1 Tesalonicenses 1:3 - Xochapa Mixteco

³ Ta táxi ni nde tixaꞌvi ndaꞌa Iva yo Ndioxi xaꞌa kuꞌva ya kándixa ni ndo ra, saa kúꞌvi ni ini ndo xíni ndo ra, ta ya ñaa kua xáꞌa ni ndee xiꞌin ndo ya ndee ni vaꞌa xáa chiñu ndo nuu ra, chi kúndaa teꞌe ini ndo ya xaa súvi ra ya ndi̱kaꞌan ra xiꞌin ndo, ta ya ñaa kua chíndee ni ndóꞌo̱ ndee ni tuun ndíkun ndo Tata yo Jesucristo.

1 Tesalonicenses 1:3 ပူးပေါင်းရင်းမြစ်များ

San Juan 14:15

’Tá tu kúꞌvi ini ndo xíni ndo yeꞌe, ta xaa súvi ndo ya káꞌan i xiꞌin ndo.

San Juan 15:10

Tá tu xáa súvi ndo ya xáꞌnda chiñu i nuu ndo, ta saa kua koo tuun ndo xiꞌin i, chi kúꞌvi ni ini i xíni i ndóꞌo̱, ta kuꞌva saa kua xáa súvi yeꞌe ya xáꞌnda chiñu Iva i yakan íyo tuun i xiꞌin ra ta kúꞌvi ni ini ra xíni ra yeꞌe.

Los Hechos 10:31

Ndi̱kaꞌan ra xiꞌin i, káchi ra saa: “Tata Cornelio, xi̱ni soꞌo Ndioxi ya káꞌan un xiꞌin ra saa xi̱ni ra ya íkan un xiꞌin na ndaꞌvi.

Los Hechos 3:19

Saa ndi̱kaꞌan ka ra xiꞌin na káchi ra saa: ―Na taꞌan yo, ndiko koo ndo nuu Ndioxi, ta ndiko koo ini ndo xaꞌa kuachi ndo, ta saa xaa kaꞌnu ini ra xaꞌa kuachi ndo. Ikan ndo saa, ta chindee Ndioxi ndóꞌo̱ ndikiꞌin ndo ini ndo koo vaꞌa ini ndo.

ROMANOS 12:12

Ta kusini ni ndo chi ndátun ndo taxi Ndioxi ya vaꞌa ndaꞌa ndo, tá vaxi tindoꞌo nuu ndo tíxuꞌvi ndo, ta kuaꞌa ndee ni ini ndo xiꞌin ya, ta xïkuiin ndo, kaꞌan ni ndo xiꞌin Ndioxi.

ROMANOS 15:13

Ta vitin káꞌan i xiꞌin mií Ndioxi ra chíkaa ndee ini ndo ya kundatun ndo ya vaꞌa ikan ra xiꞌin ndo. Ná taxi ni ra ya kúsini ni ndo, saa ná koo vaꞌa ni ini ndo. Ta saa ná ndundee ni ka ya kándixa ndo ya ndátun ndo niꞌi ndo tixin ndee Tachi I̱í ra.

ROMANOS 15:4

Ndiꞌi tuꞌun Ndioxi ya ta̱a na xinaꞌa xaꞌa ya sinaꞌa ya yoo kua ta̱a na ya. Chi tuꞌun Ndioxi ta chíndee ya yóo, xáꞌa ya ndee xiꞌin yo tá ndóꞌni yo nuu tindoꞌo, saa chíndee ya yóo táxi ya ndee ndaꞌa yo ya kuekuee kundatun yo ya sixinu Ndioxi ya ndi̱kaꞌan ra taxi ra ndaꞌa yo.

ROMANOS 16:26

Vitin táxi Ndioxi ya kundaa ini naꞌa xiꞌin tuꞌun ya ta̱a nda profeta, nda ndi̱kaꞌan ndoso tuꞌun yuꞌu Ndioxi xinaꞌa. Saa chi Ndioxi, ra táku ndiꞌi saa kivi, ta kúni ra ná kundaa ini ndiꞌi ni kúu naꞌa, na köo kúu judío xaꞌa tuꞌun ra. Saa kuchiñu na kandixa ni na ra, ta xaa súvi na ya káꞌan ra.

ROMANOS 16:6

Kaꞌan ndioxi tu ndo xiꞌin yá María, chi yá ikán ta ndee ni ndee xáa chiñu yá xaꞌa ndo.

ROMANOS 2:7

Ndiꞌi naꞌa, na i̱kan ya vaꞌa, ta saa ikan Ndioxi xiꞌin na. Na ikán ku naꞌa, na köo ndi̱xikuiin ikan ya vaꞌa. Saa chi ku̱ni na xaa kaꞌnu na ra, saa taxi na ya toꞌo chee ni ndaꞌa ra. Ta na ikán ku na niꞌi ichí koo na xiꞌin ra ndiꞌi saa kivi.

1 Corintios 13:13

Tá kuꞌva káꞌan i saa íyo va ya, sundi uni nuu ya yóꞌó ku mií ya ndïꞌi xaꞌa: ya ndee ni ndáa ini yo xíni yo Ndioxi, xiꞌin ya kándixa yo ya sixinu Ndioxi ya ndi̱kaꞌan ra taxi ra ndaꞌa yo, saa tu ya kúꞌvi ni ini ta̱xi ra ndaꞌa yo. Sundi ya ndee ni ka ndee ndáa yaꞌvi nuu uni ya yóꞌó kúu ya, kúꞌvi ni ini ta̱xi Ndioxi ndaꞌa yo kuꞌvi ini yo kuni yo inka naꞌa.

1 Corintios 15:58

Ñani mani, xaꞌa ya ñaa kua xíniñuꞌu ndo ndee ni ndee kundikun ndo ichí Ndioxi, xaꞌa ni ndo ndee ta ndïko koo ini ndo ya íkan ndo saa, iin tuun saa chikaa ini ndo xaa chiñu ni ndo xaꞌa Tata yo, saa chi chiñu íkan ndo nuu ra, ta süvi ya uun ku ya.

2 Corintios 2:17

Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.

Gálatas 1:4

Chi Tata yo Jesucristo ta ndi̱taxi ra mií ra ndi̱xiꞌi ra xaꞌa kuachi yo, xaꞌa ya saa chi̱tuni mií Iva yo Ndioxi, ya kuchiñu yo kaku yo nuu ya väꞌa, ya xáꞌnda chiñu ñuu ivi yóꞌó, nuu ndóo yo tiempo vitin.

Gálatas 5:13

Ñani yo, Ndioxi ta ka̱na ra ndóꞌo̱ ya koo ndo tá íin naꞌa, na íyo ndika, sundi täxi ndo xaa súvi ikin kuñu ndo ndá ka ñaꞌa väꞌa, ya kúni mií ndo. Vaꞌa ka ndiꞌi saa ichí chindee taꞌan ni ndo xiꞌin taꞌan ndo, xaꞌa ya kúꞌvi ni ini ndo xíni taꞌan ndo.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

Gálatas 6:9

Ta ná künaa yo ya chíꞌi yo ya vaꞌa, ná xaꞌa ni yo ndee ikan yo saa ndiꞌi kivi, saa tá ti̱ndaa tiempo ta niꞌi ni yo ya vaꞌa xaꞌa ya íkan yo saa.

1 Tesalonicenses 3:6

Ta vitin xa ke̱e ra Timoteo ñani yo, ñuu ndo Tesalónica ikán, ndi̱ko koo ra xa̱a ra nuu nde ta vaꞌa ni va káꞌan ra xaꞌa ndo ya ndee ni kándixa ndo Tata yo Jesucristo ta saa kúꞌvi ni ini ndo xíni taꞌan ndo, ta ndíkaꞌán ni ini ndo xaꞌa nde, saa kúni ni ndo kuni ndo ndeꞌe, káchi ra. Ta saa tu ndeꞌe va, ndee ni kúni nde kuni nde ndóꞌo̱.

2 Tesalonicenses 1:11

Xaꞌa ya ñaa kua káꞌan ni nde xaꞌa ndo xiꞌin Ndioxi, ndiꞌi saa tiempo ya ná chindee ra ndóꞌo̱ ya kuu ndo naꞌa, na ndee ni ndáa yaꞌvi nuu ra, ya ndi̱kaxin ra ndóꞌo̱ kundikun ndo Tata yo Jesucristo koo ndo tá kuꞌva kúni mií ra. Ta saa ná ikan ra ya vaꞌa xiꞌin ndo sixinu ra ya ndíkani ini ndo ikan ndo, saa chi ndáa ni ini ndo ra xaꞌa chiñu íkan ndo.

2 Tesalonicenses 1:3

Ñani yo xiꞌin kuꞌva yo, ndiꞌi saa ichí xíniñuꞌu ni nde kaꞌan nde xaꞌa ndo xiꞌin Ndioxi. Chi ndóꞌo̱, ta kándixa ni ndo ra, ta vitin taan xáꞌnu ka ndo xiꞌin tuꞌun ra, saa kúꞌvi ni ini ndo xíni taꞌan ndo.

1 Timoteo 1:14

Ta yáꞌa ni vi ku̱ndaꞌvi ini ra xi̱ni ra yeꞌe, ñaa chi̱ndee ra yeꞌe ndáa ni ini i xíni i ra, saa ta̱xi ra ndee ndaꞌa i ya kuꞌvi ni ini i kuni i inka naꞌa xaꞌa mií ra.

1 Timoteo 2:3

Tá tu íkan yo saa ta vaꞌa ni íkan yo, ta saa Ndioxi, ra sikaku yoo, ta kusini ni ra xiꞌin yo.

HEBREOS 10:36

Ta xaꞌa ndee ni ini ndo tá ñúꞌu ndo nuu tindoꞌo, saa chi saa kua xáa súvi ndo ya kúni Ndioxi, ta saa niꞌi ndo ya ki̱ndoo ra taxi ra ndaꞌa ndo.

HEBREOS 11:17

Xaꞌa ya ndáa ni ini ra Abraham xíni ra Ndioxi kua ka̱ndixa ra tá ndi̱kaꞌan Ndioxi xiꞌin ra ya soko ra seꞌe ra, ra Isaac nuu ra, ta iin mituꞌun saa ndi̱xiyo seꞌe ra. Chi xa kúndaa ini ra ya xaa súvi Ndioxi ya ki̱ndoo ra xiꞌin ra,

HEBREOS 13:21

Xaꞌa ya ikán kua káꞌan ni i xiꞌin ra ya ná chindee taꞌan ni ra xiꞌin ndo ya kuchiñu ndo xaa súvi ndo ndiꞌi ya vaꞌa kúni mií ra. Ta saa xáku ndaꞌvi ni i nuu ra ya ná chindee ra ndeꞌe ikan nde ndisaa ya kúni mií ra tixin Tata yo Jesucristo. Saa ná kunuu sukun ni ya toꞌo Tata yo Jesucristo ndiꞌi saa ichí, ndiꞌi saa kivi. Saa ná koo ya.

HEBREOS 4:11

Yakan kua xíniñuꞌu yo chikaa ni yo ndee ya ná kiꞌvi yo nuu ndikundee yo xiꞌin ra. Süvi ka vi ya ndoꞌo yó tá ndo̱ꞌo na xii sikua yo köo ndi̱xiin na kandixa ñaꞌa na, xaꞌa ya ikán kua köo ndi̱kuchiñu na kiꞌvi na koo na nuu ndikundee na xiꞌin ra.

HEBREOS 6:15

Ta xaꞌa ya ndi̱xaꞌa ndee ni ini ra Abraham xi̱ndatun ra ya ki̱ndoo Ndioxi xiꞌin ra taxi ra ndaꞌa ra, xaꞌa ya ikán kua ndi̱niꞌi ra ya ndi̱kaꞌan Ndioxi taxi ra ndaꞌa ra.

1 Pedro 3:4

Ya ndee ni ndása vaꞌa ná nuu Ndioxi kua vaꞌa ni íyo nima ná, i̱í ni ini ná, kaꞌnu ni ini ná, köo kuachi ini ná, ya ikán kua ndáa yaꞌvi ni nuu Ndioxi, chi nda iin ichí ndïꞌi xaꞌa ya íkan ná saa.

1 Juan 3:18

Ndóꞌo̱ ñani yo xiꞌin kuꞌva yo, tá íin seꞌe i saa íin ndo, ta káꞌan i xiꞌin ndo: Käꞌan ndo ndisaa tuꞌun mií xiꞌin taꞌan ndo, sundi ikan ndo ya vaꞌa xiꞌin ya ndaa nuu sínaꞌa ya ndixa kúꞌvi ini ndo xíni taꞌan ndo.

1 Juan 3:21

Ñani yo xiꞌin kuꞌva yo, tá tu köo táxi nima yo kuachi xaꞌa yo nuu Ndioxi, ta vaꞌa ndinuu ni ini yo ná kuyati yo nuu ra.

1 Juan 3:3

Ta ndiꞌi na ndinuu ni ndátun ya ndiko koo ra ndisama ra na, ta ndíkundee ni na xinu koo na nduu na tá kuꞌva íyo mií ra, saa chi ra i̱í ku ra.

1 Juan 5:3

Tá tu xáa súvi yo ya xáꞌnda chiñu Ndioxi nuu yo ta sínaꞌa yo mií yo ya kúꞌvi ini yo xíni yo ra. Saa chi ya xáꞌnda chiñu ra nuu yo ta süvi tá káa iin ya vee ndíso yo káa ya.

El Apocalipsis 2:19

Xíni ndiꞌi va i ya vaꞌa íkan ndo, ta xíni i ya kúꞌvi ni ini ndo xíni ndo yeꞌe, saa xíni i ya kándixa ni ndo yeꞌe, ta vaꞌa ni xáa chiñu ndo nuu i, saa xíni i ya kúndee ni ini ndo xiꞌin ya tíxuꞌvi ndo, ta köo síndikoo ndo ichí i. Ta kuaꞌa ni ka ya vaꞌa íkan ndo vitin, nuu ya i̱kan ndo tá núnu̱ú.

El Apocalipsis 3:10

Xaꞌa ya ndee ni vaꞌa ndi̱xaꞌa ndee ini ndo xa̱a súvi ndo tuꞌun i, ta saa tu yeꞌe va, kundaa ni i ndóꞌo̱ tá kivi ná kixi tindoꞌo ya ndee ni ndee koto ndoso ya ndiꞌi na ndóo ñuu ivi yóꞌó.