1 Corintios 15:18 - Xochapa Mixteco

¹⁸ Ni naꞌa, na ka̱ndixa ñaꞌa, na xa ndi̱xiꞌi ta xa saa íyo yaa tu kuachi na ikán va, ta xa ndi̱ꞌi xaꞌa va na, ndíkuu.

1 Corintios 15:18 ပူးပေါင်းရင်းမြစ်များ

Los Hechos 7:60

Ñaa si̱kusiti ra ta iin ndi̱ndaꞌi koꞌo ra káchi ra saa: ―Tata, kïꞌin un kuenta xaꞌa kuachi na, ya íkan na xiꞌin i ―káchi ra xiꞌin Ndioxi. Tá ndi̱kaꞌan ra saa, ta ndi̱xiꞌi va ra.

1 Corintios 15:6

Tá sindiꞌi, saa ndi̱tuvi tu ra nuu nda ñani yo, nda xi̱taꞌan xiꞌin ra, yáꞌa ka uꞌun ciento ku nda ndi̱tuvi ra nuu. Ta sava nda ikán ta táku ka nda vitin, sava nda ta xa ndi̱xiꞌi va nda.

1 Tesalonicenses 4:15

Yakan kua káꞌan nde xiꞌin ndo vitin xaꞌa tuꞌun ya ta̱xi Tata yo Jesucristo ndaꞌa nde. Kivi ná ndiko koo ra kixi tuku ra ñuu ivi yóꞌó ta xiꞌna ka naꞌa, na xa ndi̱xiꞌi kuꞌun xiꞌin ra, sindiꞌi saa kuꞌun yoo xiꞌin ra.

1 Tesalonicenses 4:16

Saa chi kivi tá ná ndiko koo ra kixi ra nuu ndivi, ta yáꞌa ni ndee kaꞌan ra xaꞌa ya kúu mií ra ichí xáꞌnda chiñu ra. Saa ndee ni tu kaꞌan iin mií tatun Ndioxi ya ínuu nuu ndiꞌi na tatun ra, ndee ni tivi ya itun trompeta Ndioxi tá ná ndiko koo Tata yo Jesucristo. Ta xiꞌna naꞌa, na ka̱ndixa ra ku na nditaku.

El Apocalipsis 14:13

Saa xi̱ni soꞌo i tuꞌun ya ke̱ta nuu ndivi, ndi̱kaꞌan ya xiꞌin i káchi ya saa: ―Taa tuꞌun káꞌan i xiꞌin un: “Kivi vitin xiꞌin ndiꞌi saa kivi ya vaxi, ndiꞌi naꞌa na ndíkun Tata yo Jesucristo, tá ná kuvi na xaꞌa ya kándixa na ra, ta taxi Ndioxi koo vaꞌa ni na xiꞌin ra, nuu kusini ni na” ―káchi tuꞌun ya xi̱ni soꞌo i. Saa ndi̱kaꞌan Tachi i̱í Ndioxi, káchi ya saa: ―Saa ndi̱xa íyo ya, tá ná xaa na nuu ndivi, ta ndixa kua ndikundee na, chi xa si̱xinu na chiñu i̱kan na ñuu ivi yóꞌó. Ni Ndioxi ta ndi̱kaꞌán ini ra xaꞌa ya vaꞌa i̱kan na, ta nuu ndivi ikán ndichaꞌvi ra na xaꞌa chiñu ya i̱kan na ñuu ivi yóꞌó ―Soꞌva káchi Tachi Ndioxi xi̱ni soꞌo i.