1 Corintios 7:34 - Xochapa Mixteco

³⁴ Saa íkan tu ná síꞌi va, chi ná síꞌi kuâán ná köo ií, ta ndíꞌi ni ini ná ndá kuꞌva koo ndu i̱í ka ya vaꞌa ná xiꞌin ikin kuñu ná nuu Ndioxi. Ta ná síꞌi íyo ií ta ndíꞌi ni ini ná ikán xaꞌa ñaꞌa ya íyo ñuu ivi yóꞌó, chi kúni ná xaa sií ná ini ií ná.

1 Corintios 7:34 ပူးပေါင်းရင်းမြစ်များ

San Juan 10:13

Saa íkan ra chi süvi sana ra ku ri, ra kíꞌin yaꞌvi va ku ra yakan köo xáꞌni ra mií ra xíni ra ri.

ROMANOS 6:13

Nda iin ñaꞌñu ikin kuñu ndo täxi ndo ikan ya ndá ka ñaꞌa ya väꞌa. Ndinuꞌu ni ka ini ndo nditaxi ndo mií ndo ndaꞌa Ndioxi xaꞌa ya ikan ndo ya vaꞌa, ya ndaa nuu ra. Chi vitin kúu ndo naꞌa, na táku nuu ra, ta yachi tá iin na ndíi saa ndi̱xiyo ndo nuu ra. Yakan nditaxi ndiꞌi ndo mií ndo ndaꞌa ra, tá káa iin ndaꞌa chiñu ya xáa chiñu ndaku nuu Ndioxi, saa ná koo ndo xiꞌin ra.

1 Corintios 6:20

Saa chi mií ra ku ra sa̱ta ndóꞌo̱ xiꞌin nií mií Tata yo Jesucristo, ta ndee ni yaꞌvi cha̱ꞌvi ra xaꞌa ndo. Xaꞌa ya ñaa kua xaa kaꞌnu ni ndo ra xiꞌin ikin kuñu ndo tin ya vaꞌa ndo, saa chi ñaꞌa mií ra ku uvi saa ya kúu mií ndo.

1 Corintios 7:33

Sundi taa nda xa íyo yá síꞌi, ta ya ndíꞌi ni ini nda xaꞌa ku ñaꞌa ya íyo ñuu ivi yóꞌó, saa ndíꞌi ni ini nda ndá kuꞌva xaa sií nda ini yá síꞌi nda.

1 Corintios 7:35

Ta ya káꞌan i ya yóꞌó xiꞌin ndo, ta ya kúni i ná koo vaꞌa ndo ku ya, ta köo sási i nuu ndo, chi yeꞌe ta kúni i ná koo vaꞌa ndo. Ta saa ná nditaxi ndiꞌi ndo mií ndo ndaꞌa Ndioxi, nda iin ñaꞌa ná käsi nuu ndo.

2 Corintios 11:28

Ta kuaꞌa ni ka tindoꞌo ki̱xi nuu i, ta ndiꞌi saa ichí íyo ni ya síndiꞌi ini i, chi ndee ni ndíꞌi ini i xaꞌa ndiꞌi na kándixa Jesucristo na ndóo kuaꞌa ni ñuu.

2 Corintios 8:16

Táxi ni i tixaꞌvi ndaꞌa Ndioxi xaꞌa ra Tito, ñani yo, chi chi̱kaa Ndioxi ya vaꞌa ini ra, ya ndíkani ini ra tá kuꞌva ndíkani ini yeꞌe, ya chindee taꞌan nde xiꞌin ndo.

Filipenses 1:20

Chi yeꞌe ta ya ndee ni kúni i kua xaa kaꞌnu ni i Tata yo Jesucristo xiꞌin ikin kuñu i ndiꞌi saa ichí tá táku i án tá ndi̱xiꞌi i, saa chi kúndaa teꞌe ini i ya täxi Tata yo kukaꞌan nuu i, ta siín mií ra ná chindee yeꞌe ya kuchiñu i xaa kaꞌnu ni i ra vitin xiꞌin ndiꞌi saa kivi ya vaxi.

1 Tesalonicenses 5:23

Ta mií Ndioxi, ra táxi koo vaꞌa ni ini yo ná xaa i̱í ni ra ndiꞌi ni kúu ya vaꞌa ndo xiꞌin ya xínituni ndo xiꞌin ikin kuñu ndo. Saa ná chivaꞌa ra ndóꞌo̱, nda iin kuachi ná küu mií ndo tá kivi ná ndiko koo tuku Tata yo Jesucristo kixi ra ñuu ivi yóꞌó.

1 Timoteo 3:5

Chi tá tu köo xíni nda kuniꞌi vií nda na veꞌe nda, ta saa ni küchiñu nda kundàà vií nda na veꞌe ñuꞌu.

1 Timoteo 5:5

Ta ná kuꞌva yo, ná kuâán ná ndi̱xiꞌi ndaa, ná köo nda iin naꞌa chindee ñaꞌa, ta ndáa ni ini ná xíni ná Ndioxi, saa káꞌan ni ná xiꞌin ra nduvi niuun ya ná chindee ra ná.

Tito 3:8

Ñani yo, tuꞌun ya káꞌan i xiꞌin un yóꞌó, ta ya ndaa ni kua, yakan ndinuꞌu ni ini un sinaꞌa un ya, ya ná kundaa ini na taꞌan yo na kándixa Ndioxi ikan na ya vaꞌa, chi ya yóꞌó kua ndee ni vaꞌa, chíndee ni ya ndiꞌi na ñuu ivi.