1 Corintios 7:26 - Xochapa Mixteco

²⁶ Ya ndíkani ini yeꞌe, ta vaꞌa ni kua ná tïndaꞌa nda taa, vaꞌa ni ka kua ná kindoo kuâán nda xaꞌa ya uꞌvi ni tiempo ndóo yo vitin.

1 Corintios 7:26 ပူးပေါင်းရင်းမြစ်များ

San Mateo 24:19

¡Ndaꞌvi ni ná síꞌi ñúꞌu seꞌe, saa tu ná íyo seꞌe vali na chíchi, tá ná tindaa kivi ya kuu saa!

San Lucas 21:23

Saa ná ñaꞌa ñúꞌu seꞌe án ná chíchin seꞌe kivi ikán, ndaꞌvi ni ná chi ndee ni kuu. Saa chi yáꞌa ni ndee kuu ñuu ivi, ta saa ndee ni ndoꞌo na ñuu Jerusalén yóꞌó.

1 Corintios 7:1

Ta vitin ndítuꞌun i xiꞌin ndo xaꞌa ya ndi̱ndakan tuꞌun ndo yeꞌe nuu tutu ya ti̱ꞌvi ndo vaxi nuu i: “án vaꞌa ni ka kua ná tïndaa taa ná síꞌi”, káchi ndo. Ta yeꞌe káꞌan i xiꞌin ndo ya vaꞌa ni ka kua ná ïkan nda saa, káchi i.

1 Corintios 7:27

Ndóꞌo̱ ñani yo, tá tu íyo yá síꞌi ndo, ta sïndikoo ndo yá. Ta nda ñani yo nda köo ná síꞌi, ta vaꞌa ná tïndaꞌa nda.

1 Corintios 7:28

Tá tu kúni tu nda ñani yo nda kuâán tindaꞌa nda, ta vaꞌa ná tindaꞌa va nda, köo kuachi xaꞌa ya. Tá tu kúni tindaꞌa tu ná kuâán taki, ta vaꞌa ná tindaꞌa va ná, köo kuachi íyo xaꞌa ya. Sundi tá ná tindaꞌa ná vitin ta ndoꞌo va ná, xaꞌa ya köo kúni i ndoꞌo ná yakan káꞌan i saa xiꞌin ná.

1 Corintios 7:8

Ta ya yóꞌó ku ya ndítuꞌun i xiꞌin ndóꞌo̱ kuâán täꞌan tindaꞌa, saa tu ná kuâán ndi̱xiꞌi ndaa: ya vaꞌa ni ka kua ná tïndaꞌa ndo, kindoo kuâán ndo tá kuꞌva íyo yeꞌe.

2 Tesalonicenses 2:2

täxi ndo ndinama kama ni ini ndo xaꞌa ya káꞌan na xiꞌin ndo, síꞌvi na ndóꞌo̱ ya si̱kaꞌan Ndioxi ini na kaꞌan na tuꞌun yuꞌu ra ya xa ndi̱ko koo Tata yo Jesucristo ñuu ivi yóꞌó, án kaꞌan na xiꞌin ndo ndá ka tuꞌun ya taa na tutu xaa ya nuu ndo nuu síndaꞌvi na ndóꞌo̱, ya ta̱a ndeꞌe ya xaa ya nuu ndo, káchi na xiꞌin ndo, ta ni süvi ya ndaa kua.

1 Pedro 4:17

Saa chi vitin kua ti̱ndaa tiempo ya xaa nani Ndioxi kuachi xiꞌin ndiꞌi naꞌa. Tá kuꞌva kéꞌe na saa ikan ra xiꞌin na, ta xiꞌna xiꞌin naꞌa, na ndíkun ñaꞌa kua xáa ra ikan ra saa. Tá tu xiꞌna xiꞌin yoo kua íkan ra saa ya ndee ni ndóꞌo yo, ta yáꞌa ni ka va ndee kundoꞌo naꞌa, na köo xíin xaa súvi tuꞌun vaꞌa xaꞌa ra.