1 Corintios 4:20 - Xochapa Mixteco

²⁰ Saa chi köo ndáa yaꞌvi ni ya káꞌan na ivi tá ndisaa tuꞌun mií ndítuꞌun na xaꞌa nuu xáꞌnda chiñu Ndioxi, ya ndee ni ndáa yaꞌvi ku ndee Ndioxi íyo xiꞌin va na.

1 Corintios 4:20 ပူးပေါင်းရင်းမြစ်များ

ROMANOS 1:16

Kúni i ná kundaa ini ndo, chi yeꞌe ta köo kúkaꞌan nuu i ya kándixa i tuꞌun vaꞌa xaꞌa Jesucristo, chi tuꞌun yóꞌó kúu mií ya ndee Ndioxi ya sikaku ya ndiꞌi naꞌa, na kándixa ya káꞌan ya. Xiꞌna ni ka na judío ku na xi̱ni soꞌo tuꞌun vaꞌa xaꞌa Jesucristo, saa xi̱ni soꞌo tu naꞌa, na köo kúu judío va ya.

ROMANOS 14:17

Xíniñuꞌu yo kundaa ini yo chi süvi xaꞌa ya xíxi yo, ta ni süvi xaꞌa nduta xíꞌi yo kua ndáa yaꞌvi ni chindee yoo koo yo nuu xáꞌnda chiñu Ndioxi. Ya ndee ni ndee ku ya ikan yo ya vaꞌa, ya ndaa xiꞌin taꞌan yo, ta vívií ná koo yo xiꞌin taꞌan yo, ná kusini ni yo xaꞌa ya ta̱xi Tachi I̱í Ndioxi ndaꞌa yo ya koo vaꞌa ni ini yo.

ROMANOS 15:19

Ndixaꞌvi ni mií Ndioxi xaꞌa Tachi I̱í ra, saa chi chíndee ya yeꞌe íkan i yatuꞌun nuu na xiꞌin ya vaꞌa ni, ta soꞌva kua síxinu i tuꞌun vaꞌa xaꞌa Jesucristo. Nda ñuu Jerusalén kua xa̱á i káꞌan ndoso i tuꞌun vaꞌa xaꞌa ra, iin saa ndi̱xaa i nda ñuu Ilírico, ndi̱xika ndiꞌi i ndi̱kaꞌan i xiꞌin na xaꞌa tuꞌun vaꞌa ya síkaku mií na.

1 Corintios 1:24

Sundi nuu naꞌa, na ka̱na Ndioxi kundikun ra, án na judío ku na, án süvi na judío ku na, ta tuꞌun yóꞌó kuu Cristo, ta ndixa ni va ndee kúu mií ya nuu na, ta saa ndíchi ni va ya chi nuu Ndioxi ke̱e ya vaxi ya, káchi na.

1 Corintios 2:4

Tá ndi̱kaꞌan ndoso i xiꞌin ndo xaꞌa tuꞌun ra, ta köo ndi̱xiniñuꞌu i tuꞌun ndíchi ni taꞌan ya xíniñuꞌu na ñuu ivi yóꞌó ya sixinu i ini ndo. Sundi mií Tachi I̱í Ndioxi xiꞌin ndee mií ra kua si̱xinu ra ini ndo xaꞌa tuꞌun ya ndi̱kaꞌan i xiꞌin ndo ya kúu ya ndaa ni.

2 Corintios 10:8

Án sana ndíkani ini ndo xaꞌa i ya yáꞌa ni ndee káꞌan i xiꞌin ndo, xaꞌa ya kúu mií i chiñu, ya ta̱xi Tata yo Jesucristo ndaꞌa i xáꞌnda chiñu i nuu ndo, kaꞌán ndo. Sundi yeꞌe, ta köo kúkáꞌán nuu i xiꞌin ya, chi mií ra ku ra ta̱xi ndee ndaꞌa nde ya kuchiñu nde chindee taꞌan nde xiꞌin ndo, ta süvi ya síndiꞌi xaꞌa nde ndóꞌo̱ kua.

1 Tesalonicenses 1:5

Chi tá kivi ndi̱kaꞌan ndoso nde tuꞌun vaꞌa xaꞌa ra xiꞌin ndo, ta köo ndi̱kaꞌan nde tuꞌun mií nde xiꞌin ndo. Sundi xiꞌin ndee Tachi I̱í Ndioxi kua ndi̱kaꞌan nde xiꞌin ndo, saa ndinuꞌu ni ini nde kándixa nde ya ndaa kua ndi̱kaꞌan nde xiꞌin ndo. Ta xi̱ni mií ndo ndá kuꞌva ndi̱xiyo nde tá kivi xi̱ndoo nde xiꞌin ndo xaꞌa ya kúꞌvi ni ini nde xíni nde ndóꞌo̱.