiꞌin na ndíkitaꞌan ini veꞌe ñuꞌu sinagoga na judío xiꞌin na káñuꞌu ni Ndioxi. Ta ndiꞌi saa kivi kuaꞌan ra ndítuꞌun ra xiꞌin na ndíkitaꞌan xiꞌin ra nuu yaꞌvi.

Los Hechos 19:8

Ta xáꞌan ra Pablo veꞌe ñuꞌu sinagoga ñuu Éfeso káꞌan ndoso ra tuꞌun Ndioxi xiꞌin na. Ta ndinuꞌu ni ini ra ndítuꞌun ra xiꞌin na ndíkani ra nuu na síxinu ra ini na ya ná kundaa ini na ndá kuꞌva kaꞌnda chiñu Ndioxi nuu na. Saa i̱kan ra xiꞌin na tixin uni yoo.

Los Hechos 4:13

Saa tá xi̱ni soꞌo na ikán ya ndi̱kaꞌan ra Pedro tin ra Juan, ñaa ndi̱kanda ni ini na xíni ñaꞌa na, chi ndinuni loꞌo ini nda káꞌan nda, ni köo íꞌvi nda káꞌan nda. Ta ni süvi nda ndi̱sikuaꞌa ku nda. Ta vaꞌa ni káꞌan nda. Xaꞌa ya ikán kua vaꞌa ndi̱kuni ñaꞌa na ya xi̱taꞌan nda xiꞌin Jesús.

Los Hechos 4:20

Sundi ndeꞌe ta küvi kutaxin yuꞌu nde kaꞌan nde xaꞌa ya xi̱ni nde xiꞌin ya xi̱ni soꞌo nde xaꞌa Jesús ―káchi nda xiꞌin na.

Los Hechos 4:31

Ñaa tá si̱ndiꞌi na ndi̱kaꞌan na xiꞌin Ndioxi ta xa̱á táan nuu ndi̱kitaꞌan na ndóo na. Saa ta̱xi Ndioxi Tachi ra ndaꞌa na, ndee ni íyo Tachi I̱í Ndioxi xiꞌin na. Ñaa xa̱á ndu̱ndee ini na ndi̱nuni loꞌo xíka na ndíkani na tuꞌun Ndioxi.

Los Hechos 5:41

Tá ka̱na koo nda kuaꞌan nda ta kúsini ni nda kuaꞌan nda, chi ta̱xi Ndioxi ichí ndo̱ꞌo nda xaꞌa ya ndítuꞌun nda xiꞌin naꞌa xaꞌa kivi Jesús.

ROMANOS 1:1

Ndioxi ná koo xiꞌin ndo, na taꞌan yo, na ndóo ñuu Roma. Yeꞌe ku ra Pablo, ra xáa chiñu nuu Jesucristo, ra ka̱na Ndioxi ku i, ta ta̱xi ra chiñu ndaꞌa i ya kúu i apóstol, saa ti̱ꞌvi ra yeꞌe ya kaꞌan ndoso i tuꞌun vaꞌa xaꞌa Jesucristo xiꞌin naꞌa. Táa i tutu yóꞌó xaa ya ndaꞌa ndo.

2 Corintios 3:12

Ta xa kúndaa teꞌe ini nde xaꞌa ya saa íyo ya, yakan kua ndee ni vaꞌa ndítuꞌun teꞌe nde xiꞌin ndo.

Colosenses 2:1

Ta kúni i ná kundaa ini ndo ñani yo xiꞌin kuꞌva yo na ñuu Colosas, xiꞌin ndóꞌo̱ ñuu Laodicea, xiꞌin ndiꞌi ka ndóꞌo̱ täꞌan kuni xiꞌin nuu yeꞌe, kúni i ná kundaa ini ndo ya chíkaa ni i ndee xiꞌin ndo.

1 Tesalonicenses 1:5

Chi tá kivi ndi̱kaꞌan ndoso nde tuꞌun vaꞌa xaꞌa ra xiꞌin ndo, ta köo ndi̱kaꞌan nde tuꞌun mií nde xiꞌin ndo. Sundi xiꞌin ndee Tachi I̱í Ndioxi kua ndi̱kaꞌan nde xiꞌin ndo, saa ndinuꞌu ni ini nde kándixa nde ya ndaa kua ndi̱kaꞌan nde xiꞌin ndo. Ta xi̱ni mií ndo ndá kuꞌva ndi̱xiyo nde tá kivi xi̱ndoo nde xiꞌin ndo xaꞌa ya kúꞌvi ni ini nde xíni nde ndóꞌo̱.

2 Timoteo 1:12

Xaꞌa ya káꞌan ndoso i tuꞌun vaꞌa xaꞌa ra kua ndóꞌo ni i vitin. Sundi köo kúkaꞌán nuu i xaꞌa ya ndóꞌo i. Chi yeꞌe, ta xa kúndaa teꞌe ini i unku ra ndáa ni ini i xíni i, ta ndee ni ndee kúu mií ra ya chindee ra yeꞌe ya xaa súvi i ndiꞌi chiñu ya ta̱xi ra ndaꞌa i xaa súvi i.

Judas 1:3

Ñani mani, xa yachi vi kúni ni i taa i tutu yóꞌó xaa ya ndaꞌa ndo nuu káꞌan i xiꞌin ndo xaꞌa ya síkaku Iva yo Ndioxi yoo. Ta nda vitin vi táa i ya xaa ya nuu ndo ya ndúku ni i ya mani nuu ndo káꞌan i xiꞌin ndo, täxi ndo sindaꞌvi nda sínaꞌa ya vata ndóꞌo̱, ta xaꞌa ni ka ndo nde ya kandixa ni ndo tá kuꞌva ku̱ndaa ini na ñuu Ndioxi.