1 Corintios 7:40 - Xochapa Mixteco

⁴⁰ Sundi, vaꞌa ni ka va koo yá tá tu ná tïndaꞌa tuku yá. Soꞌva ndíkani ini yeꞌe, chi mií Tachi I̱í Ndioxi ku ya táxi ya ndíchi ndaꞌa i ndíkani ini i saa.

1 Corintios 7:40 ပူးပေါင်းရင်းမြစ်များ

1 Corintios 7:1

Ta vitin ndítuꞌun i xiꞌin ndo xaꞌa ya ndi̱ndakan tuꞌun ndo yeꞌe nuu tutu ya ti̱ꞌvi ndo vaxi nuu i: “án vaꞌa ni ka kua ná tïndaa taa ná síꞌi”, káchi ndo. Ta yeꞌe káꞌan i xiꞌin ndo ya vaꞌa ni ka kua ná ïkan nda saa, káchi i.

1 Corintios 7:35

Ta ya káꞌan i ya yóꞌó xiꞌin ndo, ta ya kúni i ná koo vaꞌa ndo ku ya, ta köo sási i nuu ndo, chi yeꞌe ta kúni i ná koo vaꞌa ndo. Ta saa ná nditaxi ndiꞌi ndo mií ndo ndaꞌa Ndioxi, nda iin ñaꞌa ná käsi nuu ndo.

1 Corintios 7:6

Ya káꞌan i tuꞌun yóꞌó xiꞌin ndo ta süvi yeꞌe xáꞌnda chiñu ku i nuu ndo ya ikan ndo saa, yeꞌe ndíkani va ku i nuu ndo.

1 Corintios 7:8

Ta ya yóꞌó ku ya ndítuꞌun i xiꞌin ndóꞌo̱ kuâán täꞌan tindaꞌa, saa tu ná kuâán ndi̱xiꞌi ndaa: ya vaꞌa ni ka kua ná tïndaꞌa ndo, kindoo kuâán ndo tá kuꞌva íyo yeꞌe.

2 Corintios 12:11

Tá kuꞌva káꞌan iin ra kiꞌvi va saa káꞌan i, chi mií ndo ku ndo i̱kan saa xiꞌin i, ya káꞌan i saa xiꞌin ndo. Chi ndóꞌo̱ ku ndo xíniñuꞌu kaꞌan vaꞌa xaꞌa i, ndikuu. Sundi ndóꞌo̱, ta ni köo ndáa yaꞌvi vi i nuu ndo. Ta saa ni köo ni̱nu̱ kúni vi i nuu nda chínuu vaꞌa ni tuꞌun ñaa, ya ndee ni naꞌnu ka nda ñaa nuu yeꞌe, túvi ndo.

2 Corintios 13:3

Saa ikan i xiꞌin ndo xaa nani i kuachi ndo xiꞌin ndo chi kúni ndo kundaa ini ndo án ya ndixa kua ta̱xi Jesucristo ichí ndaꞌi i ya ndituꞌun i tuꞌun ra xiꞌin ndo. Chi ni mií Cristo ta köo íkan ra xiꞌin ndo tá kuꞌva íkan iin taa ra köo ndee kúu mií, yáꞌa ni va ndee kúu mií ra.

2 Corintios 8:10

Yakan yeꞌe, ta káꞌan i xiꞌin ndo ndá kuꞌva chindee ndo ñani yo na ndóo ñuu Jerusalén, chi kuiya ya ndi̱yaꞌa ta xiꞌna ndóꞌo̱ ku ndo xa̱á chíndee na ikán, ta ndixa ndinuꞌu ni ini ndo xa̱a ndo saa xiꞌin na.

1 Tesalonicenses 4:8

Ta ndiꞌi naꞌa, na köo xíin xaa súvi ya yóꞌó, ta süvi ya káꞌan ndeꞌe kua köo xíin na xaa súvi na, chi ya káꞌan mií Iva yo Ndioxi kua köo xíin na xaa súvi na, chi mií ra ku ra táxi Tachi I̱í ra ndaꞌa yo íyo ya xiꞌin yo.