1 Pedro 5:8 - Xochapa Mixteco

⁸ Ta káxin teꞌe koo ini ndo, küsun ndo, kundito ndo, saa chi kiti nǎꞌa, ri kánitaꞌan xiꞌin ndo ta ndá yokan ndíkun ri xíka ri sata ndo. Tá kuꞌva íkan kiti lion, ri ndee ni ndíkun xíka ndúku tiin kiti kaxi ri, kuꞌva saa íkan kiti nǎꞌa xiꞌin ndo.

1 Pedro 5:8 ပူးပေါင်းရင်းမြစ်များ

San Mateo 13:39

Taa ra sáa ini chi̱ꞌi iku väꞌa ku kiti nǎꞌa. Kivi ya kaꞌnda na trigo xiꞌin iku väꞌa ku kivi tá ná ndiꞌi xaꞌa ñuu ivi yóꞌó, ta na kaꞌnda ya ikán ku tatun Ndioxi.

San Mateo 24:42

’Saa ndóꞌo̱, koo tuꞌva ndo saa chi köo xíni ndo maa kua ndiko koo yeꞌe, ra kúu Tata ndo, ra chee nuu ndo.

San Mateo 25:41

Sindiꞌi saa kaꞌan i xiꞌin naꞌa, na väꞌa, na ndóo ñaꞌñu ítín i, kachi i saa: “¡Kuátaꞌa ndo nuu i, ndóꞌo̱ ndi̱tavi chiꞌña ku ndo! Kuáꞌan ndo ndaya, nuu xíxi ñu̱ꞌu̱ ndiꞌi saa kivi ta köo ndáꞌva ya. Chi ikán ku nuu ndi̱kuaꞌa kuꞌun kiti nǎꞌa xiꞌin ndiꞌi tachi nduvaꞌa ndikun ñaꞌa.

San Mateo 4:1

Saa ndi̱kiꞌin Tachi Ndioxi Jesús kuaꞌan ra xiꞌin ya iku yuyu, nuu xi̱to ndoso kiti nǎꞌa ra.

San Mateo 4:11

Saa si̱ndikoo ri Jesús ta ke̱ta ri kuaꞌan ri, ñaa ndi̱xaa na tatun Ndioxi chi̱ndee na ra, ta̱xi ndiꞌi na ñaꞌa ya xíniñuꞌu ra ndaꞌa ra.

San Marcos 4:15

Sava naꞌa tá íin ñuꞌú nuu ndi̱koyo ndikin trigo yuꞌu ichí saa íin na, saa chi xíni soꞌo ni na tuꞌun yóꞌó, tá vaxi kiti nǎꞌa táva ri tuꞌun nima na, ta ndíndoso ini na xaꞌa tuꞌun ya xi̱ni soꞌo na.

San Lucas 21:34

Yakan kuenta ni koo ndo xiꞌin mií ndo, ta kündiꞌi ini ndo xaꞌa viko nuu kuxi ndo tin koꞌo ndo, ni kündiꞌi ini ndo xaꞌa ñaꞌa ya ndíꞌi ni ini na köo xíni Ndioxi. Koo tuꞌva ndo saa chi iin kuu soꞌva ndikava kivi ikán sata ndo.

San Lucas 21:36

Xíniñuꞌu ndo koo nduvi ndo, ndinuni kaꞌan ndo xiꞌin Ndioxi ndiꞌi saa tiempo ya ná ndöꞌo ndo saa, ta kuchiñu ndo kaku ndo nuu ndiꞌi tindoꞌo ya vaxi ñuu ivi. Ta saa kuchiñu ndo kundita ndo ndikuiso ndo yeꞌe, Ra xa̱a ñuu ivi yóꞌó ―káchi Jesús xiꞌin na.

San Lucas 22:31

Saa ndi̱kaꞌan Jesús xiꞌin ra Pedro, káchi ra saa: ―Yóꞌo̱, Simón Pedro, kuni soꞌo vaꞌa un ya káꞌan i xiꞌin un, chi kiti nǎꞌa, kiti Satanás ta xa ndu̱ku ri ichí nuu Ndioxi ya koto ndoso ri ndiꞌi ndo. Tá íkan naꞌa xiꞌin trigo na kísi niꞌnu na ya, saa ikan ri xiꞌin ndo.

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

2 Corintios 2:11

Ta vaꞌa ná ndikiꞌin mani yo ra, ya ná täxi yo sindaꞌvi kiti nǎꞌa yo, saa chi xa ndiꞌi yo xíni ndá kuꞌva kua xáa chiñu ri.

Efesios 4:27

Ta vaꞌa ka kama ná ndi̱ko̱ ini ndo xiꞌin taꞌan ndo, ta täxi ndo ichí ndaꞌa kiti nǎꞌa ya kuchiñu ri sindiꞌi xaꞌa ri ndóꞌo̱.

Efesios 6:11

Ta kuenta ni koo ndo iin kundixi níí ndo ndee táxi Ndioxi ndaꞌa ndo ya vaꞌa kuchiñu ndo nuu ndee kiti nǎꞌa, kiti kúni sindaꞌvi ndóꞌo̱.

1 Timoteo 2:15

Xaꞌa ya ikán kua sikaku Ndioxi ná síꞌi tá íyo ná káku seꞌe ná, chi ndáa ni ini ná xíni ná ra, saa kúꞌvi ni ini ná xíni ná ra, ta ndúu i̱í ni ka va ná xaꞌa ya vaꞌa íkan ná nuu ra.

1 Timoteo 2:9

Saa káꞌan i xiꞌin un xaꞌa ná síꞌi, ya ná kundixi vií ná, ta ná kündixi kini ni ná, toꞌo ná kundixi ná. Ta saa toꞌo ná katun ná xi̱ní ná, ná küñuꞌu ni ná kàà ya oro án yu̱ú ya ndee ni saví náꞌa, ni ná kündixi ná toto yaꞌvi ni.

1 Timoteo 3:11

Tá kuꞌva íyo nda taa, saa xíniñuꞌu koo tu ná ñaꞌa va. Köo xíniñuꞌu ná kaꞌan vata ná xaꞌa naꞌa, ta xíniñuꞌu ná ndi̱xita ná mií ná nuu ya väꞌa, saa xíniñuꞌu ná vií xa súvi ná ndiꞌi ndá ka chiñu ya káꞌan ná, saa kua vaꞌa kandixa naꞌa ndiꞌi ya káꞌan ná xiꞌin na.

1 Timoteo 3:2

Chi ndiꞌi ñani yo, nda kúni ikán taꞌan chiñu yóꞌó ta xíniñuꞌu ndâku ni ná koo ini nda, ya ná köo naꞌa kaꞌan xaꞌa nda, ta iindaa ná koo yá síꞌi nda, ta ná kuñuꞌu káxin teꞌe ini nda, ndíchi ná koo xi̱ní nda, ta i̱í ná koo ini nda, ta ná koo ndúvi nda ndikuiso nda naꞌa, na xáa veꞌe nda, saa ná koo ndúvi nda ya vaꞌa ni sinaꞌa nda tuꞌun Ndioxi.

2 Timoteo 4:17

Ni saa va i̱kan nda xiꞌin i, sundi mií Iva yo Ndioxi ku ra ndi̱xiyo xiꞌin i, ta̱xi ra ndee ndaꞌa i vaꞌa ndi̱kaꞌan ndoso i tuꞌun vaꞌa xaꞌa ra xiꞌin ndiꞌi naꞌa, na köo kúu judío, ta xi̱ni soꞌo na ya ndi̱kaꞌan i xaꞌa ra xiꞌin na. Ta mií ra ku ra si̱kaku yeꞌe ya ndi̱kaku i nuu naꞌa, na íin tá íin kiti ndikaꞌa, kiti kueꞌe ni.

Tito 1:8

Ya ndee ni xíniñuꞌu nda ikan nda kua yóꞌó, ná koo ndúvi nda ndikuiso vií nda naꞌa veꞌe nda, na xíniñuꞌu chindee taꞌan nda xiꞌin, saa ná kutoo nda ikan nda ya vaꞌa, káxin ni ná koo ini nda, vaꞌa ná koo ini nda, i̱í ná koo nda, ná ndixita nda mií nda nuu ya väꞌa.

Tito 2:12

Xaꞌa ya kúꞌvi ni ini Ndioxi xíni ra yoo kua sínaꞌa ra nuu yo ya xíniñuꞌu yo sindoo yo ndiꞌi taꞌan ya väꞌa íyo ñuu ivi yóꞌó, ta ná ndïkani ini yo ikan yo ndá ka ya väꞌa, saa ná koo káxin ni ini yo, ta ndaa ni ná koo ini yo, i̱í ná koo yo nuu ra.

Tito 2:2

Saa sinaꞌa un nda ñani yo, nda xikuaꞌa, ya ná koo kaxin ni ini nda, ná koo ni ya toꞌo nda, ndá ya íkan nda ta xiꞌna ná ndikani vaꞌa ini nda saa ikan nda ya. Saa sinaꞌa un nda ndee ni ná kundaa ini nda kuni nda Tata yo Jesucristo ya taxi ra ndee ndaꞌa nda, saa ná kuꞌvi ni ini nda kuni taꞌan nda, ta káꞌnu ni ná koo ini nda xiꞌin taꞌan nda.

Tito 2:4

Saa ná sinaꞌa ná, ná xa váli kúni, ya ná kuꞌvi ini ná kuni ná i̱í ná xiꞌin seꞌe ná,

Tito 2:6

Ta saa kaꞌan tu un xiꞌin nda ñani yo, nda kuâán vali ya xiꞌna ná ndikani vaꞌa ini nda unkua vaꞌa xíniñuꞌu nda ikan nda.

Santiago 4:7

Yakan nditaxi ndiꞌi ndo mií ndo ndaꞌa Iva yo Ndioxi, ndaku koo ini ndo, täxi ndo sindaꞌvi kiti nǎꞌa ndóꞌo̱, ni xäa súvi ndo ndá ka ya káꞌan ri, ta saa kutaꞌa ri, saa kuxiyo ri kuꞌun ri.

1 Pedro 1:13

Xaꞌa ya ikán kua koo ndúvi ndo vívií ndikani ini ndo, táku koo ini ndo, ndee ni ndaku koo ini ndo ya ndikiꞌin ndo ñaꞌa vaꞌa ya niꞌi ndo nuu Tata yo Jesucristo tá ná ndiko koo ra kixi ra.

1 Pedro 4:7

Ta vaꞌa ná kundaa ini ndo chi xa yati ni va ndiꞌi xaꞌa ñuu ivi yóꞌó, yakan ndóꞌo̱ ta káxin teꞌe koo ini ndo, ta ndinuꞌu ni ini ndo kaꞌan ni ndo xiꞌin Ndioxi ndiꞌi saa kivi.

El Apocalipsis 12:10

Saa xi̱ni soꞌo i tachi na nuu ndivi, ndee ka vi ndi̱kaꞌan ya káchi ya saa: Vitin ti̱ndaa kivi ya sikaku Ndioxi naꞌa, na ndíkun sata ra. Saa ti̱ndaa tu kivi ya sinaꞌa ra, ya iin mituꞌun mií ra kúu mií ndee ya chee ni. Ta vitin xáa ra kaꞌnda chiñu ra nuu ndiꞌi ni kúu na ñuu ivi. Saa tu Jesucristo, ra ti̱ꞌvi Ndioxi sikaku naꞌa, ndi̱kiꞌin ra ichí, íyo ya ndaꞌa ra, ya kaꞌnda chiñu ra nuu ndiꞌi ni kúu na ñuu ivi. Saa chi kiti nǎꞌa, ta xa ta̱va na ri nuu ndivi. Chi ri ikán ku ri táxi ni kuachi xaꞌa nda ñani yo xiꞌin kuꞌva yo, na ndíkun Tata yo Jesucristo. Nduvi niuun táxi ri kuachi xaꞌa na nuu Ndioxi.

El Apocalipsis 12:12

Yakan ¡ná kusini ni ndivi xiꞌin ndóꞌo̱ ndóo nuu ya! ¡Ta ndaꞌvi ni ndóꞌo̱ ndóo ñuu ivi! ¡xiꞌin ndiꞌi kiti táku ini nduta ñûꞌu! Ndaꞌvi ni naꞌa, chi nu̱u kiti nǎꞌa nuu ñuꞌú ta ndixa ni sáa ini ri xíni ñaꞌa ri, chi xa xíni ri siloꞌo ni kivi kúu mií ri ichí ya kaꞌnda chiñu ri, sixinu ri chiñu ya väꞌa. Soꞌva káchi tachi na xi̱ni soꞌo i nuu ndivi.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.

El Apocalipsis 20:10

Saa tiin na tatun Ndioxi kiti nǎꞌa, kiti si̱ndaꞌvi ni naꞌa, ta kiꞌin na ri sikana táku na nuu xitun nuu ndee ni xíxi ñu̱ꞌu̱ xiꞌin ñu̱ꞌú káꞌndi ya náni azufre. Ta nuu xíxi ni ñu̱ꞌu̱ ikán xa si̱kana tu na kiti ìyo ni káa xiꞌin ra profeta vata ra xa̱a chiñu nuu ri. Ikán ku nuu tíxuꞌvi ni na nduvi niuun saa tixuꞌvi na ndiꞌi saa kivi ya vaxi.

El Apocalipsis 20:2

Saa ti̱in tatun ikán kiti ko̱ó nǎꞌa, ri kúu ko̱ó yata. Ri ikán ku kiti nǎꞌa ri ínuu nuu ndiꞌi tachi nduvaꞌa, ta Satanás ku kivi ri ikán. Saa ka̱tun tatun ri xiꞌin cadena níꞌi ya, ya kunuꞌni ri iin mil kuiya.