1 Pedro 4:18 - Xochapa Mixteco

¹⁸ Chi saa káꞌan tuꞌun Ndioxi ya ta̱a na xinaꞌa, káchi ya saa: Tá tu uꞌvi ni kua kaku naꞌa, na vaꞌa, na ndíkun ichí Ndioxi. Ta yáꞌa ni ka uꞌvi kundoꞌo naꞌa, na väꞌa, na köo xíin kandixa Ndioxi, káchi tuꞌun ra.

1 Pedro 4:18 ပူးပေါင်းရင်းမြစ်များ

San Lucas 15:1

Saa ku̱u iin kivi ku̱yati ndiꞌi nda ndíkaya xuꞌun kuaꞌan ndaꞌa gobierno xiꞌin inka naꞌa na íkan ya väꞌa, ndi̱xaa na kuni soꞌo na ya káꞌan Jesús.

San Lucas 23:31

Saa chi tá tu soꞌva íkan na xiꞌin itun kuií ta ndee ni ka va ikan na xiꞌin itun íchi ―káchi ra xiꞌin ná ñuu Jerusalén.

Los Hechos 14:22

Tá ndi̱xaa nda iin iin ñuu ikán saa ta̱xi ka nda ndee ndaꞌa na ndíkun Jesús ya ná kundaa ni ka ini na kuni na ra. Ta saa ndi̱kaꞌan ka ra Pablo xiꞌin na, káchi ra saa: ―Xíniñuꞌu yo ndoꞌo ni yo saa kuchiñu yo kiꞌvi yo koo yo xiꞌin Ndioxi nuu xáꞌnda chiñu ra ―káchi ra xiꞌin na.

Los Hechos 27:24

káchi ya saa: “Pablo, ku ïꞌvi un chi xíniñuꞌu un kuꞌun un nuu ra rey kaꞌnu ra César ya xaa nani ra kuachi un. Xaꞌa iin yóꞌo̱ ta kee vaꞌa ndiꞌi nda kuaꞌan xiꞌin un, sikaku Ndioxi nda, küvi nda”, káchi tatun Ndioxi xiꞌin i.

Los Hechos 27:31

Ta saa xi̱ni ra Pablo unkua íkan nda ta ndi̱kaꞌan ra xiꞌin ra ndíso chiñu xiꞌin nda lapa tin mií nda lapa, káchi ra saa: ―Tá tu ná kündoꞌni ndiꞌi nda kaá ini barco yóꞌó ta küchiñu ndo kaku ndo ―káchi ra xiꞌin nda.

ROMANOS 1:18

Ndioxi ta sínaꞌa ra yóo ya ndixa kua sáa ni ini ra xíni ra ndiꞌi ñaꞌa ya väꞌa íkan yo, xiꞌin ya väꞌa íkan naꞌa xaꞌa ya köo xíin na kandixa na ra, tin ya väꞌa íkan na xiꞌin taꞌan na. Vani xa xíni na ya ndaa ta köo xíin na ikan na ya, xaꞌa ya íkan na saa, ta köo táxi na kundaa ini nda iin naꞌa ya ndaa.

ROMANOS 5:6

Kivi tá xi̱ndoꞌni yo ndaꞌa kuachi ta köo ndíkuchiñu yo saña yo mií yo ndaꞌa ya. Ni köo ndi̱kuchiñu yo sikaku yo mií yo, nda kivi tá chi̱tuni mií Ndioxi, saa kua ki̱xi Jesucristo ndi̱xiꞌi ra xaꞌa kuachi yo.

ROMANOS 5:8

Ta süvi saa ndi̱kan Ndioxi, chi si̱naꞌa ra mií ra ya kúꞌvi ni ini ra xíni ra yoo, vani ndee ni káa kuachi yo, ta xaꞌa ya kúꞌvi ni ini ra xíni ra yoo, yakan ti̱ꞌvi ra Jesucristo ki̱xi ra ndi̱xiꞌi ra xaꞌa yo, ni yo ivi kuachi ndi̱xiyo yo.

1 Corintios 10:12

Xaꞌa ya ñaa kua, vií ná kundikun ndo ichí Tata yo Jesucristo, ndóꞌo̱ ndíkani ini ya tuun ni ndíkun ndo ra, ta kuenta ni koo ndo ya ná köyo ndo nuu kuachi.

1 Timoteo 1:9

Saa chi yoo ta xíni yo ya vaꞌa ni ku ya, ta köo ndi̱taxi ra ya ndaꞌa ra Moisés xaꞌa naꞌa, na vaꞌa, na kándixa ñaꞌa, xaꞌa naꞌa, na íkan ya väꞌa kua ta̱xi Ndioxi ya, xaꞌa na kini, na iku ini, na köo káñuꞌu Ndioxi ta ni köo xáa súvi na ya káꞌan ra xiꞌin na, na xáꞌni iva siꞌí, xiꞌin na xáꞌni taꞌan,

HEBREOS 4:1

Yakan yoo, ta ná kundiꞌi ni ini yo, kiꞌvi yo koo yo nuu ndikundee yo xiꞌin Ndioxi. Ta kuenta ni ná koo yo süvi ka vi ya ndoo sava yo chí sata, ta küchiñu yo kiꞌvi yo koo yo nuu ndikundee yo xiꞌin ra.

Santiago 5:6

Saa ta̱xi ndo kuachi xaꞌa naꞌa, na köo kuachi ta xa̱ꞌni ndo na, ta na i̱kan ndo saa xiꞌin ta ni köo ndi̱kaꞌan kuachi na xaꞌa na nuu ndo.

1 Pedro 5:8

Ta káxin teꞌe koo ini ndo, küsun ndo, kundito ndo, saa chi kiti nǎꞌa, ri kánitaꞌan xiꞌin ndo ta ndá yokan ndíkun ri xíka ri sata ndo. Tá kuꞌva íkan kiti lion, ri ndee ni ndíkun xíka ndúku tiin kiti kaxi ri, kuꞌva saa íkan kiti nǎꞌa xiꞌin ndo.

2 Pedro 3:7

Ta suvi xiꞌin mií tuꞌun Ndioxi kua ndíso níi xiꞌin ndiꞌi mií ndivi tin ñuu ivi nuu ndóo yo vitin, ta vaxi kivi ndiꞌi xaꞌa yaa ya xiꞌin ñu̱ꞌu̱. Tá ná tindaa kivi ya xaa nani Ndioxi kuachi na ñuu ivi yóꞌó, ta saa kua sindiꞌi xaꞌa yaa ra naꞌa, na köo xíin kandixa Ndioxi, na íkan ya väꞌa.

Judas 1:15

ta vaxi ra ya xaa nani ra kuachi xiꞌin ndiꞌi ni kúu na, saa sitixuꞌvi ni ra na xaꞌa ndiꞌi ni kúu ya väꞌa íkan na xiꞌin ndiꞌi ni kúu tuꞌun väꞌa ya ndi̱kaꞌan na xaꞌa Ndioxi”.