1 Corintios 11:34 - Xochapa Mixteco

³⁴ Tá ndá ndóꞌo̱ káꞌun ni ini, ta vaꞌa kuxi ndo veꞌe ndo, ya ná sïndoꞌo Ndioxi ndóꞌo̱. Tá ná xaa i koto i ndóꞌo̱ ta saa ndituꞌun ka yo xaꞌa inka tindiꞌi ini ya ndóꞌo ndo.

1 Corintios 11:34 ပူးပေါင်းရင်းမြစ်များ

1 Corintios 11:33

Xaꞌa ya ñaa kua káꞌan i xiꞌin ndo vitin ñani yo tin kuꞌva yo, tá ndíkitaꞌan ndo kuxi ndo, ta kundatun taꞌan ndo saa iin kachi kuxi ndiꞌi ndo xiꞌin taꞌan ndo.

1 Corintios 16:1

Ta vitin kúni i ndituꞌun i xiꞌin ndo xaꞌa xuꞌun ya ndíkaya nde kuaꞌan ndaꞌa na ndaꞌvi kándixa Jesús ndóo ñuu Jerusalén. Ta vaꞌa ikan ndo tá kuꞌva íkan na veꞌe ñuꞌu ndóo estado Galacia, chi na ikán tá kuꞌva ndi̱kaꞌan i xiꞌin na saa íyo ya íkan na.

1 Corintios 16:2

Ta kivi núnu̱ú xaꞌa semana ta vaꞌa tava síin iin iin ndo loꞌo xuꞌun tañu ya kíꞌin ndo xáa chiñu ndo, tá kuꞌva síkaꞌán mií Ndioxi ini iin iin ndo chindee ndo na, kuꞌva saa koo ya taxi ndo, ta ná koo tuꞌva ya tá ná xaa i ta ndïkaya ka ndo ya.

1 Corintios 16:5

Ndíkani ini i kuꞌun i koto i ndóꞌo̱ ñuu Corinto, ta xiꞌna chí estado Macedonia yaꞌa i saa xaa i nuu ndo.

1 Corintios 4:17

Xaꞌa ya ñaa kua tíꞌvi i ra Timoteo ñani yo xaa ra nuu ndo, vaꞌa ni ítaꞌan ra xiꞌin i. Nda tá káa seꞌe i saa káa ra, kúꞌvi ni ini i xíni i ra xaꞌa ra ya ndíkun ra Tata yo Jesucristo. Ta ra ñaa ku ra ndituꞌun xiꞌin ndo, sindikaꞌán ra ini ndo ndá kuꞌva íyo i, ta kuꞌva saa sínaꞌa i naꞌa ndiꞌi ni kúu veꞌe ñuꞌu.

1 Corintios 4:19

Sundi tá Ndioxi ná kachi, ta kama ni va xaa i koto i ndóꞌo̱. Ta saa kundaa ini i xaꞌa nda taꞌan ndo, nda ndee ni kútai ini xíka sínaꞌa, tá tu ya ndixa kua nde ni íyo ndee Ndioxi xiꞌin nda, án sana xiꞌin tuꞌun mií ya kána koo xi̱ní mií va nda kua káꞌan nda.

1 Corintios 7:17

Ta vaꞌa koo ndo tá kuꞌva chi̱tuni mií Tata yo ta̱xi ra ndaꞌa ndo. Taꞌan ya káꞌan i xiꞌin ndo ku ya káꞌan i xiꞌin tá kúu ndiꞌi ni kúu naꞌa, na veꞌe ñuꞌu.

Tito 1:5

Tá si̱ndoo i yóꞌo̱ ñuu Creta ya ndíkaa maꞌñu nduta ñûꞌu, ta si̱ndoo i yóꞌo̱ ya sixinu un chiñu ya kúmani ka xinu, ta ndi̱kaꞌan i xiꞌin un ya ndikaxin un taa nda xikuaꞌa tá ñuu, tá ñuu, ya kundiso chiñu nda xiꞌin na veꞌe ñuꞌu.