1 Corintios 7:30 - Xochapa Mixteco

³⁰ Saa tu ndóꞌo̱ kúsuchi ni ini, tá íyo naꞌa, na kúsini ni saa koo ndo. Ta ndóꞌo̱ kúsini ni, ta tá íyo na kúsuchi ni ini, saa koo ndo. Ta ndóꞌo̱ sáta, ta tá íin na köo ndi̱sata nda iin ñaꞌa, saa koo ndo.

1 Corintios 7:30 ပူးပေါင်းရင်းမြစ်များ

San Lucas 16:25

Saa ndi̱kuiin ra Abraham káꞌan ra: “Seꞌe, kuñuꞌu ini un, kivi xi̱taku un ñuu ivi ta vaꞌa ni ndi̱xiyo un. Ndi̱xiyo ndiꞌi ya kúni un, ta ra Lázaro yóꞌó ndo̱ꞌo ni ra ndaꞌvi. Yakan kua íyo vaꞌa ra vitin, ta yóꞌo̱ ndóꞌo ni un.

San Lucas 6:21

’Vaꞌa ni kée ndo tá tu vitin xíꞌi ni ndo soko saa chi vaxi kivi ta ndoo ndoso ñaꞌa yuꞌu ndo. ’Vaꞌa ni kée ndo tá tu xáku ni ndo vitin, ta kusini ni ndo, saa chi vaxi kivi ta küaku ka ndo, vaꞌa ni kua̱ku̱ ndo.

San Lucas 6:25

’Ndaꞌvi ni ndóꞌo̱ ndóo ndoso ni ñaꞌa xíxi nuu, chi vaxi kivi ta kuvi ni ndo soko. ’Saa ndóꞌo̱ vaꞌa ni xáku tiempo vitin, ndaꞌvi ni ndo saa chi vaxi kivi ta kuaku suchi ni ini ndo.

San Juan 16:22

Ta saa ndóꞌo̱, vitin ta kúsuchi ni ini ndo, sundi ndiko koo tuku i koto i ndóꞌo̱, ta saa kusini ni ndo ndiꞌi saa ichí, ta nda iin naꞌa küchiñu kindaa ya kúsini ndo.

1 Corintios 7:29

Ta yeꞌe kúni i kaꞌan i ya yóꞌó xiꞌin ndo: Xa kama ni va kuaꞌan ndíꞌi tiempo ya ndóo yo, yakan tá kúu ndóꞌo̱ taa ta kündiꞌi ini ndo xaꞌa ná síꞌi ndo, kundiꞌi ni ka ini ndo xaa chiñu ndo xaꞌa Tata yo Jesucristo, chi xa kama ni ndiko koo ra.

1 Corintios 7:31

Ta ndóꞌo̱ kée vaꞌa xiꞌin ñaꞌa ya íyo ñuu ivi yóꞌó, tá íyo naꞌa, na köo vaꞌa ñaꞌa saa koo ndo. Saa chi ñuu ivi yóꞌó xiꞌin ndiꞌi ñaꞌa kúu mií ya, ta kama ni va ndiꞌi xaꞌa ya.

El Apocalipsis 18:7

Ta na väꞌa ikan ta ndi̱xiyo tái ni ini na, saa kuika ni ndi̱xiyo na, ta ku̱u mií na ndiꞌi ñaꞌa ya káchi ini mií na. Ta vaꞌa ná taxi Ndioxi ndoꞌo ni na vitin. Saa chi na väꞌa ikán, ta kútai ni ini na, chínuu vaꞌa ni na tuꞌun na, yakan ndíkani ini na káchi na saa: “Naꞌnu ni mií nde chi ndeꞌe ku nde xáꞌnda chiñu nuu ndiꞌi naꞌa. Ta köo íyo nde tá káa iin ñaꞌa yá ndaꞌvi, yá ndi̱xiꞌi ndaa, chi nda iin kivi ndöꞌo nde, ni nda loꞌo küsuchi ini nde”, káchi na ndíkani ini na.

El Apocalipsis 7:17

Saa chi Levo loꞌo kiti índuꞌu maꞌñu nuu ndíchi tai toꞌo ku ri kundaa na tá kuꞌva ndáa iin ra taa levo sana ra saa kundaa ri na. Ta kundaka ri na kuꞌun na koꞌo na tikuii, chi tikuii ikán taxi rá kutaku na. Ta Ndioxi ndiyakun ra ndiꞌi tikuii nuu na xaꞌa ya xáku ni na, chi sindiꞌi ra ya kúsuchi ni ini na.