1 Corintios 12:9 - Xochapa Mixteco

⁹ Sava tuku na si̱niꞌi Tachi Ií Ndioxi ndee vaꞌa ni nuu na, ya ndee ni kándixa na ra, sava tuku na ndi̱niꞌi ndee vaꞌa ni nuu ra ya síndaꞌa na naꞌa, na kúꞌvi, ta suvi mií Tachi I̱í ra kua íkan saa.

1 Corintios 12:9 ပူးပေါင်းရင်းမြစ်များ

San Mateo 10:8

Ta sindaꞌa ndo na kúꞌvi, saa sitaku ndo na ndíi. Ñaa sindaꞌa ndo na ndee ndóꞌo xiꞌin kueꞌe náni lepra.

San Mateo 21:21

Saa ndi̱kuiin Jesús, káꞌan ra: ―Ya ndaa káꞌan i xiꞌin ndo, tá tu ndinuꞌu ni ini ndo kándixa ndo Ndioxi, köo xíka uvi ini ndo, ta saa kuchiñu ndo xaa súvi ndo taꞌan ya i̱kan i xiꞌin itun higo yóꞌó. Tá tu káꞌan ndo xiꞌin iin xiki kaꞌnu, káchi ndo soꞌva: “Kuataꞌa yóꞌó, ta kuáꞌan sikana un mií un ini nduta ñûꞌu”, kachi ndo, ta saa koo ya.

San Marcos 16:18

Tá tu ná tiin na ko̱ó kueꞌe, ta tïin ri na, tá tu ná koꞌo sana na ndá ka ñaꞌa ñúꞌu tatan xatu xiꞌin, ta sïkuaꞌa ya kueꞌe xiꞌin na, ta chinuu ndaꞌa na sata na kúꞌvi, ta nduvaꞌa na ―káchi Jesús xiꞌin nda ítaꞌan xiꞌin ra.

San Marcos 6:13

Ta táva nda kuaꞌa ka vi tachi nduvaꞌa ya kúu mií naꞌa, saa chikaa tu nda ceite xiní na ta síndaꞌa nda na.

San Lucas 10:9

Tá íyo na kúꞌvi ñuu nuu ndi̱xaa ndo, ta sindaꞌa ndo na, saa kaꞌan ndo xiꞌin na: “Xa ku̱yati ichí nuu xáꞌnda chiñu Ndioxi nuu ndo”, kachi ndo xiꞌin ndiꞌi na.

San Lucas 9:2

Ñaa ti̱ꞌvi ra nda kuaꞌan nda, kaꞌan ndoso nda tuꞌun Ndioxi ta saa kuchiñu ra kaꞌnda chiñu ra nuu na. Ta ndi̱kaꞌan tu ra xiꞌin nda ya sindaꞌa nda na kúꞌvi va.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

Los Hechos 5:15

Ta kuaꞌa ni naꞌa táva na taꞌan na, na kúꞌvi, ndóso na nuu xito kuaꞌan na xiꞌin na yuꞌu ichí. Ta ikán kíꞌin ñaꞌa na chíndoo na nuu yáꞌa ra Pedro, chi ndíkani ini na, án nda ndati ra ná kani ndaa sata sava na ta nduvaꞌa na, káchi na.

1 Corintios 12:28

Ta xa xíni yo mií Ndioxi ku ra to̱so yo veꞌe ñuꞌu ya xaa chiñu yo. Chiñu núnu̱ú ta̱xi ra ndaꞌa sava yo ku ya kúu yo apóstol, ta sava yo ku profeta, nda káꞌan tuꞌun yuꞌu Ndioxi, sava tu yo ku yo sínaꞌa tuꞌun Ndioxi, sava tu yo ta̱xi ra ichí ndaꞌa yo ya ikan yo yatuꞌun Ndioxi, sava yo ta̱xi ra ichí ndaꞌa yo ya sindaꞌa yo na kúꞌvi, sava tuku yo ta̱xi ra ichí ndaꞌa yo ya chindee taꞌan yo xiꞌin naꞌa, sava tuku yo ta̱xi ra ichí ndaꞌa yo ya kaꞌnda chiñu yo nuu na veꞌe ñuꞌu, sava tuku yo ta̱xi ra ichí ndaꞌa yo ya kaꞌan yo inka nuu tuꞌun ya köo ndi̱sikuaꞌa yo.

1 Corintios 12:30

Ta ni süvi ndiꞌi tuku yo kúu mií ichí ya sindaꞌa yo naꞌa, na kúꞌvi. Saa ni süvi ndiꞌi tuku yo vaꞌa káꞌan inka nuu tuꞌun ya köo xíni yo. Ta saa ni süvi ndiꞌi tuku yo kúchiñu síndiko koo inka nuu tuꞌun.

1 Corintios 13:2

Tá tu vaꞌa ni káꞌan i tuꞌun yuꞌu Ndioxi, ni vaꞌa ni kúndaa tu ini i xiꞌin ndiꞌi ni kúu ya íyo sěꞌe, ni ndíchi ni káa i, ni kándixa ni i Ndioxi ya kuni soꞌo ra kaꞌan i xiꞌin ra ndinama ra iku kuꞌun ya inka ñaꞌñu, sundi tá tu köo ya kúꞌvi ini táxi Ndioxi íyo nima i, ya kuꞌvi ini i kuni i inka naꞌa, ta ni köo ndáa yaꞌvi mií vi i.

2 Corintios 4:13

Tuꞌun Ndioxi ya ta̱a na xinaꞌa káchi ya saa: “Ndáa ni ini i xíni i Ndioxi yakan vaꞌa ndi̱kaꞌan i tuꞌun xaꞌa ra”, káchi ya. Ta iin kuꞌva saa ndáa ni ini nde xíni nde Ndioxi, yakan káꞌan ndoso nde tuꞌun ra.

Efesios 2:8

Xaꞌa ya vaꞌa ni Ndioxi xiꞌin ndo kua ta̱xi ra ndi̱kaku ndo. Ta köo ndi̱kuchiñu ndo sikaku ndo mií ndo, xaꞌa ya vaꞌa ni ra xiꞌin ndo kua si̱niꞌi ra ya vaꞌa nuu ndo, si̱kaku ra ndóꞌo̱ chi ndáa ni ini ndo xíni ñaꞌa ndo.

HEBREOS 11:33

Xaꞌa ya xi̱ndaa ni ini na ikán Ndioxi yakan kua vaꞌa ku̱chiñu na nuu inka na ñuu, tá ndi̱xaꞌan na nuu kuachi ka̱ni taꞌan na. Ta sava ka na vaꞌa ni xaa nani na kuachi xiꞌin inka naꞌa. Ta sava na ikán ndi̱kiꞌin na ya ki̱ndoo Ndioxi taxi ra ndaꞌa na. Ta sava na ku̱chiñu na ndi̱kasi na yuꞌu kiti lión, köo ndi̱kuchiñu ri tiin ri na.