1 Corintios 11:22 - Xochapa Mixteco

²² ¿Án köo veꞌe ndo ná kundoo ndo kuxi ndo tin koꞌo ndo? Chi väꞌa íkan ndo síndikava ndo ini na veꞌe ñuꞌu, saa síkaꞌán ndo nuu na taꞌan yo, na köo ñaꞌa nuu kuxi.

1 Corintios 11:22 ပူးပေါင်းရင်းမြစ်များ

Los Hechos 20:28

Ta ndóꞌo̱ ku ndo ndi̱kaxin Tachi I̱í Ndioxi ya kundiso chiñu ndo xiꞌin na veꞌe ñuꞌu. Tá íkan nda ndáa levo sana nda, saa ikan ndo. Xaa kuenta ni ndo xiꞌin mií ndo tin xaa kuenta ni ndo xiꞌin na kuaꞌan ichí Jesús. Chi na ikán ku na sa̱ta ra xiꞌin ni̱í mií ra nduta ndi̱xita nuu cruzin.

1 Corintios 10:32

Ta küvi ikan ndo ñaꞌa xiꞌin na taꞌan yo, ya sindikava ndo ini na, án na judío ku na, án süvi na judío ku na, án na kándixa Tata yo Jesucristo ku na, ta küvi ikan ndo saa xiꞌin na.

1 Corintios 11:17

Ta vitin kaꞌan ka i xiꞌin ndo, ta küvi kaꞌan i xiꞌin ndo ya vaꞌa ni íkan ndo, chi ndóꞌo̱, tá ndíkitaꞌan ndo veꞌe ñuꞌu, ta süvi ya vaꞌa vi íkan ndo xiꞌin taꞌan ndo, ya väꞌa va íkan ndo xiꞌin taꞌan ndo.

1 Corintios 11:2

Ñani yo tin kuꞌva yo, chínuu vaꞌa ni i tuꞌun ndo, saa chi ndíkaꞌán ni ini ndo xaꞌa i. Ta köo síndoo ndo ichí ya si̱naꞌa i ndóꞌo̱.

1 Corintios 11:34

Tá ndá ndóꞌo̱ káꞌun ni ini, ta vaꞌa kuxi ndo veꞌe ndo, ya ná sïndoꞌo Ndioxi ndóꞌo̱. Tá ná xaa i koto i ndóꞌo̱ ta saa ndituꞌun ka yo xaꞌa inka tindiꞌi ini ya ndóꞌo ndo.

1 Corintios 15:9

Chi yeꞌe, ta ra ni̱nu̱ ni kuu i nuu ndiꞌi nda taꞌan i, ni köo ichí i kaꞌan naꞌa xiꞌin i apóstol, saa chi ra xa̱a ndu̱vaꞌa ni xiꞌin naꞌa, na kúu veꞌe ñuꞌu Ndioxi, ndi̱xiyo i.

1 Timoteo 3:15

chi án sana kuachi loꞌo ka i yóꞌó, yakan káꞌan kuee i xiꞌin un ya ná kundaa ini un ndá kuꞌva xíniñuꞌu ndo ikan ndo, xaꞌa ya kúu ndo na veꞌe Iva yo Ndioxi, ra táku. Ta tá kuꞌva tuun ni kuáꞌa xaꞌa veꞌe án tá káa itun ndee ni ndíso xi̱ní veꞌe, saa íin ndo, xaꞌa ya ndaa ku̱ndaa ini ndo xaꞌa tuꞌun ra.

1 Timoteo 3:5

Chi tá tu köo xíni nda kuniꞌi vií nda na veꞌe nda, ta saa ni küchiñu nda kundàà vií nda na veꞌe ñuꞌu.