1 Corintios 7:29 - Xochapa Mixteco

²⁹ Ta yeꞌe kúni i kaꞌan i ya yóꞌó xiꞌin ndo: Xa kama ni va kuaꞌan ndíꞌi tiempo ya ndóo yo, yakan tá kúu ndóꞌo̱ taa ta kündiꞌi ini ndo xaꞌa ná síꞌi ndo, kundiꞌi ni ka ini ndo xaa chiñu ndo xaꞌa Tata yo Jesucristo, chi xa kama ni ndiko koo ra.

1 Corintios 7:29 ပူးပေါင်းရင်းမြစ်များ

San Lucas 14:20

Saa ke̱e ra ndi̱xaa ra inka tuku veꞌe. Ta ndi̱kaꞌan inka ra ikán xiꞌin ra káchi ra saa: “Xaa kaꞌnu ni ini un xaꞌa i, künaꞌa i kuꞌun i xiꞌin un chi yeꞌe sikan ti̱ndaꞌa ku i”, káchi inka ra ikán.

1 Corintios 7:28

Tá tu kúni tu nda ñani yo nda kuâán tindaꞌa nda, ta vaꞌa ná tindaꞌa va nda, köo kuachi xaꞌa ya. Tá tu kúni tindaꞌa tu ná kuâán taki, ta vaꞌa ná tindaꞌa va ná, köo kuachi íyo xaꞌa ya. Sundi tá ná tindaꞌa ná vitin ta ndoꞌo va ná, xaꞌa ya köo kúni i ndoꞌo ná yakan káꞌan i saa xiꞌin ná.

1 Corintios 7:30

Saa tu ndóꞌo̱ kúsuchi ni ini, tá íyo naꞌa, na kúsini ni saa koo ndo. Ta ndóꞌo̱ kúsini ni, ta tá íyo na kúsuchi ni ini, saa koo ndo. Ta ndóꞌo̱ sáta, ta tá íin na köo ndi̱sata nda iin ñaꞌa, saa koo ndo.

1 Corintios 7:31

Ta ndóꞌo̱ kée vaꞌa xiꞌin ñaꞌa ya íyo ñuu ivi yóꞌó, tá íyo naꞌa, na köo vaꞌa ñaꞌa saa koo ndo. Saa chi ñuu ivi yóꞌó xiꞌin ndiꞌi ñaꞌa kúu mií ya, ta kama ni va ndiꞌi xaꞌa ya.

1 Pedro 1:24

Tá káchi tuꞌun ra ya ta̱a na xinaꞌa, káchi ya saa: Tá íin i̱ku̱ kuií saa íin ndiꞌi na ñuu ivi yóꞌó. Ta ndiꞌi ya saví án ya vaꞌa ni náꞌa kúu mií na, ta tá íin ita ikú va saa íyo ya.

1 Pedro 4:7

Ta vaꞌa ná kundaa ini ndo chi xa yati ni va ndiꞌi xaꞌa ñuu ivi yóꞌó, yakan ndóꞌo̱ ta káxin teꞌe koo ini ndo, ta ndinuꞌu ni ini ndo kaꞌan ni ndo xiꞌin Ndioxi ndiꞌi saa kivi.

1 Juan 2:17

Ta ñuu ivi yóꞌó xiꞌin ndiꞌi ñaꞌa kúu mií ya síkutoo ya yoo, vaxi kivi ta ndiꞌi xaꞌa ndiꞌi ya. Sundi na xáa súvi ya kúni Ndioxi ta nda iin kivi ndïꞌi xaꞌa na, kutaku na xiꞌin ra ndiꞌi saa tiempo.