1 Pedro 4:14 - Xochapa Mixteco

¹⁴ Tá ndá naꞌa kánaꞌa xaꞌa ndo ya ndíkun ndo Tata yo Jesucristo, ta vaꞌa ni kée ndo chi íyo Tachi I̱í Ndioxi ya ndee ni xiꞌin ndo, chi naꞌa, na köo xíni Ndioxi ta na kánaꞌa va ku na xaꞌa ra, ta ndóꞌo̱ ta xáa kaꞌnu ni va ndo ra.

1 Pedro 4:14 ပူးပေါင်းရင်းမြစ်များ

San Mateo 5:11

’Vaꞌa ni kée ndo, tá íyo naꞌa kánaꞌa xiꞌin ndo, sítixuꞌvi na ndóꞌo̱, ta káꞌan kini na xiꞌin ndo, xaꞌa ya ndíkun ndo yeꞌe.

San Mateo 5:16

Saa ndóꞌo̱, koo ndo tá kuꞌva kúni Ndioxi, ta saa kuchiñu ndiyeꞌe ndo tá kuꞌva ndíyeꞌe ñu̱ꞌu̱ xaꞌa ñaꞌa ya vaꞌa íkan ndo, ta saa kuni naꞌa ya íkan ndo ta kaꞌan vaꞌa na xaꞌa Iva yo Ndioxi ta xaa kaꞌnu na ra ―káchi Jesús xiꞌin na.

San Lucas 6:22

’Vaꞌa ni kée ndo tá tu kúndasi nuu naꞌa xíni na ndóꞌo̱, köo xíin ka na kaꞌan na xiꞌin ndo, káꞌan uꞌvi na xaꞌa ndo, chínuu kuéꞌe na tuꞌun ndo xaꞌa ya kándixa ndo yeꞌe, ra kú Taa ra xa̱a ñuu ivi yóꞌó.

San Juan 15:21

Ndiꞌi ya yóꞌó kundoꞌo ndo xaꞌa ya ndíkun ndo yeꞌe. Chi na ñuu ivi yóꞌó ta köo xíni na Iva i ra ti̱ꞌvi yeꞌe vaxi i.

San Juan 8:48

Saa ndi̱kaꞌan nda naꞌnu nuu na judío xiꞌin ra káchi nda saa: ―Xíni vaꞌa nde ndi̱kaꞌan nde xiꞌin un ya ke̱e un ñuu Samaria, ta kúu mií un tachi nduvaꞌa ―káchi nda xiꞌin ra.

San Juan 9:28

Saa ndi̱kanaꞌa nda xiꞌin ra, káchi nda saa: ―Mií un ku un ndíkun ñaꞌa, sundi ndeꞌe ta ra Moisés va ku ra ndíkun nde.

San Juan 9:34

Saa ndi̱kuiin nda ndi̱kaꞌan nda xiꞌin ra, káchi nda saa: ―Tixin kuachi ka̱ku un, ta ni köo ichí kúu mií un ya sinaꞌa un ndeꞌe ―káchi nda xiꞌin ra. Saa ta̱va ndaꞌa nda ra veꞌe ñuꞌu sinagoga ke̱ta ra kuaꞌan ra.

Los Hechos 13:45

Saa xi̱ni nda naꞌnu nuu na judío ya kuaꞌa ni naꞌa ndi̱kaya xíni soꞌo tuꞌun ya káꞌan ra Pablo xiꞌin ra Bernabé, ta xa̱á nda kûni ini nda xíni ñaꞌa nda. Xa̱á nda kánaꞌa nda xaꞌa nda, ta káꞌan nda süvi ya ndaa kua káꞌan nda, káchi nda ikán.

Los Hechos 18:6

Ta köo xíin na ikán ndikiꞌin na tuꞌun káꞌan ra Pablo xiꞌin na. Ñaa xa̱á na kánaꞌa na xiꞌin ra. Saa ki̱si ra tikoto ra, ta ndi̱kaꞌan ra xiꞌin na, káchi ra saa: ―Käꞌan ka i xiꞌin ndo. Vitin ndíso mií ndo kuachi xaꞌa ndo, köo ndíso ka i kuachi ndo. Vitin ta kuꞌun i kaꞌan ndoso i tuꞌun Ndioxi xiꞌin na köo kúu judío ―káchi ra Pablo xiꞌin na.

Los Hechos 28:22

Ta ndeꞌe kúni nde kundaa ka ini nde ndá kuꞌva íyo ichí ya káꞌan un xaꞌa ñaa. Chi ndiꞌi ni kúu ñaꞌñu xíni soꞌo nde kánaꞌa na xaꞌa ichí ñaa ya kua ichí siki ―káchi nda naꞌnu nuu na judío xiꞌin ra Pablo.

Los Hechos 5:41

Tá ka̱na koo nda kuaꞌan nda ta kúsini ni nda kuaꞌan nda, chi ta̱xi Ndioxi ichí ndo̱ꞌo nda xaꞌa ya ndítuꞌun nda xiꞌin naꞌa xaꞌa kivi Jesús.

2 Corintios 12:10

Yakan vitin ta kúsini ni va i tá kúvita ini i, saa tu tá káꞌan kini naꞌa xiꞌin i xaꞌa Cristo, saa tu tá kúmani ndá ka ñaꞌa nuu i ya xíniñuꞌu i, án tá xáa nduvaꞌa na xiꞌin i. Saa chi tá kúvita ni ini i ta saa kua ndúndaku vaꞌa ka ini i, ndúu ndee ka i.

2 Corintios 4:10

Nda mií nuu kuaꞌan nde, ta tindoꞌo ya ndóꞌo ikin kuñu nde kua káꞌan xaꞌa nde ya ndóꞌo ni nde, chi saa ndo̱ꞌo ni mií Tata yo Jesucristo ndi̱xiꞌi ra. Ta xiꞌin ya ndóꞌo nde saa kua vaꞌa xíto naꞌa ya táku ra ini nde.

2 Corintios 4:16

Xaꞌa ya ñaa kua ni köo ndíkava ini nde ya xáa chiñu nde. Ya ndaa kua ikin kuñu nde ta iin iin kivi kuaꞌan ndíꞌi xaꞌa ya chi kúyata ya. Sundi ya vaꞌa nde, ta ndúu xa̱á ya iin iin kivi, ta saa ndúu ndee ka ini nde.

Gálatas 1:24

Ta saa xa̱a kaꞌnu ni na Ndioxi xaꞌa ya i̱kan ra xiꞌin i.

HEBREOS 11:26

Ta chi̱kaa ni ini ra vaꞌa ka tixuꞌvi ra ndoꞌo ra tá kuꞌva ndoꞌo ni mií Cristo, ta köo ndi̱kuni ra ya kuika kúu mií na ñuu Egipto. Saa chi ndee ni tuun ndáa ini ra xíto ra nuu ya vaꞌa niꞌi ra nuu Ndioxi.

Santiago 1:12

Vaꞌa ni kée naꞌa, na kúndee ini xiꞌin tindoꞌo vaxi nuu na, saa chi Ndioxi ta taxi ra kutaku na xiꞌin ra ndiꞌi saa kúu kivi. Tá íyo ya ndi̱kaꞌan ra xiꞌin naꞌa, na kúꞌvi ni ini ra xíni ra, saa koo ya ikan ra xiꞌin na, niꞌi na ichí kutaku na xiꞌin ra.

Santiago 5:11

Ta nuu ndeꞌe ta ndee ni va vaꞌa kée nda ikán chi ndi̱xaꞌa ndee ni ini nda ya ndo̱ꞌo ni nda. Xa xi̱ni soꞌo mií ndo ndá kuꞌva ndo̱ꞌo ra Job, ndi̱xaꞌa ndee ni ini ra xiꞌin ya ndo̱ꞌo ni ra, yakan vaꞌa ni ndi̱niꞌi ra nuu Ndioxi tá sindiꞌi. Ndiꞌi ya yóꞌó sínaꞌa ya mií yo ya íyo tuꞌva Iva yo ya xaa kaꞌnu ini ra xaꞌa yo, chi kúndaꞌvi ni ini ra xíni ra yoo.

1 Pedro 2:12

Vívií koo ndo tañu naꞌa, na köo xíni Ndioxi, chi án sana kaꞌan na xaꞌa ndo ya köo vaꞌa íkan ndo, kachi na. Ta saa tá ná kuni na ya vaꞌa ní íyo ndo ta saa xaa kaꞌnu na Ndioxi tá kivi ná kixi ra xaa nani ra kuachi xiꞌin na ñuu ivi.

1 Pedro 3:14

Tá tu ndóꞌo ni ndo xaꞌa ya íkan ndo ya vaꞌa, ta kusini ni ndo, chi ndóꞌo̱ ta ndo vaꞌa ni kée va ndo ku ndo. Ta kündiꞌi ini ndo, ni ku ïꞌvi ndo nuu na xáa nduvaꞌa xiꞌin ndo.

1 Pedro 3:16

Tá ndíkuiin ndo yuꞌu na, ta vií ndikuiin ndo yuꞌu na xiꞌin ya toꞌo, ni̱nu̱ koo ini ndo xiꞌin na, ni ya xínituni ndo ta täxi ya kuachi xaꞌa ndo. Tá ndá naꞌa kánaꞌa xaꞌa ndo xaꞌa ya vaꞌa íkan ndo, ya ndíkun ndo Tata yo Jesucristo, ta kukaꞌan nuu mií va na xaꞌa ya íkan na saa xiꞌin ndo.

1 Pedro 4:16

Sundi tá xaꞌa ya ndíkun ndo Cristo kua ndóꞌo̱ ni ndo ta kükaꞌán nuu ndo, taxi ni ndo tixaꞌvi ndaꞌa Ndioxi xaꞌa ya ndóꞌo ndo saa xaꞌa ra.

2 Pedro 2:2

Ta kuaꞌa ni naꞌa ikan taꞌan ñaꞌa väꞌa ya íkan nda ikán, ta xaꞌa ya ikán kua ndikunuu väꞌa ni tuꞌun xaꞌa ichí Ndioxi ya ndaa ni.