1 Pedro 2:20 - Xochapa Mixteco

²⁰ Tá ndá ndóꞌo̱ tíxuꞌvi xaꞌa ya väꞌa íkan ndo, ta köo xíniñuꞌu naꞌa kaꞌan vaꞌa na xaꞌa ndo ya tíxuꞌvi ni ndo. Sundi tá tu vaꞌa ni kéꞌe ndo, ta vaꞌa xaꞌa ndee ni ini ndo xaꞌa ya tíxuꞌvi ni ndo íkan na, chi tá xáꞌa ndee ini ndo ta vaꞌa ni kúni Ndioxi xiꞌin ndo.

1 Pedro 2:20 ပူးပေါင်းရင်းမြစ်များ

San Mateo 26:67

Saa ko̱ꞌni ndaa nda sii nuu ra, ta ka̱ni ni ñaꞌa nda xiꞌin ikin ndaꞌa nda, ta saa káni ni nda xaꞌnda nuu ra.

San Mateo 5:47

Tá tu káꞌan toꞌo ndo xiꞌin ndisaa na taꞌan ndo, ta saa ni köo ndáa yaꞌvi ya nuu Ndioxi. Chi nda na köo kándixa Ndioxi ta saa íkan tu na ikán va xiꞌin taꞌan na.

San Marcos 14:65

Saa xa̱á nda kóꞌni ndaa nda sii nuu ra, ta sava nda ndíkasi nuu ra, saa káni ni nda ikin nuu ra, saa káꞌan nda xiꞌin ra: ―Tá tu ndixa ra xíni ndiꞌi ñaꞌa ku un, ta kaꞌan unku nde ka̱ni yóꞌo̱ ―káchi nda xiꞌin ra. Saa ndi̱kiꞌin nda policía ra ta ndinuni loꞌo xákin nda xaꞌnda nuu ra.

San Lucas 6:32

’Tá tu kúꞌvi ini ndo xíni ndo ndisaa na kúꞌvi ini xíni ndóꞌo̱, ta köo ndáa yaꞌvi ya nuu Ndioxi, saa chi saa íkan tu naꞌa, na köo xíni Ndioxi va.

1 Corintios 4:11

Ta nda kivi vitin ta ndee ni káꞌun ini nde kúni kuxi nde ta íchi tu nde tikuii va, ni köo tu toto kundixi va nde, saa xáa nduvaꞌa naꞌa xiꞌin nde, ta ni köo tu veꞌe va nde.

Gálatas 4:18

Ya vaꞌa ni va kua ndíꞌi ni ini na xaꞌa ndo, tá tu ya vaꞌa ni kua ndíkani ini na xíni na ndóꞌo̱, ndikuu. Ta ndiꞌi saa ichí ná kundiꞌi ini na xaꞌa ndo, ta ná ïkan na saa xiꞌin ndo ndisaa tá íyo i xiꞌin ndo.

Efesios 5:10

Ta ndiꞌi saa kivi kiꞌin xiní ndo ya ikan ndo ndisaa ya vaꞌa kúni mií Ndioxi.

Filipenses 4:18

Ndixaꞌvi ni ndo xaꞌa ya ti̱ꞌvi ndo ndaꞌa i chi̱ndee ni ndo yeꞌe chi vitin ta xa íyo ndiꞌi ya xíniñuꞌu i, köo ka ya kúmani nuu i, nda ndóo ndoso ka ya nuu i, saa chi xa ndi̱kiꞌin i ya ti̱ꞌvi ndo vaxi xiꞌin ra Epafrodito, ñani yo. Ta tá káa ya luvi xáꞌan sóko ndo nuu Ndioxi saa káa ya, ta Ndioxi kúsini ni ra xiꞌin ndo.

1 Pedro 2:19

Saa chi naꞌa, na ndee ni ndóꞌo ta niꞌi ni na ya vaꞌa nuu Ndioxi tá ndóꞌo na saa, tá chíkaa naꞌa kuachi síki sata na xaꞌa ya kúni na xaa súvi na ya kúni mií Ndioxi.

1 Pedro 3:14

Tá tu ndóꞌo ni ndo xaꞌa ya íkan ndo ya vaꞌa, ta kusini ni ndo, chi ndóꞌo̱ ta ndo vaꞌa ni kée va ndo ku ndo. Ta kündiꞌi ini ndo, ni ku ïꞌvi ndo nuu na xáa nduvaꞌa xiꞌin ndo.

1 Pedro 3:17

Tá tu saa kúni mií Ndioxi kundoꞌo ndo xaꞌa ya íkan ndo ya vaꞌa, ta vaꞌa ni kée ndo, süvi ka vi tá tu tíxuꞌvi ndo xaꞌa ya íkan ndo ya väꞌa.