1 Corintios 10:31 - Xochapa Mixteco

³¹ Sundi yeꞌe, ta ya káꞌan i xiꞌin ndo ku ya yóꞌó: Tá íkan ndo ndá ka mií ñaꞌa án ya xíxi ndo ku ya án ya xíꞌi ndo ku ya, ta xaa kaꞌnu ndo ra xaꞌa ndiꞌi va ya.

1 Corintios 10:31 ပူးပေါင်းရင်းမြစ်များ

San Lucas 11:41

Saa ndóꞌo̱, tá chíndee ndo na ndaꞌvi ta ndinuꞌu ini ndo taxi ndo ñaꞌa ndo ndaꞌa na. Ta saa kua kindoo vaꞌa ndo nuu Ndioxi.

1 Corintios 7:34

Saa íkan tu ná síꞌi va, chi ná síꞌi kuâán ná köo ií, ta ndíꞌi ni ini ná ndá kuꞌva koo ndu i̱í ka ya vaꞌa ná xiꞌin ikin kuñu ná nuu Ndioxi. Ta ná síꞌi íyo ií ta ndíꞌi ni ini ná ikán xaꞌa ñaꞌa ya íyo ñuu ivi yóꞌó, chi kúni ná xaa sií ná ini ií ná.

Colosenses 3:17

Ta ndiꞌi ñaꞌa íkan ndo án ya káꞌan ndo, ta vaꞌa ikan ndo ndiꞌi ya xaꞌa ya chinuu vaꞌa ndo tuꞌun mií Tata yo Jesús, saa taxi ni ndo tixaꞌvi ndaꞌa Iva yo Ndioxi.

Colosenses 3:23

Tá xáa súvi ndo ndá ka chiñu, ta vaꞌa ikan ndo ya xiꞌin ndinuꞌu nima ndo, chi tá íkan ndo saa, ta nuu mií Tata yo Jesucristo kua xáa súvi ndo chiñu, ta süvi nuu na ivi yóꞌó kua íkan ndo saa.

1 Pedro 4:11

Ta ndóꞌo̱ ndi̱niꞌi ya vaꞌa xínituni ke̱e nuu Ndioxi ya kaꞌan ndoso ndo, ta vaꞌa kaꞌan ndoso ndo tá kuꞌva kúni mií Iva yo Ndioxi. Ta saa ndóꞌo̱ ndi̱niꞌi ya vaꞌa chindee taꞌan ndo xiꞌin inka naꞌa, ta vaꞌa chindee taꞌan ndo xiꞌin na xiꞌin ndiꞌi ndee ya ta̱xi Iva yo Ndioxi ndaꞌa ndo. Ta ndiꞌi ya íkan ndo, ta vaꞌa ikan ndo ya, ya xaa kaꞌnu ndo Ndioxi tixin Tata yo Jesucristo, ra ndee ni ndee ku mií xiꞌin ya luvi ni kúu mií ra, ta saa koo ra ndiꞌi saa kúu tiempo. Saa ná koo.