1 Corintios 11:23 - Xochapa Mixteco

²³ Ta ya sínaꞌa i ndóꞌo̱ vitin ta mií Tata yo Jesucristo ku ra si̱naꞌa yeꞌe, ta saa íkan i xiꞌin ndo. Mí ñûu tá ndi̱xiko vata ñaꞌa ra Judas Tata yo Jesús, saa ti̱in ra xita vaꞌa,

1 Corintios 11:23 ပူးပေါင်းရင်းမြစ်များ

San Mateo 26:17

Tá ti̱ndaa kivi ya xa̱á xíxi na judío xita vaꞌa ya köo uxan iya xiꞌin, saa ku̱yati nda ítaꞌan xiꞌin Jesús nuu ra, káꞌan nda xiꞌin ra, káchi nda saa: ―¿Tata, mií kua kúni un xaa súvi nde kuxini yo viko pascua? ―káchi nda xiꞌin ra.

San Mateo 26:2

―Xíni ndo soo uvi kivi kúmani, saa kana viko pascua. Saa nditaxi na yeꞌe, Taa ra xa̱a ñuu ivi yóꞌó, nditaxi na yeꞌe ndaꞌa naꞌa, na sáa ini xíni yeꞌe, ta na ikán chinuu yeꞌe ndaꞌa cruzin nuu kuvi i ―káchi Jesús xiꞌin nda ítaꞌan xiꞌin ra.

San Mateo 26:34

Saa ndi̱kuiin Jesús káꞌan ra xiꞌin ra: ―Ya ndaa káꞌan i xiꞌin un, ñǔu vitin tá täꞌan ka kana nduxi, ta xa uni ichí vi ndi̱kuaa un ya köo xíni un yeꞌe ―káchi Jesús xiꞌin ra.

San Mateo 28:20

Saa sinaꞌa ndo na ya ná xaa súvi ndiꞌi na ya ndi̱kaꞌan i xiꞌin ndo. Ta ná kundaa ini ndo, chi yeꞌe, ta ndiꞌi saa kivi koo i xiꞌin ndo, iin saa nda ná ndiꞌi xaꞌa ñuu ivi ―káchi Jesús xiꞌin nda xi̱taꞌan xiꞌin ra. Saa ná koo.

San Lucas 22:17

Saa ti̱in ra iin copa vinu ta ta̱xi ra tixaꞌvi ndaꞌa Ndioxi. Tá ndiꞌi ta̱xi ra tixaꞌvi ndaꞌa Ndioxi, saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Siyaꞌa ndo rá ndaꞌa taꞌan ndo, ta loloꞌo rá koꞌo iin iin ndo xiꞌin taꞌan ndo.

Los Hechos 20:7

Tá ti̱ndaa kivi núnu̱ú xaꞌa semana saa ndi̱kitaꞌan ndiꞌi nde ndíkun Jesús ya taꞌvi nde xita vaꞌa kuxi nde xiꞌin taꞌan nde xiꞌin ra Pablo, saa káꞌan ndoso ra tuꞌun Ndioxi xiꞌin naꞌa, síin kivi saa íyo ra ñuu na, ta tuvi xitaan keta ra kuꞌun ra inka ñaꞌñu, káchi ra. Yakan ndíꞌi ni ini ra nda sava ñǔu ta káꞌan ka ra xiꞌin na.

1 Corintios 10:16

Xa xíni ndo chi ya ndíkitaꞌan yo xiꞌin Cristo kua xíꞌi yo nduta vino, chi ndi̱xita nií ra xaꞌa yo yakan vaꞌa ndíkitaꞌan yo xiꞌin ra. Saa tu tá xíxi yo xita vaꞌa, chi ta̱xi ra ikin kuñu ra xaꞌa yo, yakan vaꞌa ndíkitaꞌan yo xiꞌin ra.

1 Corintios 15:3

Ta vaꞌa chi tuꞌun ya núnu̱ú xa si̱naꞌa i ndóꞌo̱ kua si̱naꞌa mií Tata yo Jesucristo yeꞌe, ta ndee ni ndáa yaꞌvi ya káꞌan i xiꞌin ndo, chi xaꞌa kuachi yoo kua ndi̱xiꞌi Tata yo Jesucristo, tá kuꞌva káꞌan mií tuꞌun Ndioxi ya ta̱a na xinaꞌa.

Gálatas 1:1

Yeꞌe, Pablo, ra xíka chiñu nuu Tata yo Jesucristo ku i táa tutu yóꞌó, xaa ya nuu ndo. Ta süvi na ñuu ivi yóꞌó ku na ndi̱taxi chiñu ndaꞌa i kúu i apóstol, chi mií Tata yo Jesucristo xiꞌin mií Iva yo Ndioxi, ra si̱taku Tata yo Jesucristo ku ra ta̱xi chiñu ndaꞌa i xáa chiñu i nuu ra.

Colosenses 3:24

Ta ndikaꞌán ini ndo, chi vaxi kivi ta niꞌi ni ndo ya vaꞌa, ya ki̱ndoo Tata yo Jesucristo taxi ra ndaꞌa ndo. Saa chi nuu mií ra xáa chiñu ndo.

1 Tesalonicenses 4:2

Xa xíni vaꞌa ni va ndo chiñu ya xa̱ꞌnda chiñu mií Tata yo Jesucristo nuu nde ndi̱kaꞌan nde xiꞌin ndo.