1 Corintios 16:10 - Xochapa Mixteco

¹⁰ Tá ná xaa ra Timoteo ñani yo nuu ndo, ta vaꞌa ndikiꞌin vií ni ndo ra, saa kusini ra koo ra xiꞌin ndo. Saa chi ra ikán, ta tá xáa chiñu yeꞌe nuu Iva yo Ndioxi, saa xáa chiñu ra.

1 Corintios 16:10 ပူးပေါင်းရင်းမြစ်များ

Los Hechos 16:1

Ndi̱xaa ra Pablo xiꞌin ra Silas ñuu Derbe xiꞌin ñuu Listra. Ikán ndi̱taꞌan nda iin ra kándixa Jesús, náni ra Timoteo, seꞌe iin yá judío yá kándixa Jesús ku ra, ta iva ra ku ra griego.

Los Hechos 19:22

Ñaa ti̱ꞌvi ra uvi nda chíndee taꞌan xiꞌin ra kuaꞌan nda estado Macedonia: ra Timoteo xiꞌin ra Erasto ku nda. Ta ndi̱ndoo mií ra soo uvi ndaa ka kivi estado Asia nuu ndíkaa ñuu Éfeso.

ROMANOS 16:21

Ta saa káꞌan ndioxi ni tu ra ñani yo ra Timoteo, ra ítaꞌan xiꞌin i xáa chiñu nde nuu Tata yo Jesús va. Xiꞌin nda taꞌan i, ra ñani yo ra Lucio, tin ra Jasón, xiꞌin ra Sosípater, káꞌan ndioxi ni tu nda ikán va xiꞌin ndo.

1 Corintios 15:58

Ñani mani, xaꞌa ya ñaa kua xíniñuꞌu ndo ndee ni ndee kundikun ndo ichí Ndioxi, xaꞌa ni ndo ndee ta ndïko koo ini ndo ya íkan ndo saa, iin tuun saa chikaa ini ndo xaa chiñu ni ndo xaꞌa Tata yo, saa chi chiñu íkan ndo nuu ra, ta süvi ya uun ku ya.

1 Corintios 16:11

Xaꞌa ya ñaa kua kündasi nuu nda iin ndo kuni ndo ra, vívií koo ndo xiꞌin ra, chindee taꞌan ndo xiꞌin ra ná ndiko koo ra xiꞌin ya vaꞌa nuu íyo i. Saa chi yeꞌe xiꞌin nda ñani yo, nda íyo xiꞌin i, ndátun nde ra ndiko koo ra.

1 Corintios 4:17

Xaꞌa ya ñaa kua tíꞌvi i ra Timoteo ñani yo xaa ra nuu ndo, vaꞌa ni ítaꞌan ra xiꞌin i. Nda tá káa seꞌe i saa káa ra, kúꞌvi ni ini i xíni i ra xaꞌa ra ya ndíkun ra Tata yo Jesucristo. Ta ra ñaa ku ra ndituꞌun xiꞌin ndo, sindikaꞌán ra ini ndo ndá kuꞌva íyo i, ta kuꞌva saa sínaꞌa i naꞌa ndiꞌi ni kúu veꞌe ñuꞌu.

2 Corintios 1:1

Yeꞌe Pablo, xiꞌin ra ñani yo Timoteo ku nde táa tutu yóꞌó xaa ya nuu ndo. Chi saa chi̱tuni mií Iva yo Ndioxi ka̱na ra yeꞌe ya xíka i chiñu nuu Tata yo Jesucristo. Táa nde ya xaa ya nuu ndóꞌo̱, na veꞌe ñuꞌu, ndóo ñuu Corinto xiꞌin ndiꞌi ka ndóꞌo̱, na i̱í, ndóo ndiꞌi saa mií ñuu ya ñúꞌu mií estado Acaya ñaa.

2 Corintios 6:1

Ndóꞌo̱ xiꞌin ndeꞌe, ta iin káchi xáa chiñu yo nuu Ndioxi, yakan xíkan ni nde ya mani nuu ndo ya ná kundàà vií ni ndo ya vaꞌa ndi̱niꞌi ndo nuu Tata yo.

1 Tesalonicenses 3:2

ta ti̱ꞌvi nde ra Timoteo, ñani yo, xaa ra nuu ndo koto ra ndóꞌo̱. Ta ra ñaa iin káchi vaꞌa ni xáa chiñu ra nuu Ndioxi xiꞌin nde, káꞌan ndoso ra tuꞌun vaꞌa xaꞌa Tata yo Jesucristo. Ta ti̱ꞌvi nde ra xaa ra nuu ndo koto ra ndóꞌo̱, ya chindee ra ndóꞌo̱ kandixa ni ka ndo tuꞌun xaꞌa Tata yo Jesucristo, saa xaꞌa ni ra ndee xiꞌin ndo,

1 Tesalonicenses 4:12

Tá íkan ndo saa xáa súvi ndo ya káꞌan nde xiꞌin ndo, ta köo xíniñuꞌu ndo nduku ndo ya xíniñuꞌu ndo nuu inka naꞌa. Ni naꞌa, na köo xíni Ndioxi ta chinuu vaꞌa ni na tuꞌun ndo.