1 Pedro 5:5 - Xochapa Mixteco

⁵ Ta saa íyo tu ya káꞌan i xiꞌin ndóꞌo̱ kuâán va, ya ná kuni soꞌo ndo ya káꞌan na xikuaꞌa veꞌe ñuꞌu xiꞌin ndo, ta xaa ni̱nu̱ ndo mií ndo, saa xaa súvi ndo chiñu nuu taꞌan ndo. Chi saa káꞌan tuꞌun Ndioxi ya ta̱a na xinaꞌa, káchi ya saa: Kúndasi nuu va Ndioxi xíni ra naꞌa, na xáa kaꞌnu ni xiꞌin mií, ta chíndee ni va ra naꞌa, na ni̱nu̱ kúni.

1 Pedro 5:5 ပူးပေါင်းရင်းမြစ်များ

San Lucas 22:26

Ta ndóꞌo̱, ïkan ndo tá íkan na chiñu ñuu ivi yóꞌó. Xäa chee ni ndo mií ndo. Ndá ndóꞌo̱ kúu mií chiñu ndee ni nuu inka ndo ta ndasa ni̱nu̱ ndo mií ndo, xaa chiñu ndo nuu inka na ―káchi Jesús xiꞌin nda.

ROMANOS 12:10

Kuꞌvi ni ini ndo kuni taꞌan ndo, tá kuꞌva kúꞌvi ini ndo xíni ndo ñani ndo án kuꞌva ndo na ka̱ku xiꞌin ndo. Chinuu vaꞌa ndo tuꞌun na taꞌan ndo, saa xaa toꞌo taꞌan ndo.

ROMANOS 13:14

Vaꞌa ni ka kua ná ndikundixi ni yo ndee Tata yo Jesucristo. Ta ná ndïkani kíꞌvi ini yo tá kuꞌva ndíkani ini na ñuu ivi yóꞌó, chi na ikán ta ndisaa xaꞌa chiñu kíꞌvi ya kútoo ni mií ikin kuñu na kua íkan na.

Efesios 5:21

Xíniñuꞌu ndo xaa ni̱nu̱ ndo mií ndo ya chindee taꞌan ndo xiꞌin taꞌan ndo xaꞌa ya xáa toꞌo ndo Jesucristo.

Filipenses 2:3

Ndiꞌi ya íkan ndo, ta nda iin ya chïnuu vaꞌa ndo tuꞌun ndo xiꞌin, kütai ni ini ndo xaꞌa ya íkan ndo. Ni̱nu̱ xaa ndo mií ndo. Chinuu vaꞌa ni ndo tuꞌun na taꞌan ndo, tá íin naꞌa, na ndee ni ka ndáa yaꞌvi nuu ndo, saa ikan ndo xiꞌin na.

Colosenses 3:12

Chi mií Ndioxi ku ra ndi̱kaxin ndóꞌo̱ xaꞌa ya kúꞌvi ni ini ra xíni ra ndóꞌo̱ ya nduu ndo na ñuu ra, na i̱í. Xaꞌa ya ñaa kua xíniñuꞌu ndo koo vií ndo xiꞌin taꞌan ndo, kundaꞌvi ini ndo kuni ndo naꞌa, saa ikan ndo ya vaꞌa xiꞌin na, xaa toꞌo taꞌan ndo, xaꞌa ndee ini ndo xiꞌin taꞌan ndo.

1 Timoteo 5:1

Ñani yo Timoteo, tá ndá chiñu väꞌa íkan na ñani yo na xikuaꞌa, ta käꞌan kueꞌe un xiꞌin na, vívií ndikani un nuu na, tá kuꞌva káꞌan un xiꞌin tata un, saa kaꞌan un xiꞌin na. Ta saa tu nda kuâán va, tá kuꞌva íkan un xiꞌin ñani un, saa ikan un xiꞌin nda.

HEBREOS 13:17

Xaa súvi ndo chiñu káꞌan na xáꞌnda chiñu nuu ndo veꞌe ñuꞌu xiꞌin ndo, saa chi na ikán, ta ndíꞌi ni ini na xaꞌa ndo, köo ndíkundee na, chi xíni na vaxi kivi ta taxi na kuenta ndaꞌa Ndioxi xaꞌa ndo. Yakan kuni soꞌo ni ndo ya káꞌan na xiꞌin ndo, ta saa kusini ni na xaa súvi na chiñu ya íkan na, chi tá ná xaa soꞌo ndo nuu na, ta ni köo ñaꞌa niꞌi vi ndo.

Santiago 4:6

Ta ndee ni ka ndee ya vaꞌa táxi mií Iva yo Ndioxi íyo xiꞌin yo, yakan kua káꞌan tuꞌun ra, káchi ya saa: “Kúndasi nuu va Ndioxi xíni ra naꞌa, na ndee ni kútai ini nuu ra, ta táxi ni va ra ya vaꞌa kúu mií ra ndaꞌa naꞌa, na ni̱nu̱ kúni, na ndáꞌvi kúni nuu ra”, káchi ya.

1 Pedro 3:8

Vitin káꞌan i xiꞌin ndo, vívií koo ndo xiꞌin taꞌan ndo, iin yuꞌu koo ndo. Vívií kutaꞌan ndo. Kuꞌvi ini ndo kuni taꞌan ndo, kundaꞌvi ini ndo kuni taꞌan ndo, xaa ni̱nu̱ ndo mií ndo.

1 Pedro 4:1

Ta ndo̱ꞌo ni Cristo xaꞌa yo, ndi̱taxi ra ikin kuñu ra ndi̱xuꞌvi ni ra. Yakan saa xíniñuꞌu ndóꞌo̱ xaꞌa ni ndo ndee ya ndoꞌo ndo tá kuꞌva ndo̱ꞌo mií ra. Chi ndiꞌi naꞌa, na ndee ni tíxuꞌvi, ta na ikán sínaꞌa na mií na ya ndixa kua si̱ndoo ndiꞌi na ichí väꞌa i̱kan na,

1 Pedro 4:5

Ta kündiꞌi ini ndo xaꞌa na, chi vaxi kivi ta ndikuaꞌa ndiꞌi na kuenta nuu Iva yo Ndioxi xaꞌa ya väꞌa íkan na, chi mií ra ku ra íyo ichí ndaꞌa, ta xa íyo ndúvi ra ya xaa nani ra kuachi xiꞌin ndiꞌi naꞌa, nuu taxi ra kuachi xaꞌa na táku tin na xa ndi̱xiꞌi.