1 Corintios 15:54 - Xochapa Mixteco

⁵⁴ Yakan tá ná kuu saa xiꞌin ikin kuñu yo ya ndíꞌi xaꞌa, ta saa kua xinu tuꞌun Ndioxi ya ta̱a na xinaꞌa, káchi ya saa: “Xa ndi̱ꞌi xaꞌa ndee ya xáꞌni naꞌa, chi Ndioxi ta ku̱ndee ra nuu ndee ikán.

1 Corintios 15:54 ပူးပေါင်းရင်းမြစ်များ

San Lucas 20:36

Saa chi nuu ndivi köo ka na kuvi, tá íin na tatun Ndioxi, saa nduu na. Ta nduu na seꞌe Ndioxi xaꞌa ya ndi̱taku na i̱kan ra.

ROMANOS 1:23

Saa ndo̱ꞌo na chi köo ndi̱xiin na xaa toꞌo na Ndioxi ra ndaa, ra chee ni, ra ndee ni ndee kúu mií. Ta ndee ni ka kúsini na xáa toꞌo na naꞌna naꞌa, na köo táku ka ñuu ivi yóꞌó, án naꞌna kiti ndachi, án naꞌna kiti xíka xiꞌin kumi xaꞌa, án naꞌna kiti ñúu tixin nuu ñuꞌú.

ROMANOS 2:7

Ndiꞌi naꞌa, na i̱kan ya vaꞌa, ta saa ikan Ndioxi xiꞌin na. Na ikán ku naꞌa, na köo ndi̱xikuiin ikan ya vaꞌa. Saa chi ku̱ni na xaa kaꞌnu na ra, saa taxi na ya toꞌo chee ni ndaꞌa ra. Ta na ikán ku na niꞌi ichí koo na xiꞌin ra ndiꞌi saa kivi.

ROMANOS 6:12

Täxi ndo kaꞌnda chiñu kuachi ndo nuu ikin kuñu ndo, ta ni xäa súvi ndo ya väꞌa ya kútoo ni ya ikan ya, chi ya ndíꞌi xaꞌa va ku ikin kuñu ndo.

ROMANOS 8:11

Ndioxi ku ra si̱taku Jesús tá ndi̱xiꞌi ra. Ta suvi ni mií ra si̱taku Cristo Jesús ku ra taxi kutaku ndo. Saa taxi ra kutaku ikin kuñu ndo ya ndíꞌi xaꞌa. Tixin mií Tachi ra ya íyo xiꞌin ndo kua sitaku ra ndoꞌo̱.

2 Corintios 4:11

Ta ndeꞌe táku nde, ta ndiꞌi saa ichí xíka ìyo ni nde nuu ya kuvi nde xaꞌa Jesús. Íkan nde saa ya ná kuni naꞌa ya táku ra xiꞌin nde, vani ya ndíꞌi xaꞌa ku ikin kuñu nde.

2 Corintios 5:4

Chi kivi táku yo xiꞌin ikin kuñu yo ya kúu mií yo ñuu ivi yóꞌó, ta táná ni yo, saa xáku suchi ni yo, saa chi köo kúni yo ndundaa ikin kuñu kúu mií yo ndaꞌa yo. Yo kúni nduxaa ka va ku yo, ya ná ndinama ikin kuñu yo nduu ya iin ikin kuñu ya táku, ya köo ndíꞌi ka xaꞌa nda iin kivi.

2 Tesalonicenses 1:10

Ta ya yóꞌó kua kuu tá kivi ná ndiko koo Tata yo Jesucristo. Sundi mií ndóꞌo̱, na ñuu ra, na i̱í ku ndo xaa kaꞌnu ni ñaꞌa. Saa ndikanda ni ini ndo kuni ndo ra. Ta kivi ikán kua koo vaꞌa ni ini ndo, chi ndi̱kiꞌin vaꞌa ndo tuꞌun ra ya ndi̱kaꞌan nde xiꞌin ndo, saa ka̱ndixa ni ndo ya.

El Apocalipsis 20:14

Saa ti̱in tatun Ndioxi ndee ya xáꞌni naꞌa ta ti̱in ya inka ya náni Hades ki̱ꞌin ñaꞌa ya ta̱an ya ini yavi nuu ndee ni xíxi ñu̱ꞌu̱. Chi ikán ku nuu xíꞌi na ichí uvi.

El Apocalipsis 21:4

Ta mií ra ku ra ndiyakun ndiꞌi tikuii nuu na xaꞌa ya xáku na. Nda iin ichí küvi ka na, ni köo ka na kuaku, ni köo ka na kusuchi ini, ni na kúꞌvi köo ka na koo, chi ya ndo̱ꞌo na yachi ta xa ndi̱ꞌi xaꞌa ndiꞌi ya.