1 Pedro 5:11 - Xochapa Mixteco

¹¹ ¡Ná xaa kaꞌnu yo Ndioxi ndiꞌi saa kivi, ta ndiꞌi saa kivi ná kaꞌnda chiñu ra nuu ndiꞌi ñaꞌa íyo ñuu ivi! Saa ná koo.

1 Pedro 5:11 ပူးပေါင်းရင်းမြစ်များ

ROMANOS 11:36

Mií Ndioxi ku ra si̱kuaꞌa ndiꞌi ni kúu ñaꞌa ya íyo, xaꞌa mií ra si̱kuaꞌa ra ndiꞌi ya, ta ndiꞌi ya ndi̱kuaꞌa íyo ya xaa súvi ya kúni mií ra. ¡Yakan kua ná kunuu vaꞌa ni ya toꞌo ra ndiꞌi saa tiempo! Saa ná koo.

1 Pedro 4:11

Ta ndóꞌo̱ ndi̱niꞌi ya vaꞌa xínituni ke̱e nuu Ndioxi ya kaꞌan ndoso ndo, ta vaꞌa kaꞌan ndoso ndo tá kuꞌva kúni mií Iva yo Ndioxi. Ta saa ndóꞌo̱ ndi̱niꞌi ya vaꞌa chindee taꞌan ndo xiꞌin inka naꞌa, ta vaꞌa chindee taꞌan ndo xiꞌin na xiꞌin ndiꞌi ndee ya ta̱xi Iva yo Ndioxi ndaꞌa ndo. Ta ndiꞌi ya íkan ndo, ta vaꞌa ikan ndo ya, ya xaa kaꞌnu ndo Ndioxi tixin Tata yo Jesucristo, ra ndee ni ndee ku mií xiꞌin ya luvi ni kúu mií ra, ta saa koo ra ndiꞌi saa kúu tiempo. Saa ná koo.

El Apocalipsis 1:6

Ta ta̱xi Tata yo Jesucristo ichí ndaꞌa yo ndu̱u yo tá íyo nda rey nda xáꞌnda chiñu, saa chi kaꞌnda chiñu yo xiꞌin ra. Ta saa ta̱xi ra ichí ndaꞌa yo koo yo tá íyo nda sutu i̱í, saa chi tá íin nda ikán saa koo yo xaa chiñu yo nuu Iva yo Ndioxi. ¡Ta ná xaa kaꞌnu ni yo Ndioxi ndiꞌi saa kivi! ¡Ta ndiꞌi saa kivi ná kaꞌnda chiñu ra ñuu ivi yóꞌó! Saa ná koo ya.

El Apocalipsis 5:13

Ta saa xi̱ni soꞌo i ndiꞌi ya si̱kuaꞌa Ndioxi, ya íyo nuu ndivi tin ya íyo ñuu ivi yóꞌó xiꞌin ya íyo tixin ñuꞌú tin ya íyo ini nduta ñûꞌu, xa̱á ndiꞌi ya xáa kaꞌnu ya ra chee ra índuꞌu nuu tai toꞌo xiꞌin kiti Levo loꞌo ikán, káchi ya saa: Ná kunuu vaꞌa ni ya toꞌo ra, ta ná kaꞌan vaꞌa ni yo xaꞌa ra, chi ndee ni ndee kúu mií ra ta nda iin ichí ndïꞌi xaꞌa chiñu kúu mií ra índuꞌu nuu tai toꞌo, ta saa tu kiti levo loꞌo va, káchi ya si̱kuaꞌa Ndioxi.