1 Corintios 11:17 - Xochapa Mixteco

¹⁷ Ta vitin kaꞌan ka i xiꞌin ndo, ta küvi kaꞌan i xiꞌin ndo ya vaꞌa ni íkan ndo, chi ndóꞌo̱, tá ndíkitaꞌan ndo veꞌe ñuꞌu, ta süvi ya vaꞌa vi íkan ndo xiꞌin taꞌan ndo, ya väꞌa va íkan ndo xiꞌin taꞌan ndo.

1 Corintios 11:17 ပူးပေါင်းရင်းမြစ်များ

ROMANOS 13:3

Na chiñu, ta süvi xaꞌa ya síꞌvi na naꞌa, na íkan ya vaꞌa kua kúu mií na chiñu. Naꞌa na íkan ya väꞌa kú na xíniñuꞌu ku ívi nuu na. Yakan ikan ndo ya vaꞌa ta ku ïꞌvi ndo nuu na, nda mií na chiñu ta kaꞌan vaꞌa na xaꞌa ndo.

1 Corintios 11:2

Ñani yo tin kuꞌva yo, chínuu vaꞌa ni i tuꞌun ndo, saa chi ndíkaꞌán ni ini ndo xaꞌa i. Ta köo síndoo ndo ichí ya si̱naꞌa i ndóꞌo̱.

1 Corintios 11:20

Sundi tá ndíkitaꞌan ndo xíxi xíní ndo xita vaꞌa, saa xíꞌi ndo vino, ya ndíkaꞌán ini ndo ndi̱xiꞌi Tata yo xaꞌa ndo, ta väꞌa íkan ndo, chi köo íyo yuꞌu ndo xiꞌin taꞌan ndo tá íkan ndo saa.

1 Corintios 11:22

¿Án köo veꞌe ndo ná kundoo ndo kuxi ndo tin koꞌo ndo? Chi väꞌa íkan ndo síndikava ndo ini na veꞌe ñuꞌu, saa síkaꞌán ndo nuu na taꞌan yo, na köo ñaꞌa nuu kuxi.

1 Corintios 11:34

Tá ndá ndóꞌo̱ káꞌun ni ini, ta vaꞌa kuxi ndo veꞌe ndo, ya ná sïndoꞌo Ndioxi ndóꞌo̱. Tá ná xaa i koto i ndóꞌo̱ ta saa ndituꞌun ka yo xaꞌa inka tindiꞌi ini ya ndóꞌo ndo.

1 Corintios 14:23

Saa tá ná ndikitaꞌan ndiꞌi ndo na veꞌe nuꞌu, ta ñaa ná xáa ndiꞌi ndo kaꞌan ndo tuꞌun ya köo xíni ndo, ya ke̱e nuu ndivi, ta saa ná kiꞌvi naꞌa, na köo kúndaa ini xiꞌin tuꞌun ya káꞌan ndo, ná kachi yo, án na köo kándixa tuꞌun Ndioxi, ta ¿án käꞌan na xaꞌa ndo ya ndu̱kiꞌvi ndo, túvi ndo?

1 Corintios 14:26

Ñani yo, ná koto ndo unkua vaꞌa xíniñuꞌu ndo ikan ndo tá ndíkitaꞌan ndo veꞌe ñuꞌu: Ta vaꞌa kata sava ndo yaa nuu Ndioxi, ta sava ndo sinaꞌa, ta sava ndo kaꞌan xaꞌa tuꞌun ya sítuvi Ndioxi nuu ndo, ta vaꞌa kaꞌan sava ndo tuꞌun ya ke̱e nuu ndivi, ya köo xíni ndo, ta ná koo naꞌa sindiko niꞌi tuꞌun ya káꞌan ndo. Saa ikan ndo ya vaꞌa chindee taꞌan ndo xiꞌin na veꞌe ñuꞌu ya taxi ndo ndee ndaꞌa na.

HEBREOS 10:25

Xíniñuꞌu yo ndikitaꞌan yo xiꞌin na ñani yo tin kuꞌva yo ya xaa kaꞌnu yo Ndioxi. Ta ná ïkan yo tá íkan sava na taꞌan yo, köo xíin ka na ndikitaꞌan na ya xaa kaꞌnu na Ndioxi. Ná xaꞌa ka yo ndee xiꞌin taꞌan yo, saa chi vitin ka kua ndee ni, chi xa kuaꞌan kúyati ni kivi ya ndiko koo tuku Tata yo Jesucristo kixi ra ñuu ivi yóꞌó.

1 Pedro 2:14

Ta saa tu ndá ka mií na chiñu na táxi ra rey ichí ndaꞌa ya sindoꞌo na naꞌa, na íkan ya väꞌa, ta kaꞌan vaꞌa na xaꞌa naꞌa, na íkan ya vaꞌa.