1 Corintios 9:18 - Xochapa Mixteco

¹⁸ Ta yaꞌvi i ya ndíkiꞌin i kua yóꞌó, chi yeꞌe ta kúsini ni i ya káꞌan ndoso i tuꞌun vaꞌa xaꞌa ra xiꞌin ndo, ta köo kíꞌin i xuꞌun ndaꞌa ndo ya íkan i saa. Vani íyo ichí i ya chaꞌvi ndo yeꞌe xaꞌa ya káꞌan ndoso i tuꞌun vaꞌa xaꞌa Tata yo Jesucristo xiꞌin ndo ya kaku ndo, ta köo káꞌan i xiꞌin ndo chaꞌvi ndo yeꞌe xaꞌa chiñu íkan i.

1 Corintios 9:18 ပူးပေါင်းရင်းမြစ်များ

San Juan 4:36

Ta Ndioxi ku ra cháꞌvi na ndíkaya ivi, saa chi ndiꞌi na yóꞌó ta kutaku na xiꞌin ra ndiꞌi saa kúu kivi, tá kúu ra chíꞌi xiꞌin ra síkee ta iin káchi kúsini nda xiꞌin taꞌan nda.

Los Hechos 18:3

Ñaa ndi̱ndoo ra ndi̱xiyo ra xiꞌin na chi iin kachi xáa chiñu na xiꞌin taꞌan na chi taꞌan chiñu íkan ra kua íkan tu mií va na, síkuaꞌa na veꞌe mantiado.

ROMANOS 14:15

Saa chi tá xaꞌa ñaꞌa ya xíxi ndo kua síndiko koo ndo ini na xaꞌa ya kándixa na Jesús, ta kúni kachi ya köo kúꞌvi ini ndo xíni ndo na. Täxi ndo ndiꞌi xaꞌa naꞌa xaꞌa ñaꞌa xíxi ndo, saa chi Cristo ku ra ndi̱xiꞌi xaꞌa na.

1 Corintios 10:33

Vaꞌa ka ikan ndo tá kuꞌva íkan yeꞌe: ndiꞌi saa kivi xáꞌa i ndee xiꞌin na, síndiko i ini na. Nina xaꞌa inka na ndíkani ini i, ni köo ndíkani ka ini i ndisaa xaꞌa mií i, ya ná kuchiñu chindee taꞌan i xiꞌin na ya kuchiñu na kaku na.

1 Corintios 3:8

Ta iin káchi íyo chiñu ya íkan uvi saa nde, yeꞌe chíꞌi xiꞌin ra kóso. Sundi mií Ndioxi ku ra chaꞌvi uvi saa nde, tá kuꞌva íyo mií chiñu i̱kan iin iin nde, saa koo ya chaꞌvi ra ndeꞌe.

1 Corintios 7:31

Ta ndóꞌo̱ kée vaꞌa xiꞌin ñaꞌa ya íyo ñuu ivi yóꞌó, tá íyo naꞌa, na köo vaꞌa ñaꞌa saa koo ndo. Saa chi ñuu ivi yóꞌó xiꞌin ndiꞌi ñaꞌa kúu mií ya, ta kama ni va ndiꞌi xaꞌa ya.

1 Corintios 8:9

Ta ndóꞌo̱ ta xa íyo va ichí ndo kuxi ndo ndiꞌi kúu ñaꞌa, sundi kuenta ni koo ndo, chi íyo na ñani yo, na vita ni ini, ta ìyo ni koyo na nuu kuachi xaꞌa ñaꞌa ya xíxi ndo.

1 Corintios 9:12

Chi ndóꞌo̱ ta vaꞌa va chíndee taꞌan ndo xiꞌin sava nda xáa chiñu nuu Tata yo Jesucristo. Tá tu saa íkan ndo xiꞌin nda ikán, ta ndeꞌe ka va ku nde kúu ni mií ichí ya chindee taꞌan ndo xiꞌin nde, xaꞌa ñaꞌa ya xíniñuꞌu nde, ndikuu. Ta köo ndi̱kan nde saa xiꞌin ndo, ndi̱xaꞌa ndee ndiꞌi va ini nde, chi köo kúni nde kasi nde nuu ya káꞌan ndoso nde tuꞌun vaꞌa xaꞌa Tata yo Jesucristo.

1 Corintios 9:15

Ta yeꞌe, ta nda iin kivi köo ndítaxi i ya chaꞌvi ndo yeꞌe xaꞌa ya xáa chiñu i nuu Tata yo Jesucristo. Ya táa i soꞌva nuu ndo káꞌan i xiꞌin ndo ta süvi ya kúni i taxi ndo ñaꞌa ndaꞌa i kua. ¡Vaꞌa ka ná kuvi i ta kïꞌin i xuꞌun ndaꞌa ndo, xaꞌa ya káꞌan ndoso i tuꞌun Ndioxi xiꞌin ndo, chi yeꞌe, ta vaꞌa ni kúni i ya íkan i chiñu yóꞌó!

1 Corintios 9:17

Sundi tá xaꞌa ya kúni mií i íkan i ku chiñu yóꞌó nuu Jesucristo, ta nda naꞌa ta chaꞌvi va na yeꞌe. Ta süvi saa íyo ya, süvi mií i ndínduku chiñu yóꞌó, chi mií Ndioxi ku ra ka̱na yeꞌe ta xa̱ꞌnda ra chiñu nuu i ya kaꞌan ndoso i tuꞌun vaꞌa xaꞌa Tata yo Jesucristo xiꞌin naꞌa.

2 Corintios 4:5

Tá káꞌan ndoso nde tuꞌun vaꞌa xaꞌa Jesucristo xiꞌin naꞌa, ta süvi xaꞌa mií nde kua káꞌan nde xiꞌin na, chi xaꞌa mií Jesucristo kua káꞌan nde xiꞌin na, ya kúu ra Tata yo. Ta ndeꞌe, tá íin moso ndo, na xáa chiñu nuu ndo, saa íin nde. Ta xaꞌa Tata yo Jesucristo kua íkan nde saa.

1 Tesalonicenses 2:6

Chi nda iin ichí köo ndi̱xaá naꞌnu nde mií nde nuu nda iin naꞌa, ni nuu ndóꞌo̱, ni nuu ndá ka inka naꞌa. Vani kúu mií nde ichí ya ikan ndo saa xiꞌin nde xaꞌa ya kúu nde nda xáa chiñu nuu Tata yo Jesucristo, ta köo ndi̱kan nde saa xiꞌin ndo.