1 Corintios 7:31 - Xochapa Mixteco

³¹ Ta ndóꞌo̱ kée vaꞌa xiꞌin ñaꞌa ya íyo ñuu ivi yóꞌó, tá íyo naꞌa, na köo vaꞌa ñaꞌa saa koo ndo. Saa chi ñuu ivi yóꞌó xiꞌin ndiꞌi ñaꞌa kúu mií ya, ta kama ni va ndiꞌi xaꞌa ya.

1 Corintios 7:31 ပူးပေါင်းရင်းမြစ်များ

San Lucas 21:34

Yakan kuenta ni koo ndo xiꞌin mií ndo, ta kündiꞌi ini ndo xaꞌa viko nuu kuxi ndo tin koꞌo ndo, ni kündiꞌi ini ndo xaꞌa ñaꞌa ya ndíꞌi ni ini na köo xíni Ndioxi. Koo tuꞌva ndo saa chi iin kuu soꞌva ndikava kivi ikán sata ndo.

1 Corintios 7:29

Ta yeꞌe kúni i kaꞌan i ya yóꞌó xiꞌin ndo: Xa kama ni va kuaꞌan ndíꞌi tiempo ya ndóo yo, yakan tá kúu ndóꞌo̱ taa ta kündiꞌi ini ndo xaꞌa ná síꞌi ndo, kundiꞌi ni ka ini ndo xaa chiñu ndo xaꞌa Tata yo Jesucristo, chi xa kama ni ndiko koo ra.

1 Corintios 7:30

Saa tu ndóꞌo̱ kúsuchi ni ini, tá íyo naꞌa, na kúsini ni saa koo ndo. Ta ndóꞌo̱ kúsini ni, ta tá íyo na kúsuchi ni ini, saa koo ndo. Ta ndóꞌo̱ sáta, ta tá íin na köo ndi̱sata nda iin ñaꞌa, saa koo ndo.

1 Corintios 9:18

Ta yaꞌvi i ya ndíkiꞌin i kua yóꞌó, chi yeꞌe ta kúsini ni i ya káꞌan ndoso i tuꞌun vaꞌa xaꞌa ra xiꞌin ndo, ta köo kíꞌin i xuꞌun ndaꞌa ndo ya íkan i saa. Vani íyo ichí i ya chaꞌvi ndo yeꞌe xaꞌa ya káꞌan ndoso i tuꞌun vaꞌa xaꞌa Tata yo Jesucristo xiꞌin ndo ya kaku ndo, ta köo káꞌan i xiꞌin ndo chaꞌvi ndo yeꞌe xaꞌa chiñu íkan i.

HEBREOS 12:27

Ta xiꞌin tuꞌun ya káꞌan ra “sitaan tuku ra”, xiꞌin ya ikán kua kúndaa teꞌe ini yo ya sindiꞌi xaꞌa ndiꞌi ra ñaꞌa ya si̱kuaꞌa ra ñuu ivi yóꞌó, ta ndisaa ya köo ndíꞌi xaꞌa kua ndoo koo.

Santiago 4:14

Ta ni köo xíni ndo unkua kuu kivi vaxi, chi ndóꞌo̱ ra tá íin viko núꞌu va, saa íin ndo, chi viko núꞌu ta iin rato loꞌo kána ya, iin rato loꞌo ta xa ndi̱ꞌi tuku xaꞌa va ya.

1 Pedro 1:24

Tá káchi tuꞌun ra ya ta̱a na xinaꞌa, káchi ya saa: Tá íin i̱ku̱ kuií saa íin ndiꞌi na ñuu ivi yóꞌó. Ta ndiꞌi ya saví án ya vaꞌa ni náꞌa kúu mií na, ta tá íin ita ikú va saa íyo ya.

1 Pedro 4:7

Ta vaꞌa ná kundaa ini ndo chi xa yati ni va ndiꞌi xaꞌa ñuu ivi yóꞌó, yakan ndóꞌo̱ ta káxin teꞌe koo ini ndo, ta ndinuꞌu ni ini ndo kaꞌan ni ndo xiꞌin Ndioxi ndiꞌi saa kivi.

1 Juan 2:17

Ta ñuu ivi yóꞌó xiꞌin ndiꞌi ñaꞌa kúu mií ya síkutoo ya yoo, vaxi kivi ta ndiꞌi xaꞌa ndiꞌi ya. Sundi na xáa súvi ya kúni Ndioxi ta nda iin kivi ndïꞌi xaꞌa na, kutaku na xiꞌin ra ndiꞌi saa tiempo.